Парольді қалай құрастыру керек?

Адамдар көбіне парольді жаттауға ыңғайлы, өзіне таныс сандар мен әріптерден құрастырады. Оп-оңай тауып алуға болатын парольдердің қатарына адамның аты-жөні мен туған жылынан құралған таңбалар жиынтығы да жатады. Бұл дұрыс емес.

Оңай ашылатын парольдер көбіне мынадай: 1234, 1234567890, qwerty, abc123, Aaa123, qwerty1236, 121212, test1 және тағы басқа. Адамдар көп қолданатыны сонша, арнайы сайттарда бұларды пайдаланбау керек екені жарияланып тұрады, — дейді маман.

Жақсы ойластырылған пароль — шабуыл құрбанына айналмаудың бірден-бір жолы. Маманның айтуынша, кейде сенімді сервис құрастырып берген парольді де қолданған дұрыс. Алайда кез келген сервис қолдана бермеңіздер. Брутфорс қа түсіп қалу қаупі бар. Сол үшін тек сенімді сервистерді қолдану керек.