لسان حال أبالفضل العباس عليه السلام في لحظاته الأخيره...


ابسرعه ارجع للخيم و احمي رقـيه
و اتـرك أعــالج وحـدي آلام المـنيه

خويه يخويه * خويه يخويه


جيش الكفر ما يعرفون الله و رسوله
تخطيط عدهم يحرگوا إخيام البتوله
لو تبقى عد اجنازتي و عينك هموله
زينــب يضــربــوها و يـودوها سبيه

خويه يخويه * خويه يخويه


ارجع ، تره ما ظل أحد مـن الهواشم
خوفي يبو الأكبر يـسلبون الفواطم
خوفي يروعـوها و أنه عالغبره نايم
كفــار ، ما عــدهم أمان أزلام أميه

خويه يخويه * خويه يخويه


إرجع يبو اليمه بعد لتظل جواري
ميليق ابهل عيله تصبح چالجواري
بنتــك زغيره عالسبي ابـهل براري
لتخــلي تتــقيد و لا تــنــظر أذيــه

خويه يخويه * خويه يخويه


خوفي يسلبون التراچي من سكينه
و احنه على قيد الحياة و حيل بينه
إحمي العزيـزه ، لـو إخـذها للمدينه
لو اذبحــونا و تبــقى بيد الناصبيه

خويه يخويه * خويه يخويه


يا خويه خليني أنازع موتي وحدي
عوف الجنازه و لا تظل للموت عندي
خل هالعده ايـوذروني ، هذا وعدي
إعذرني ما أقدر أظل ، قطعوا ايديه

خويه يخويه * خويه يخويه

===========
📝 #الشاعرة_الملاية_زينب_المؤيد
📚 #ديوان_خزائن_الرثاء
*((شرعاً لا أجيز حذف الإسم))*


🔻قنواتنا المتواضعة ونتشرف بانضمامكم الینا

💠⚜قناة القصائد النسائیة⚜💠
👇👇👇👇👇

🆔 https://t.me/joinchat/AAAAAELjuyeuvc5tfgzGiQ ‏ ‏ ‏ ‏ ‏


🔸کروب تلحین قصاید منبریة اشترک👇👇👇
🆔 https://t.me/joinchat/ATZm8RUUWrk-KHq7rcmdHA