جر حسرتك كل دنيتك
راحت يحيدر زهرتك
شمس الله غابت هاليوم ماعندك انته امرايه
&&&&&&&&&&&&&&&&&&&&&&&&
عروت الوثقه ابها الفعل هدوهه
هدتهم اعله البيت من هدوهه
عصرو حياتك ياعلي اوهدوهه
بعصرت نذل طاح الطفل
ايعينك الاهي اشتحتمل
عجبته صبرك والبير يشهدلك انته ابهاية
شمس الله غابت هاليوم ماعندك انته امرايه
&&&&&&&&&&&&&&&&&&&&&&&&&
بيوم الجهلهه المعتدي. ساء الهه
حيدر كصدهه أعله الطفل سائلهه
من سكتت ادموعه صبح. سايلهه
عاد افتهم. منه انحرم
محسن يعالم ماسلم
وجماله تقنعني أصحاب هالجنوهيج اجنايه
شمس الله غابت هاليوم ماعندك انته امرايه
&&&&&&&&&&&&&&&&&&&&&&&&
فاطم يحيدر بالعصر. مالومه
والون عليهه من الكلب. مالومه
كون الله صبرك ياعلي. مالمه
عشرت عمر. راح الفجر
يسعردليلك عالطهر
غمضت العين التهواك ولي تحبهه اهوايه
شمس الله غابت هاليوم ماعندك انته امرايه
&&&&&&&&&&&&&&&&&&&&&&&&&
صبت مصايب عالطهر. لاونهه
تون اوتكف كالو شرط. لاونهه
جفوف الخساسه ابكل حقد لاونهه
خدهه انسطر. لسه الأثر
بذاك الفعل هام انشطر
من فاطمه الهاذة اليوم دمعك اليجري ادمايه
&&&&&&&&&&&&&&&&&&&&&&&&
اليمدحهه مجرم والذي. شاعلهه
هالصحبه بارينه ابسقر. شاعلهه
رد المهنته اوحطبته. شاعلهه
الباب اندفر. لاح الخطر
قنفذ اجه ابسوطه حضر
كل هاذة وسكت تردون يلعنكم الله اهوايه
&&&&&&&&&&&&&&&&&&&&&&&&&االشاعر حسين عبد الرسول الخفاجي