Ўзбекистон Республикаси Экология ва атроф-муҳитни муҳофаза қилиш давлат қўмитаси ташаббуси билан ўтказилаётган "Халқаро тозалик куни"га бағишланган аксия Бухоро ихтисослаштирилган "Жайрон" питомнигида ҳам давом этмоқда. Ушбу тозалик куни аксиясида питомник барча ходимлари фаол иштирок этган ҳолда Питомник маъмурий биноси атрофи, йўлаклар, питомник билан чегарадош ҳудуддан ўтувчи А-380 автомагистралининг 5 км га яқин қисми атрофи турли хилдаги маиший чиқиндилардан тозаланмоқда.