د بدري قطعې په ویاړ

ترانه

درتـه راغلـــی د بــــــــــدري قطــعې لښکر کابله
اې شملور کابله
د زړه پــــــه ویـنــو دې ساتي لــــه یرغلګر کابله
اې شملور کابله

کـوه سیالې له درست جهان سره کامیابه شولې
د طالب جــــــان پـه دیدنو باندې سېرابه شولې
د عمـــــــــــــــري لښکرو
هم منـصــــــوري لښکرو
سپین بیــــرغونه دروړه
زمونږ هیـــــبتـي لښکرو
شــــوه اذادي دې نصیب
هم خپـلواکي دې نصیب
وې له کلــــــــــــونو خپه
شوله خوښي دې نصیب
مجاهــدین به کړي ټکــــــور ستا هر پر هر کابله

د ستا پــه غېږه چه رپان شو سپین بیرغ د امن
د زړه په کورکې به دِ بل شي روڼ څیراغ د امن
درتــــه پتـــنګ بـه راځي
د ستا تــرڅنګ بـه راځي
له تا بـــــــه ځـان ځاروي
طالـــــب ملنګ بـه راځي
درســــــره مینه لــــــــري
عقـــېده سپـینه لــــــــري
درته دوښمن نه پریګـدي
څنګ کې ماشینه لــــــري
ستا په حَریم باندې بـه خیال کړي لر او بر کابله

د ستا ارمــان شولــــو پوره کابله نور څه غواړې
له شیخ صــاحب هیبت الله اتله نور څه غواړې
له تا مــو ځار کړې ځوانۍ
هم مو پـه دار کړې ځوانۍ
د ستا دوښـمن مو مات کړ
له ژوند مو بار کړې ځوانۍ
په امـــــــــارت ودان شوې
په شـــــــریعت ودان شوې
اوښکې دِ مــونږ وچې کړې
پـــه خپل ملت ودان شوې
د زړه غوټۍ دې شوې ګـــــــلاب اې بختور کابله

د شهید پاکــــــو سرو تودو وینو نن رنګ راوړی
د کابل غـېږ تـــه سپین بیرغ طالب ملنګ راوړی
هــــــــر خوا وزرونه وهي
د عشـــــــق موجونه وهي
ډېر عـــــــجیــبه ښکاریږي
د دوښمـــــــن زړونه وهي
ډېر یې په خونــد پوهیږي
رښتیا پـــــه ژوند پوهیږي
واخلی مطلب لــــــه بیرغ
څوک یې پــه پند پوهیږي
غمجن " بهــیر" دربانــــــــــدې ویاړم بهادر کابله