هليوم سابع بالشهر
واويلاه يالمنتظر

هليوم يوم ابو الفضل واويلاه يالمنتظر
كل مشكله بسمه تحل
والنعم من هذا البطل
نكطعت جفوفه عالنهر

الماي جابه بجربته واويلاه يالمنتظر
ستبشرت زينب خيته
واسقى الاطفال النخته
الجموع خلاها وذر

عالعدو سيفه زلزله
خله الجموع معزله
بركان هوه بكربله
وعيونه تتجادح حمر

جاربهم ودمه نزف واويلاه يالمنتظر
والسهم بعينه زرف
والعدو من سيفه رجف
وقلبه غده مثل الجمر

من طاح وشكو جربته واويلاه يالمنتظر
وشافته زينب خيته
وجفوفه مكطعه شافته
نادته يفداك العمر

الحقني خويه ياشهم واويلاه يالمنتظر
والعين صابوها بسهم
وبطيحتي طاح العلم
ومنك ياخوي اطلب عذر

الحسين جاله معتني واويلاه يالمنتظر
كسرت ظهري يالولي
بالدنيا ياخوي شلي
فاضت روحه ومحتظر

-----تمت بعون الله ----‐
بقلم خادمة الزهراء منى البصراويه
5/9/2019


🔻قنواتنا المتواضعة ونتشرف بانضمامكم الینا

💠⚜قناة القصائد النسائیة⚜💠
👇👇👇👇👇

🆔 https://t.me/joinchat/AAAAAELjuyeuvc5tfgzGiQ ‏ ‏ ‏ ‏ ‏


🔸کروب تلحین قصاید منبریة اشترک👇👇👇
🆔 https://t.me/joinchat/ATZm8RUUWrk-KHq7rcmdHA