شاعَر .

سبحانه اللي خلق عودك مثل ما تبيه
‏ميّال يختال بين الغُنج والغطرسة

‏الحفل ما كان له بهجة قبل لا تجيه
‏والعقد ما كان له قيمة قبل تلبسه

‏ما يستحق الدلال إلّا من يهيم فيه
‏محدٍ يعرف الحرير إلاّ بعد ملمسه .

526 0 1 10

شاعَر .

23 Dec, 15:43

أشوف الوجيه العابره مع طريق المار
‏ولا زال وجهك في جميع إتجاهاتي

‏ماعادت طواريق القصيدة محط أنظار
‏بعد غابت عيونك عن آخر كتاباتي .

502 0 3 12

شاعَر .

19 Dec, 01:36

رسالتي اليوم : أنا في وجه الله قلبي لا احد يوجعه فيني من اوجاع الدنياء مايكفيني .

1.5k 0 4 14

شاعَر .

18 Dec, 06:54

نَستودِعُ اللّٰـه حالِنا
فاجْعلهُ يَّاربِ فِي خَيْر، وعلىٰ خَير، وإلىٰ خير .

1.7k 0 2 20

شاعَر .

16 Dec, 21:39

قالت متى تفضى .. ابي منك بيتين
‏قلت العصر ، لا من سجع نايح الورق

‏قالت بسيطه .. هذي الصوره اللحين
‏فكّر بها . . و آحرص عليها من السرق
‏
‏و الصوره اللي ي الربع . . كلهاا عين؟
‏ودّي انزلها . . تصلي بكم ششررررق .

2k 0 4 20

شاعَر .

16 Dec, 01:45

‏يا مُنوة اللي يبي الثنتين دنيا ودين
‏ليا وقف مستوي وليا جلس .. مستوي

‏" أنتي " من اللي ما توخذ غير بالأحمرين
‏من دونها الموت الأحمر والذياب تعوي

‏مدري على وسع عينك كيف ماجاك عين ؟
‏ والناس بعيونها تزوي بعضها زوي

‏عين أشقرٍ مايطيح بفخ ولا كمين
‏لا أحرف على الجول راح الجول منه ثعوي .

2.2k 0 7 23

شاعَر .

16 Dec, 00:05

⁣نَايف .

💌 أرسل لي هنا

2.1k 0 0 1

شاعَر .

15 Dec, 13:26

‏مكتفي باللي يجي منك من باب الوصال
‏إن عجزت تسوي الصعب سوّ المفترض

‏أرسل .. إن عيت عليك الظروف الاتصال
‏الرسايل بعض الاحيان ، توفي بـ الغرض .

2.1k 0 10 16

شاعَر .

15 Dec, 03:45

‏و احنك من الهوى و من القصيد الركيك
‏لانك تعرف الركيك من القصيد القوي

‏الزبده انك اطيب مخلوق و اطلق شريك
‏وجمعت طبع الحبيب و مغريات الخوي

‏يا جعلني ما اخسر حبك ولا اعتاض فيك
‏ولا اخلى من غلاك و شوفك الفوضوي .

2.1k 0 7 12

شاعَر .

14 Dec, 03:40

‏وصل الكلام .. آخر حدود الميانة
‏واللي تعثر قام واللي .. قسى حنّ

‏مافيه احد ، يستاهل انّك عشانه
‏تعيش راجي فضل وتموت ممتنّ

‏ودّك ترجّع ، ( كلّ شيّ ) بـ مكانه
‏ بسّ المسير لوين والخطوة لمنّ

‏لا خانك اللي كنت خوفه وأمانه
‏بـ يخونك التعبير ويخونك الظنّ .

2k 0 12 11

شاعَر .

11 Dec, 23:15

00:28

2k 0 15 10

شاعَر .

11 Dec, 01:20

‏كان حالي يقول

‏ سلامي مني عليكم يالدواسر سلام .
‏ينصى عموم الدواسر دوسري دوسري .

‏في مدحكم مايعابَ الشاعر ومايلام
‏غنيت وانا جري وأرهيت وانا جري .

‏إيمانكم كانّها مخلوقه من الغمام
‏في الطيب والمرجله ولا المقامّ الطري .

‏عمار يالاَبهَ اللي في الظروف الجسام
‏تبهج عيون الصديق وتلطمّ المفتري .❤️ .

2k 0 3 10

شاعَر .

11 Dec, 01:20

1.9k 0 2 7

شاعَر .

9 Dec, 18:12

‏خذتك الهبايب ثم بك جاتني تختال
‏يابو ضحكةٍ كنها من البرق مخطوفه

‏عطاك الله المعطي سوالف وحلو قبال
‏وزين وجناب وخاطرٍ سمح ومروفه

‏وصوتٍ ليا سولفت كنّه ما فيه حبال
‏تحلف انه اوتار و تقاسيم معزوفه .

1.8k 0 5 9

شاعَر .

6 Dec, 15:21

‏رحمكم الله يامن رحلتم لدارٍ أفضل من دارنا ، طبتم في جنة الفردوس نعيماً .

2.3k 0 10 19

شاعَر .

1 Dec, 02:16

‏يا صبا نجد وش عذر النديم ونديمه
‏والدهر ما كلا واديك والخير ضافي

‏كل ما لاح برق وهلّ فالقاع غيمه
‏قلت وش يدفع قلوب العرب للتجافي؟

‏في رحابك قصيد وفي ترابك غنيمه
‏وفي برادك علاج وفي سمومك عوافي

‏شاعرك وش يسوي فالجروح القديمه
‏كل ليله مريض وكل صبح متعافي

‏ياكل من الظنون ويشرب من الهزيمه
‏ويتحمل مشاريه الرفيق السنافي

‏عاشقٍ قلبي أخضر مير نفسي كريمه
‏مستحيل أتقدم والمبادي خلافي

‏حال بيني وبين الحب شيمه وقيمه
‏وجرحٍ آوله دمعة عين وآخره خافي

‏كل ليلة بعد فرقاك ، ليلة آليمه
‏تستثير الدموع وتستفز القوافي

‏لو تقوم القيامه ذكرياتك مقيمه
‏ماجفتك الضلوع اللي طواها جفافي

‏أعترف لك ضميرٍ فيه للحب قيمه
‏ليتني مت ما أعلنت لغلاك إعترافي

‏يوم أبادلك حب ويوم اسمّيك ديمه
‏ويوم اقول العتب مرفوع والبال صافي

‏اثر قلبك ما حس بقيمتي يوم آهيمه
‏وأثر عينك كفيفه ما تشوف اختلافي

‏جعل عمرك يطول ولا يطاولك ضيمه
‏وجعل جرحي مع طوال السنين متشافي

‏أنتهت كل حاجة والنهاية وخيمه
‏ولا بقى في محطات العمر شوط إضافي

‏قصتي معك : كانت خاتمتها عظيمه
‏تحمل اسمي وتوقيعي وجرحي وقافي .

3.1k 0 10 20

شاعَر .

29 Nov, 04:31

‏يا حزينه وان جفاك الوقت واقفابك شبابك
‏من يّرجع مغريات العمر لـ أجلك يا حزينه!؟

‏اقلطي وسط الضلوع اللي تهّلي .. مرحبا بك
‏والمكان اللي جمعنا .. قبل مدّه عارفينه

‏قبل نبدأ بـ السلام بـ نظرة عيونك عتابك
‏والطهر و الحزن واللوعات وانتي و السكينه

‏جابك الماضي المعتّق بـ الشعر و الليل جابك
‏والحزن في كل مره يلمسك تبّت .. يدينه

‏شكل ما لـ الليل آخر لا تقومين بـ زهابك
‏والصباح .. اللي على بال السفر لا تحترينه

‏ليه اخذك العمر قبل الريح لا تحضن ثيابك ؟
‏وليه رحتي عن حبيبٍ ضيّق الحسرة بـ عينه ..

‏ما ارتويت الا ضماي وما عطشت الا سرابك
‏وما تركتك من صدود وما ضحكت الا غبينه

‏تذكرينه ؟ من رثا نفسه على لحظة غيابك ؟
‏او جروح الوقت يا عمري تحدك تذكرينه ؟

‏يا حزينه ما بقى لـ الشعر حاجه عند بابك !
‏والأغاني لوحت لك خارج أسوار المدينه .

2.6k 0 19 25

شاعَر .

29 Nov, 01:55

اللهم صلي وسلم وبارك ع سيدنا محمد .

2.2k 0 0 13

Показано 20 последних публикаций.

8 688

подписчиков

Статистика канала

Язык сайта

Как привлекать от 1000 пдп ежедневно?

Мир Кулинарии

Льешь с ФБ на телеграм?

شاعَر .

Гео и язык канала

Категория

8 688

Популярное в канале