مِــــــــرجَآوُيـــــــّ.؟༺༽༼༻

لا بس لعرفي قال عادي اي شي ينزل

لـ كل ولد جت عينه ؏ المنشــور

إن شاء الله في جامع يلتموا♥️،
يقروا فاتحتك و يتموا💍♥️.

قصدكم بتبدأ قناة روايات 🥹🫶

تمام

لو عجبتكم حنكمل❤️

صحصح مُعـاذ وطلع من البـاب لقانـي حاطه يدي ع صدري ونشهـق ونبكي
مُعاذ : كنك بسم الله
انا نشير ع نفس : النفس نفس
مُعاذ معش عرف كيف يصرف جاب كرسي وقعمزني وقعد يهوي عليا بيديه : اهدي بس اهدي وخوذي شهيف وزفير را اضري روحك شهيق وزفير بشويا بشوياا
انا حاولت ماقدرتش صبيـت وقعدت انتنفـس بصـعوبه
مُعاذ تردد ف الاول بعدهـا مسك يدي ولفني عليـه وحضني بالقوة ويمسح ع شعري : اهدي وراس امك تهدي را حتضري روحك هكِ تخايلي ان مافيش ولا اي حاجة شينة غمضي عيونك واهدي
تنفـسي بشويـا كل حاجة حتصلـح وكل حاجة حتمشي تمام مافيش حد يستاهل تضري صحتك ع شانه
انا بدا النفـس يهـدا شويـا شويـا معاذ سكت وانا قعدت فِ حضنه وساكته
مُعاذ بعد مرور 5 دقائق بضبط : لو متريحه فيه عادي نقعد لعند بكرا هكِ نبي نطمن عليك بس قعدتي احسن
انا تباعدت عليـا ومسحت دموعـي : شكراً
خشـيت للكوجينة
خش ورايا وصكر الباب : اتحبيه !
انا برمت عليـه : من
معاذ : الي جا فِ بالك توا
انا نزلن دموعـي كنت محتاجه نحكي لحد ماكنتش متخيله ان قصتي انا ومالك نقعد نحكي فيهاا لاي حد مخطم واي حد ماشي
الاء خشت للكوجيـنة : معاذ توليـن !
معاذ خـش لدار مالك وصكر لباب
الاء : كنك شن في
انا : نضت بنشرب امياه لقيته ف الكوجينة شكله بايت مع مالك
الاء : اهااا
انا طلعت من الكوجينة خشيت لفراشي قعدت نستغفر لعند مارقدت
كنت حرفياً هادية ومتريحه وناسيه اي حاجة لما حضني معاذ حسيت كإنه يطبطب عليا وكإنه دواء للجروح الي جوا فيـا
معاذ رقد وهوا يفكـر ان تفكيره صح او لا !
_______
ثـاني يوم الصبح معاذ مارقدش ع طول لما طلـعت الشمـس
لبس كويشـه وطلـع من دار لقي عمته نجيـة فِ الصالة
نجية : حبيب عمته
معاذ : عمتي
نجية تبوس فيه قعدت : وين كنت
معاذ : مع مالك ف دار وباقي شباب ف المربوعة
نجية : نجكليا تعال نديرلك فطور
معاذ : لا والله بنطلع ي عمتي
نجية : تي تعال بس والله نزعل منك
خشت نجيـة للكوجينـة : قهوة صح
معاذ : بدون سكر
نجية : حافظتك
معاذ ابتسم ل حنية عمتـه
نجية طيبت القهوة وحطتله حلو وقعمزت جنبه ع طاوله المطبخ : كنك ماتمشي لباتك ي معاذ را مريض
معاذ حط فنجال القهوة : وانا لما نمرض كان يندري عليـا ! ايام كنت بروحي ي عمتي كان ف حد يدق فِ بابي
مسحت دموعي بروحي ورقدت جعان بروحي ورقدت زعلان بروحي ورقدت مريض وداويت روحي بروحي وهوا كان مضبط وليته لاخره وفايتني مايرجش مني شي لاني مالقيتش منه شي من وانا ف الاعدادي نخدم ع راسي سيارتي بفلوسي وشقتي بفلـوسي هوا مش دافع فيهـا قرش
حقه عليـا لما نشوفه نحب ع يده وراسه اكثر من هكِ نقنه مانقدر ي عمتي
نجية : ربي يهدي سركم وحسبي الله ونعم الوكيل ف الحقيرة الي فرقت بينكم
معاذ : الله يرحم الغالية ي عمتي والي عليا ندير فيه والي عليهم مانبيهـش
انـا كنت كيف واعيه وعيوني يحرقـن من الدموع
خشيت للكوجينة ونحك ف عيوني وشعري مطلوق
معاذ رفع عيونه فـيا بعدها نزلهن : عمتي انا برا جيبها ليا برا قهوتي
طلع معاذ وانا وخرت
نجية ضحكـت : خشي طلـع
انا خشـيت راسي صداع بينفجـر
نجية : شن رايك فيها ي عمتي البنت الي خشـت توا
معاذ : شوفي انا وين وانتِ وين ي عمتي
نجية : نخطبهـا لكِ امها مسقمـه والبنت كويسه وهادية
معاذ : ساهل ي عمتي مش وقته توا
نجية : امتي وقتـه مالا
معاذ : خليني ف موضوع نتأكد منه وبعدها ساهل ي نقولك توكلي ي نقولك فوتي
نجية فرحت عشان كانت بتريح عليـه: باهي حـاضر ❤️
انا فِ الكوجينة راسي صداع بكل
نجية خشت تضحك : صباح الخير
انا استغربت ف ضحكتها ليا : صباح النور
خشت خالتي نادية : شن تبو الغداء
نجية : اي حاجة عادي
خالتي نادية : كلمت الجارات بعدين ندربكو ونديرو جـو مدبينا اليوم ماعندنا شي
نجية : اها بكرا الزفه
انا حسيت بغصـة فِ قلبـي وصبيـت
وجدان : درتو قهوة
انا مديتلها كبايتي : اشربيها مانبيهـش
انا خشيـت للدار حاولت اني نمشي جوي ومانركزش
قعدت نضـم ف البـطاطين والمخدات ونحول فِ الفراشـات
_____
فِ ع العشيـة كنت لابسة سروال اسود وبلوزة بيضـه ومدايره مكياج خفيف ولابسه صباط حـوش
ولافه شعري فوق
مصبيـه ع بكرج ونطيـب فِ قهوة
خشـت عليا بنت نجيـة حلا : قتلك يبوك برا
انا : من يبيني
حلا : حد من هلك
انا : باهي صبي ع بكرج نشوفه
حلا ابتسمت وصبت ع الغاز
انا طلعت من باب الكوجينة لقيـت مُعاذ
خشيت
معاذ ضبحلي : انا الي نبيـك
انا بحتت فيه : شن تبي فيا بنسبة للي صـار فِ الفجـ..
معاذ : لو جيت خطبتك تجوزيني ؟
انا بحتت فيـه ونصدمـت من طريقة كلامة
كيف كان واثق فِ روحة وكلامـه !!
#يتبـع
من فلوجه نسيت نكتب الي لابس ازرق معاذ ولاخر مالك

خـش مالـك : امـي
خالتي نادية : كنك بسم الله
مالك : معش تخلي الفرخات يطلعن برا
ماما : من الي طلعت بسم الله
مالك يعلي ف صوته : عارفه روحها كويس الي طلعت تواا معايا عيال سيدي واصحابي مافيش داعي للعرض
انا استفزنـي طلعت عليـه : اول حاجة احترم نفسك وماتقولش عرض كان انتَ متعود ع نماذج هذينا انا مش كيفهن انا طلعت ع خاطر ننشر ماليه ولد سيدك الي تلبزت بالعصيـر مش ع خاااطر نعرض روحي زي ماقلت واحترم نفسك ي مالك راني بنت خالتك
ماما : هايييه هايييه كنكم انتو لاثنين
مالك : وجعها الكلام الاخت كلام الحق يوجع ماهو
انا : لا حق لا باطل انتَ اخر واحد تحكي ع كلام هضاا ولو بنطلـع مادخلكش بيـا
خالتي نادية حست الموضوع بدا ياخذ طريق وحده ثانية قدام صبيتهـا : خلاص مالك اطلـع حصل خير طلعت تنشر ف الماليه بس مش اخلاقها هذينا تولين
مالك بحت فيا من فوق لعند لوطا بغضب وطلع
كنت عارفته غايـر لان نظرات هذينا نعرفهن كويس انا
قعـدت نبكـي
ماما : عليش تبكي توا عاادي ولد خالتك كيف خوك حمزة
نجية : يامينه ياما يصير
ياسمين : مالك رقيله اصلاً خاش تقول بيضرب
الاء : مغير قولي كلمة خير ولا اسكتي
ياسمين : قلت الحق
انا كملـت الاكيـاس ولمينـا الحـوسه وخشن الصبايا يرقدن
وبدت الشـباب حفلتهم وكنا نسمعو فِ صوت ضعيف مش عالي واجـد
الاء : ماخاطري الا فِ نسكافي والله
ياسمين : في مضروب او واتي سخني حليب
الاء : تولين تبي
وجدان : انا مانبيش فكيني بنرقد
انا : ديري عادي
ياسمين : ونشربوه برا الله
انا : تو يجيك يقولك تعرضي ف روحك
ياسمين : قصدي حبيبتي واضحه غار عليـك ومازال يحبك خش كيف البوبي يعيط
انا : مصح وجها عنده وجه يغار عليا اخري السايكو المريض
ياسمين : حتشوفيه حيبرم ويرد
الاء : ع اساس لما بيرد بيلقاها يعنـي ؟
انا : والله الله
الاء : خلاص اطلعن تو نجيبـه لكن
انا : هيا ياسمين
لفيت وشاحـي وياسمين لبست بتاع الصلاة
وطلعنـا قعمزنا ع طاوله وكراسي جنب الحوش كانت ف ِ جنان
ياسمين : وجدان اختك نكد
انا : عندها النوم فوق الجميع
ياسمين : سبحان الله ع دنيا
انا : مالا شن تشقلب حالك من حال لحال
ياسمين : بكل
طلعت الاء بسفرة حلويات ونسكـافي
الاء : عمتهم نجية حبيتهـا للعلم
انا : شكلها كويسه اها
الاء : شفتي نظرات معاذ لكِ امبدري قريب ياكلك
انا : تهيالك عادي حسيته
الاء : لا وحقربي قريب ياكلك
ياسمين : كنه ماياكلها مبدري طلعت صاروخ🤣🔥
الاء ضحـكت
انا : تبالغن بكل
________
مـالك كـان شـارب لدرجة مايشـوفش قدام
احمـد لما شاف خوه هكِ مسـكه وقعد يخشش فيه للحوش
وشاف نص الشباب الي مش فاقد بكل الي واعي نص وعيه
رقتلـه لان لو شافهم باتهم حيدير قصـة
احمد : شن قلناا ي مالك مش قلنااا مافيش الهااايك هضاااا
مالك : توليين وين
احمد : تي اي تولين هذي يراا تعال
ليث : هي نروحو معاذ
معاذ كان يدخن : هي
احمد : لا وين تروحو حتي انتو خليكم ليل توا
معاذ : انا واعي ي احمد ماشربتش
احمد : ليث وباقي شباب ماهموش واعيين اليوم خلوكـم وبكرا الصبح توكلو هيـا بس ماتلطهش
معاذ : باهي به
احمد : تعال ساعدنـي نخششوه جوا هضـا
معاذ مسك مالك من ليمين واحمد من ليسٰار
احمد : تعال من باب الكوجينة الي من جنب را يفطله باتي تو يعلقه ف السطاح
معاذ ضحـك
لما شافنـي نضحك مع البنات ونهدرز لقي روحه يبتسـم تلقائيـاً
احمد : انتن هنا
انا : احمد كيف حالك
احمد : شوفي الميت هضا الي مش فاطن بكل
مالك ضحك لما سمع صوتـي : توليين
انا : هيا نخشو ي بنات حسيت الوقت تأخر بكرا اكيده حيوعونـا بدري
خشت الاء وياسمين بسفرة
انا بنخـش مالك عزق روحه عليـا
انا دفيـته بيدي شور احمـد وخشـيت
معاذ شاف اللقطـة وماحسش ان هيا عشان مش واعي دار هكِ شن معني هيا مش باقي البنات
وهيا تبكـي كانت مبدري معقوله الي فِ راسي صح !
انا خشيت مع البنـات ع اساس بنرقد لكن كملتها نبكـي
مالك حطوه ف داره رقد ع طول
احمد : انا بنروح لحوشي ي معاذ بالله عليك اليوم ارقد معاه ف دار
انتوقع منه اي حاجة
معاذ : قريباتكم ي احمد ماتجيش
احمد : صكرها دار بالمفتاح اهوه مفتاحها و صبح تو نوقض امي نقوللها انك مع مالك وتبي حاجة اهيه كوجينة مافيش حد رقدن كلهن
معاذ كان مش عاجبه لكن ماحبش يكسفه : خلاص تم
احمد : شورك وعندك
معاذ : شوري وعندي
طلع احمـد ومعاذ قعد مع مالك
لقي فراش اطرحه ورقد من تعب
_______
انا نضـت فِ نص الليل حاسه النفـس بينقطع عليا
لان رقدت نبكي وزعلانه
معاذ ناض عطشان يحساب روحه فِ شقته طلع
شاف المطبخ خشلـه يشرب فِ امياه انتبه للباب بتاعه مفتوح وحد يبكي بـرا

والمكياج سايح غسلت وجهي كلـه ومسحتـه
خذيه توتـة من نورهـان لبستهـا
وراسي كان صداع من البكاء فِ سيارة
خذيت حبتين بنادول نادين جاها راجلها روحت بيها
حسين خذا ابتهال واعيالهم وروحو
إيمان روحت لحوشهم هيا واختها عشان عندهم قرايا
نورهان ع طول خشت رقدت من التعب واعيه بدري كانت ف الجامعة وكذالك شهد رقـدت للمدرسة
الي قعـد واعـي
انا وماما وخالتـي نوال الصغيـرة وعمتهـم الكبيرة
" نجية"والاء وياسمين ووجدان
خالتي نادية : اهن الباكوات وهضا الخالوط والاكياس
نجية : الله الله زمان كان حشيشتي ندير فيه بروحي تكييس الخالوط
خالتي نوال : حي زمان كنت نفرح لما يقعد عرس فِ العيلة
خالتي نادية : كلاً انا مانحبه بكل ياعوينكن
ماما : بكرا راحه صح
خالتي نادية : بكرا نحنو نحنا ولا نسيتي
ماما : باهي به
خالتي نادية : اليوم شفت ولد المرحومه ماشاء الله عليه كابر
نجية ابتسمت : مُعاذ حبيبي ربي يحفظه ونفرحو بيـه
انا لما سمـعت اسمه ع طول بحتت فيهـا
نجية : من زينه شباب العيلة بدون زعل
خالتي نادية : لا ماشاء الله عليه من زمان الله يرحم منيته قديش كانت غاليه عليا ماكأنهش سلفتي
نجية : خويا الله يهدي جابلنا وحده لاهي نظيفه ف حوشه ولا هي مشبعته فِ بطنه ولا مهنيته ع ولده
مُعاذ كابر عندنا ف حوش هلي كله السميه اللفعه مايقبلها بكل
انا وجعنـي ان امه متوفيه وكبر مع مرات أب مش كويسة
انا لقيت روحي تلقائياً نسأل : عنده خوات بنات وهكِ قايمات الحمش
نجية : يااريت عيل واحد وبعدها معش جابت المرحومه
والجديدة هذي ربي مارزقش منها
انا زاد وجعنـي اخري
نجية : وتحسابيه يجيها ولا يمشيلها سيبلها الحوش بكل قاعد فِ شقته ماينزلهـش
ماما : وكيف داير فِ الغداء والعشاء
نجية : يقطعلك قلبك ي من المطعم ي ندزوله نحنا
انا مرات العيال يقعد عندهم عمل مايقدروش يطلعو نقوله خطم عليا انتَ سلم وليدي نعطيك نفسه عزيزه والله مايجيني
ماما : حسك قطعتيلي قلبي عليه
نجية : ي طيبك معاذ ربي يرزقه بـ بنت الحلال
ماما : امين يارب الي تهنيه وتفرحه
نجية : اللهم اميـن وشن صار ف وليدك خطبتيله
ماما : لا مانبي ندخل فيه هوا يجيبها فكيني يطلع فيها شي عيب مايرحمني بعدها
نجية : لالا صح يقولك اختيارك
ماما : خليه هوا يجيبها
الاء جت قريب مني : شن قعدنا نسألو عليه
انا : لا والله وجعني بس قصته حزينة اشر من قصتي
مالك خـش انا عطيته بظهري ولفيت عليا وشاحي
مالك انتبهـلي قعد يحكـي ويبحت فيـا : امي دزي وحده من البنات الداري تجيبلي ماليه ماليه معاذ تبزع عليهـا عصير
خالتي نادية : لويلا ولا تولي عدن الله يربحكن
الاء صبٰت : اي وحده
مالك : اي ماليه
الاء عـدت جابتلـه وجت ومالك شويا وخششلنا ماليه معاذ قال اغسلـوها لـه
لقيت روحي مصبيـه واخذتهـا وخاشه بيها الحمام نحك فيها ع يدي وجعني قلت من يبي يغسلهـا له فِ الحوش
______
مُعاذ : امتي جايين قالك
مالك : فِ طريق
مُعاذ : باتك مايديرش قصة لعند قريب لفجر الغيطه
مالك : تي عادي مربوعة برانية كإنك معزول ع الحوش
مُعاذ : منظري عبيط بماليتك
مالك : عطيتهم يغسلـوها لكِ
مُعاذ : عليش طروح كان شلتهـا لأول مغسله
مالك : قصدي غسلت ماليه هيا ماتبيش تاخذ شي
مُعاذ : باهي بـه
مالك : بالله عليـك جيبلـي السلـوم من لاورا عشان بكرا صبح لما يجي بتاع العقـود يركبهن ع طول احسن ماندور
معاذ : حاضرين
عـدا مُعاذ يدور ع سلوم
وانا قلت اكيده مافيـش حد مالبسـتش حجـابي
خذيت الماليه وطلعت نبي ننشرهـا
ف الاول سمعت صوت خربشه نحسـابه قـطوس
بعدها الصوت قعد كرعـين خفت
ننشـر فِ الماليه بسرعه عشان انخـش سمـعت صوت برمت عليـه ع طول
مُعاذ " فطنتلهـا من اول ماطلعت كيف اتلفت وتشوف للصوت شن هوا وخايفه قعدت نضحك بيني وبين روحي لقيت روحي نبحت فيها بعدها فطنت لروحي وقلت فيش دير ي معاذ وطلعت عليهـا وانا ماسك السلوم"
انا حطيت يدي ع قلبي : فجعتني
مُعاذ : حتي انتِ فجعتيني
انا : ءء غسلتلك ماليتك
مُعاذ : شكرا
انا : ارجي نعطيك جلابيتك
خشيـت جوا اذكرت اني بدون حجاب حطيت يديا ع شعري من الصدمة
لبستـه وجـبت الجلابيـه طلـعت لقيته برا ماسك تلفونه
مُعاذ : كان خليتيها مرات تلقيهـا ولا حاجة تشرط عبايتك
انا بحتت فيه
معاذ ضحك : نبصر معاك كنك ماتضحكش بسم الله
انا مديتها له : شكراً
مُعاذ حس روحه بارد : عفواً
وخـذاها وطلـع كان مالك مصبي من بعيـد
ضبح لـ مُعاذ : كنها تولين
مُعاذ : مانعرفش ان اسمها تولين لقيتها تنشر ف ماليتي شكرتها او بس اهوه السلـوم
مالك : تمام حطـه نجيب امياه من جوا ونجي
ليث : اهيه في هنا
مالك : لا نبيها مصقعه

كيف باعني وهنـت عليه وهانن عليه ايامنـا وعشرتنـا
بكيت نزلن دموعـي حاولت نمنع روحي ماقدرتش
بكيت بكيت بكيت لين حسيـت روحي تنفسـت شويـا
بعدهـا حاولت انرقع وجهي بالمكياج الي معايا وطلـعت
لقيت خالتي اتحني فِ العروس وماما وخالاتي لاخرات يشتـن ويصفقن جنبها وصبن البنات كلهن يصفقن
ماقدرتش نصبي معاهن ولا كإنه فِ حاجة نكذب لو نقول نقـدر 💔💔
قعمزت ع طاولة قعدت نشرب ف عصير ونحاول نجاهل الشعور الي كان واصل لمعدتـي ومعدتي تحرق فيـا
الاء فطنتلي جتني عرفتني باكيه من ملامح وجهـي
الاء مسكت يدي : تحرقي روحك ع انسان كيف هضا ي تولين ؟ لو شفتي نظرات ولد سيده مبدري لكِ كنتي مانزلتش منك ولا دمعه لان يتمناك الف واحد
انا : انا بنروح مليت حاسه روحي حننهار هنا
الاء : الحقير هضا هوا الي يبيه جعنه يلقـاها
انا نزلت دمعتـي مسحتهـا بسرعة
الاء : هوب هوب خلاصص فكينا من دموع
قعدت انا والاء والباقي فرحانين والي يرقص والي يصفـق
_______
مُعاذ يضحك : لالا حبيتك انا
حمزة : تعال اخطبني
مُعاذ : مرتبط معليش
حمزة يقلد ف صوت بنات: ي خاين ي مسخ
مُعاذ وليث يضحكـو من جدهـم
رجب : شن باتن جوا هذينـا
حمزة :كلاً امي ماترد بكل رنيت ع خالتي نادية قالتلي كنك مستعجل مش طاير الحوش
حسين : العيال بكرا عندهم مدرسة ازح
رجب : وين حطيتهن
حسين : شن حول انتَ ماهو جا خالهم امبدري خذاهم
رجب : كان هضا خليهم يباتوا ويشيلوهم هما بكرا
حسين : تي شناطي بتاعات المدرسة والزي وكل حاجة ف الحوش
رجب : توا نرن ع امي شويـا بس
اما مُعاذ كان يهدرز يهدرز وفجاءة هكِ تجيه تولين ع بالـه
مش عارف ليش يفكـر فيـها بس كانت عاجبتـه
وعنده حب فضول يتعرف عليهـا رنـو علينا وقالولنا هيا وانا كنت فرحانه بنطيـر لبسـت عبايتـي وطلـعت مع الاء
_______
حمـزة : بتروحو ع حوش خالتي ولا كل حد حوشه كان ما هضـا نروح ب أمـي ولبنات للحوش ع طول مافيا ما دار سبعه لاف طريق
نادية : حوشكم شن دوته ماهو حفلـة مالك اليـوم
حمزة : عارف هضا ليش قلت هكِ
نادية : بندير البمبنيرا بتاع القاعة نبي امك والبنات يساعدنـي
حمزة : في مليون بنت ف العيلة ي خالتي خليني نشيلهم ونتريح
نادية : تي اي مليون بنت إيمان وشهد بكرا مدارس
نادين متجوزة
نورهان ماتنفع بكل انتَ عارفها ماعندي الا تولين او وجدان وياسمين والاء يساعدني حوسه واجد الله يربحك
حمزة : خلاص معناها ماشيين كلنا ع نفس المكان كيف مامشينـا نروحـو
ركب حمـزة وركبن الصبايا وطـلع
انا بنطلـع عبايتي تعلق فِ الباب مافطنتلهـش
طلعت بسرعة تمـزقت من لوطـا لعنـد فـوق
وكانوا اقاربهم برا الشباب
انا : الاء حي عليااا كيف نطلع
الاء بحتت فيا ونصدمت : كيف انشرطتت عبايتك
انا : تيي كيف نطلع
مُعاذ حس بحاجة غلـط
الاء كانت عبايتها من لوطا اصلاً مفتوحه ستايلها تحشمت وركبـت سيارة
مُعاذ جا للباب الي انا مصبيه وراه : كنك ماتطلعي
انا مطبسه راسي لوطـا : عبايتي نشرطت
مُعاذ : كيف نشرطت
انا : تي علقت فِ الباب
مُعاذ : وكيف بديري تواا
انا : منين نندري قفطاني قصير مانقدرش نطلع هكِ
مُعاذ : ارجـي
مشي مُعاذ فتح السيارة من لاورا طلـع منه جلابيـته طويلـة كانت ولونها كُحلية وبكم
انا : شنو هضـا
مُعاذ : هضا لو تبي تنستري وتروحي ولا ناويه تباتي
انا فعلاً ماعنديش حل الا هضـا لبسـت جلابيتـه
وكان منظري عبيـط هوا بروحـه بانت فيـه كيف الهزوه عليا وبيضحك وماسك ضحكتـه
انا كشخـت وطلـعت ركبت ف الكرسي والبنات يضحكن
الاء : يمييييي منظرك
انا : تعرفن حرف لعند مانوصلن نوريكن
ركب مـعاذ : وين ماشيه بديري العمره
البنات لاورا قعدن يضحكن
انا دموعي نزلن لان تراكمات كانن عليـا ونكدت عليا العباية 💔
فاطنين لما تقعدو تكابروا تكابروا وتمشو فِ مواقف واجد وفي موقف تافه مرات تنهارو
مُعاذ مافطنلش نبكي كان يسوق
الاء : تولين نبصرو معاك قصدك زعلتي
معاذ بحت فيا لقاني منهارة : حي ع امه تبكي هذي
الاء فهمت ان انهـرت وكنت ماسكه روحي من اول الفرح
شهد : تولين الزعاله
معاذ : والله بعد درتيهـا جايه عليم سمحة هي ولالا ي نورهان
نورهان : صح والله
انا : ياريت الموضوع تتخطوه اشويا ولا كإنا ف حاجة ولا كإني راكبه معاكم عد الله شفافه
برمت وجهـي ع الروشـن
وقعدن دموعي ينزلـن ع صامت مُعاذ حس ان مستحيل هضا كله ع خاطر عباية او ان ضحكو او بـس حس فِ حاجة ثانية الي مخليتني نبكي البكاء هضا كلـه
_____
وصلنـا قدام الحـوش نزلت وانا عيونـي حمـر متورمات خشيت طول للحوش سلحت الجلابيه بتاع ولد عمهـم
وقعدت بالقفطان
شفت وجهي لقيت عيوني من كثر البكاء لين ذابلات

معاذ : مايصير شي بشعرك هضا ي تخششيه ي تركبي لاورا
شهد : قصدي معاذ كنك فرح را
معاذ : نقعد بقروني كان فرح يعني شهد هيا ي خششي شعرك ي اركبي لاورا
شهد استفزتها طريقتـه ونزلت من لقدام بتركب لاورا
معاذ : هي وحده منكن تجي لقدام
انا كنت نبحت فِ روشن
الاء : انتِ وحيده لي وشاحك مستور انا عبايتي مفتوحه من لوطه ونورهان اشر مني عدي
انا : مستحيل الاء كنك اول مره نشوفه نركب جنبه
نورهان : تيي ماقنلكش اضبطيه عدي الله يربحك كان يفطنو لعبايتي وحق ربي مايخلوني نمشي
انا : لالا فكني
معاذ : تي هياااا ولا تقعد شهد ف الشارع يعني
انا فتحـت باب السيـارة ونـزلت وانا متحشـمه حطوني فِ موقف شيـن شخص اول مره نشـوفه مالك كان زمان محرص عليا اني مانطلعش لما يكونوا قاعدين
لان شبابهم واجد عائلة باتـه لكن عشان ماعرفتش ماندير
لازم حد كان يقعمز لقدام
فتحت بـاب الكرسي الي لقـدام وركـبت جـت عيني فِ عين مُعـاذ هوا حول عيونه بسرعـة وانا ركبت بسرعة وصكرت البـاب وهوا ولع سيارة وطلـع
معـاذ .. جـن عيونـي فِ عيون لأول مره ننجذب لبنت ونقعد نبي نبحت فيهـا مع انه مش من طبيعتي
نبحت فِ بنات بس البنت الي ركبت معايا كنت نحسابها نورهان او وحده نعرفها لقيتها بنت اول مره نشوفهـا
وفيها حاجة مخليتنـي خاطري نبحت فيها بس نمنع فِ روحي ..
نورهـان : مُعاذ عهـدي بيك جوك سمـح ولعنـا اغانـي
معاذ ولع المُسجل وعلق الوصلـه ومدهـا لاورا : اعلقي
انا كنـت نبحـت فِ روشن ومش مستوعبه الي قاعد يصير ماشيـه ل رمـي حبيبـي ! ماشيه بنشـوف الي قعـدت مراته ؟ الي بتشـاركه حوشـه وحياتـه
الي بتقعد ام لأعيـاله بعد ماكنت انا مخططـه لـ هضـا
كان شعور غـريب وصعـب كنت انتـظاهر بالقـوة بـس هيا واللهِ ماكـنت قوة بلعكـس كان ضعـف 💔
قعـدن البنات يصفقن لاورا وفرحانـات وانا فِ عالم ثانـي
ولاحظ مُعاذ الهدوء بتاعي وكيف نشوف لروشن وخلاص
وما التـفتش عليه حتـي
______
بـعد مرور سـاعة تقريـبا قعدنا قـريب نـوصلـو
درسنـا ع طريق عشان يلتمن سيارات كلهـن ونخشو مع بعضنـا لان مدايرين العاب نارية الشباب واجواء
نورهان : توليـن انتِ الي لقـدام خوذيلنـا صورة كلنـا هكِ تقعد ذكرى
مُعاذ التفـت عليـا بحـت فيا من جديد نفس النظرة الي فاتت وقال فِ سره توليـن ؟
انا : نورهان خليها بعدين لما نخشو
نورهان : هيـا وراسسك
انا : باهي هيتي تلفـونك
مسكت تلفون والبنـات الصقن جنـب بعضهن وخذينـا صورة
معاذ لما شاف السيارات كلهن وراه
بحكم ان هوا يجري فا وصـل اول واحـد
مُعاذ : ترا وطي صـوت ي نورهاان
نورهان ماسمعتش من كثر ماصـوت كان عالي
انا قعدت مش عارف كيف نصرف نوطي انا ولا كيف ندير
انا جيت بنوطي
مُعاذ كان يبحت فِ طريق ويـد يسوق بيها ويد مدها بيوطي بيها لكن لي صار انتبـه انه لمس يد مجمده
بحت معاذ
انا خذيت يدي وتحشمـت
مُعاذ جاه شعـور غريـب لأول مره حاول يثقل ومايبينـش انه انعجب بالبنـت الي قاعده جنـبه وصلنـا فتحولنا قراج
خشن فيه السيارات
جيت نبي نفتح الباب
مُعاذ : اصبري ماتنزليش
انا برمت بحتت فيـه بحـت فِ عيوني وكإنـه سرح فيهن
لدرجة تحشـمت : عليش ؟
مُعاذ انتبه لروحه وبعد عيونه: فِ طين ارجن نقدملكن شويا اخري
الاء فطنت ل نظرات مُعاذ الي كانن غارقات فِ عيوني
درسلنـا انا فتحـت الباب ونـزلت ومُعاذ كان يراقب فينـا
نزل حتي هوا واستقبلوهم الرجالة وكانوا مدايرين كراسي وطاولات للرجالة من لاورا
انا نرعش ومش مستوعبه الي صاير 💔
الاء تشوفلي عيوني دمعن
الاء : لا ارجوك مش وقتـه توا توليـن
انا : مش قادره الاء حاسه روحي مخنوقـه
الاء : يعني مسكتي روحك فِ الحوش ومش قادره تمسكي روحك هنا ارجوك
انا عيوني دمعن حاولت نمسحهـن
وجـدان غمزت ل الاء ع دموعي
الاء فهمتهـا
استقبلـونا العرب احسن استقبـال وبدو بالضـيافة وقالو تعشو وبعدهـا حنوهـا
قعمزت ع طاولة 5 كراسـي انا او وجـدان ونادين وياسمين والاء
الاء : ليلي مع اعميمه نورية ؟
نادين : اها واخذتها ماما خليها تنفس عليا
وجدان : شن مش ناويه تجيبلنا اخري
نادين : اسكتي شاكه فِ روحي حامل قريب نموت
ياسمين : ليش قريب تموتي بسم الله ف ناس تشتهي قاعده ف اعيال
نادين : تعب ي ياسمين والله بيش كبرت ليلي واخري بمساعدة هلي معايا تعبت
انا : زعمك الحمام وين
الاء : اسالـي اي حد
انا صبيـت وحسيت دنيـا تبرم بيـا
نادين : عشاها كيف ماهوا صح ؟
الاء هزت راسهـا بمعنـي اهـا
شهد : ع وين ي جميل
انا : حمام
شهد : انا توا كنت فيـه تلقيـه ع يدك ليمين
انا : تمام
خشـيت للحمـام صكرت ع روحي
بحتت فِ المرايا وحطيت يدي ع قلبـي حسيت بحرقه وصهـده تلقائيا لقـيت روحي انتحسبـن ع مالك

الاء : خايفة عليها والله
وجدان : توا تنسـي يييه كيف مانسو واجد
الاء : ان شاء الله
وجدان : ياسمين اهوه الـروج
ياسمين جت ادير ف الروج من وجدان
وانا كملـت شعري وانا فِ عالم ثانـي كيف الي فِ حالة صدمة
او مش مستوعبه طلعت الشكارة الي فيـها المكياج وقعدت نمكـيج وانا كل مره خاطر عليـا موقـف ونمنع فِ دموعي ينزلن
اقعـدت انهوي ع عيوني عشان ماينزلـنش دموع
درت اخر اللمسـات والروج سمعت العصـر
وقفـت وكانت عليا المـاء لبست بتاع الصلاة وصلـيت وانا ندعي لربـي ان يحول النـار والغصـه الي جوا
معقوله مـاشيه لرمـي حبيبي ؟ " يعني يوم الحنة بتاع العروس يمشو يحنوهـا وبحكم ان هما يسكنو ف ضواحي بنغازي و ع الزحمة قالولهم يطلعو بدري عشان يوصلو قريب المغرب هكِ ومايطولوش يروحو بدري "
كملت صلاة سلحت بتاع الصلاة
خالتي نادية : تولـين حبيبتي الله يربحك السفرة بتاع الحنـة شوفيها كان ناقصتها حاجة انا بنخش نلبس
انا : حاضـر
مشيت للمربوعة نشوف فِ السفرة وانا نضحك ع روحي
وانا نشوف فِ السفرة خشـت نادين اختـي وبنتهـا
نادين جتني تجري : تولي تولي
انا حضنتهـا بيديا لاثنيـن وقعدت نشم فِ بنتها
نادين : تعرفي مكيجت غادي وخلاص قلت مش حنلحق
انا : جميل مكياجك
نادين تشوف لاختهـا : انتِ كويسة ؟
انا : كنكم معايا كلكم اليوم🤣
نادين : مانبوكش تكابري لان حتحرقي روحك وصحتك
انا : شن الفرق لو بكيت وانهرت او كابرت مش ف الحالتين هضا عرسـه ليش نهرب من الحقيقة
ليلي قعدت تشير ع الروج : نبي نبي
انا : تعالي نديرلك اقدعها روج
نادين : ايوا خربيهـا ليـا
خشيت ب ليلي
ماما : وين حبيبه اجديده وين ❤️
ليلي قعدت تبوس ف ماما
وجتها وجدان تحضـن فيهـا
الأميرة الاولى والحفيدة الاولى العائلتنـا ❤️
خشيت بيها ودرتلهـا روج
خالتي سميرة : قالولكم البسـو خلاص هذك هو
انا خشـيت نلبسو وخشن عمـات مالك وصبايا عمامه وبناتهم لابسات او واتيـات
انا خشيـت لبسـت قفـطان قصيـر لونـه وردي هـادي
وكان مكياجـي ع وردي كلـه 💘
لبسـت طاقمي وعبايتـي ولفيـت عليا الوشاح وبخيت عطـر وكانت مقعمزه ليلي فِ كتري نلعب فيهـا
ياسمين : واتيين نحنـا ي خالتي وينهـم
وجدان : نادين خذيتي العطر لي قتلك عليه
نادين : فِ شنطتي اها
نورهان : مامااا مالك البارد قالي ماتطلعش بوجهك هضاا
خالتي نادية : وديري كيف ماقالك خوك شن فيهـا لفي الوشاح ع وجهك
نورهان : نقنه الا باارد شن فيها يعني ماهو البنات كلهن امكيجـات
انا قعدت نذكـر كيف فِ عرس نادين اختي خلاني نغطي وجهي كلـه قعدت نضحك بروحـي
شهد : كيف بتقسمو السيارات بـس
مرات عمهـم : حتي عيالنـا برا
سميرة : هيا المراة قلتيلها ي نادية
نادية : هيا قالتلي حاسبتلكم 50 كرسـي
ماما : لا باهي كويسـات يسدن ان شاء الله
حمـزة خـش : خالتي هيـا عشان نعرفو كيف نقسمو سيارات
انا قلبي كان يرعـش صبيـت بالكعـب الي كان واعر
مسكت فِ يد ليلي وطلـعت
ليلي اول ماشافت حمزة شبطت فيـه
طلعنـا قدام البـاب كانوا فِ شباب واجد شكله اقاربهم من باتهم
وسيارات واجد
حسيـن : ابتهـال وامـي وياسمين وخالتي نوال معايا هذي سيارتي ماتسـد
مالك : خلاص توكلو هي " طلعن ركبن ف سيارة حسيـن "
جا حمـزة : امـي والبنات معايا
حسين : حمزة سيارتك كبيـرة خوذ خالتـي ناديـة وامـك وعماتـه والبنات تو يتقسمن اهي سيارة خالي عبد السلام ورجب مازال
حمزة : خلاص هي دزولي الصبايا الكبار
ركبن مع حمزة وحطو فيها السابات الي هيا شايلتهن وسفرة الحنـة وطلعت معاهن نادين وليلي
رجب خـذا إيمان وفاطمة وامه وجدان
مالك كـانت السيارة الي اتعـبي يطلق فيهـا تطلع عشان طريق طويـلة
فضلنـا 12 بنـت
مالك : خالي عبد السلام ويـن ؟
معاذ : قال كلموه فِ العمل وطلـع قال يسدن السيارات قتله توكل
مالك : كيف هذي مايسدنشش معناها نولع ونطلع انا حتي احمد ماخطرله عنده حالات الا ليـوم
كلاً مهنـد برا بنغازي ماعندي ماندوي عليـه خوت بالأسم
معاذ : تي عليش ي راجل اهو اناا وليث تو ننهو الموضوع يتعرمن كيف مايتعرمن
مالك كان رقيله لان مايبنش نركب مع عيال عمـه
ركبن قريباتهـم مع ليث
وانا والاء وشهد ونورهان ركبنـا مع معاذ ولد عمـه
مالك جا لروشنـي : غطي وجهك ي نورهاااان
الاء : ماعندك عليش تعيط اهيـه سيارة مظلـمه
مالك كشـخ ع الاء وكان يبحت فيا مابحتـش فيه
شهد : كلاً خويا هضا مصح وجهه يبحت فِ توليـن وهوا خاطب وفرحه توا 🤣🤣
انا : لا تهيالك مايبحتش فيا
معـاذ : كون هاني مش حينفتحن الرواشن شن طالقهن مع براني ولا صايع فِ شارع ولد سيدهن عيب يا الهبل
مالك : خلاص تم
ركـب معاذ كانت مقعمزه جنبـه شهـد

الحـلقة 1
" قسمـة ونصيـب"
-------------------------
بحـتت فـيا بنت خالي " الاء "
الاء : تولين توليـن سيبي تقريض الفلفل وبحتي فيا هنا
انا : نعم
الاء : كنك غريبه ؟؟
انا : كيف كني غريبة عادي شن اول وحده تحوس فِ عرس حبيبها السابق مثلاً
الاء : مش اول وحده بس سكوتك هضا مخوفنـي
انا نقرض فِ الفلفل بالقـوة : لما يقعد هوا مش راجل مش حنزعل عليـه
الاء : انتمني الكلام هضا الي تقولـي فيه من قلبك بس
انا : حطيتي المياه ف الفريز ؟
الاء : تمام غيري الموضوع حطيتها اها
انا : حطي حتي القازوزه را تنسي
نطلع نجيب الليم من بـرا
الاء : تمـام ي توليـن
انا اسمـي توليـن عمري 21 سنـة اخر سمستـر فِ الاقتصـاد كاسبـه سنة وخاشه مع دفعة اكبر من جيلـي وقاعدة فِ سنة التخرج
عندي اخـتين وخو واحد
خواتـي " نادين الكـبيرة عمرها 28 سنـة متجوزة وعندها بنـت اسمهـا ليلي عمرها سنتيـن راجلها موسـي 💘"
الوسـطيه " وجدان عمرهـا 24 سنـة مخطـوبة ومتخرجة من علـم النفـس "
خويـا " حمزة عمره 23 سنـة يخـدم فِ الجيـش ملازم اول ❤️"
ماما نورية عمرهـا 62 سنـة ربة بيـت
بابا نوري عمره 65 سنـة يشتغل ف اعمال حرة❤️
كنت ع علاقة مع ولد خالتـي من عمري 16 سنـة بعدها فجاءة فِ يوم وليلة قالي ان امـه تبي تخطبلـه وان لقيتله بنت ناس كويسه وان لازم ننهـو كل حاجة
جتني كيف الصـدمة بكيت وزعلت وانقهرت وياما صـار فيا ومش مصدقه روحي اني قاعده نحوس فِ عرسـه !
خالتي كانت تعرف ان ولدهـا يبيني
ماكنتش تكرهني بس كانت تفضل ان ياخذ برانيه
خالاتـي عندي تلاتـة وخال واحد
سميـرة الكبيـرة عندهـا عيـل وبنـت " حسيـن عمره 35 سنـة متجوز وعنده تلات اعيـال مراتـه ابتهال "
بنتهـا *"ياسمين عمرهـا 30 سنـة مازال مش متجوزة "
خالتـي الوسطية نادية عندهـا تلات اعيال وبنتين
مالك الكبيـر عمـره 30 سنـة يشتغل مُهندس نفط
احمد الوسطي عمره 29 سنة يشتغل دكتور اسنان متجوز وحده امه ماتبيهش وماتجيهمش واجد اسمها اروي
مهند الصغيـر عمره 23 معايا ف لاقتصاد حتي هوا سمستر التخرج
بناتهـا " نورهان عمرها 19 سنـة اولـي جامعـة تقرا فِ طب"
" شهد عمرهـا 17 سنـة تقرا تانية ثانـوي بتخش تالته "
خالتـي الصغيرة نوال عندهـا بنتيـن
فاطـمة عمرها 19 سنـة برضو تقرا اولي جامعة مع نورهان ف طب
إيمان عمرها 16 سنـة تقرا اولي ثانـوي
خالـي عبد السلام مراته نسرين عنده عيل وبنت
ولـده رجب عمره 31 سنـة مش متجوزة
بنتـه الاء عمرهـا 27 سنـة مخطوبـة
وهـذي عائلـة ماما الي حتكون الروايـة عليهم اما عائلة
بابا مالهش حضور واجد نتلاقو فِ المناسبات الكبيرة
_______
جبـت الليـم وقعدت انديـر فيـه
خشـت خالتـي سميرة : تولـي الله يربحك توا يجيك ولد حسونه ولدي عطيه سفرة المياه يطلعها للرجالة
انا : ماطيحش منه
خالتي سميرة : لالا ماشاء الله عليه
انا : حاضر
طلعت سفـرة انستـف فيها فِ الميـاه وحاطه الوشـاح
ع كتوفـي ولافه شعـري فوق
وعاطيه باب الكوجينة بظهـري
مالـك : توليـن ؟
انا ارتبكـت ولفيت وشاحي ع راسـي وبرمت عليـه
وانا نرعش من جوا : نعم مالك ؟
مالك : ليش لبستي وشاحك شن ع اساس مش حافظه شعرك انا
انا : شن تبي مالك ؟
مالك : مهما درتي روحك تخطيتني بس انا حنقعد جوا محفور
انا ضحكـت هزوه ومن جوا ميته قهـر : مالك حول من قدامي
مالك قرب مني خطوتيـن : بتقنعيني ان لما تشوفينـي ماتحسيش بشـي تبي تقنعيني ذكرياتنا كلامنـا كله انسيتيـه ؟
انا مسكت سفـرة المياة لما شفـت ولد حسن خـش الي كان عمـره فِالـ 5 سنيـن : لما تقعد مش قد كلامك او وعودك الي قـلتهن واستسلـمت ع طول معناهـا ننسـاهن وننساك وراهن هاك ي حبيبي السفرة ورا طيح منك افطن
مالك كـان يشـوف ومستغـرب ل ردة فعلـي بعد ماكانـت نقوله حي عليـك لو فِ يوم تاخذ غيري
وكان لما يحب يحرقلي دمي يفتحلي الموضوع هضا
وكنت نبكي ونغـار كان مصدومة فِ ردة فعلـي الهادية!!
طلـعت من الكوجينة وخليتـه
ماما : اختك شويا وبتجي توا رنت عليا قالتلي نغدي موسي ونجي
انا : اها باهي
الاء : مالك ف الكوجينة
انا : اها
الاء تحكي بصوت واطي : شن قالك
انا : شي شن بيقول يعنـي
ماما : امتي بتغيـري
انا : توا بنخش انجر ع شعـري ونمكيج ونلبـس
ماما : خلاص قريب العصر
انا : حاضـر
ياسمين : وجـدان جايبه معاك روجك الاحمر
وجدان : اهاا تعالي معايا تو بنخش نمكيج
انا خشـيت للدار انجر ع شعري
الاء : اختك حاسه انها حتنهار قريب
وجدان : مش عارف ليش الصمت هضا كلـه مصدومة فيها
الاء : تخايلي من بعد بكيتهـا فِ الدفـع معش بكـت !
وجدان : تعرفي كل ليلة لما نروحو من حوش خالتي نسمع فيها ف ليل ماسكه تلفونها وعالقه السمـاعات وتبكي

عادي