قُنِآةّ آلَآوٌلَدٍ آلَزٍهّرآء عٌلَيَهّ سِلَآمً

سلام عليكم ورحمة الله وبركاته
دا اشوف هوايه اعظاء تغادر
🤔🤔🤔

قصيدة (اليتيمه) السيدة زينب  (عليها السلام) عند قبر امها الزهراء  (عليها الصلاة والسلام )
-----------------------------------------

ها رايحه وشمخليه بيه
چلمة  يتيمه تلوگ  أليه
ها يمه  خلصت  يلحنينه
كل احنه يم گبرچ بچينه  ،، ها رايحه

-------------------------------------------

يا  عافية  بيتچ   مشيتي
چنچ    حلم    متأخريتي
يلجبتي  بس ما   كبريتي
گبل  المنيه  شگد  بچيتي

يمه    المچان    البيه تگعدين
نلتم   عليه    هلبت      تردين
مثل الحسن  يا حال  الحسين
يحظن عباتچ   يشبع     اونين


يمه  آنه  زينب   يلزچيه
چلمة  يتيمه  تلوگ  أليه
ها يمه  خلصت  يلحنينه
كل احنه يم  گبرچ بچينه  ،، ها رايحه




---------------------------------


بنتچ   واجيت      بهدوة   الليل
ممشى الجدم يخلص    تواسيل
يا حيل روحي  شباقي   بالحيل
تعبانه    چن   ظهر     الحماميل

حسره   اعله   بنتچ   تغفى   وتنام
فراگج    رمح    ويدگ      بالعظام
راحت   ضحكتچ     مالت     العام
ظليت    انوح      أيام         وايام 


علوجه    گمت الطم   بديه
چلمة     يتيمه   تلوگ  أليه
ها يمه  خلصت  يلحنينه
كل احنه يم  گبرچ بچينه  ،، ها رايحه

--------------------------------------


كون  اليزورچ    يمشي  حافي
يمچ   ردت  يم   گلب    صافي
دافي   الگبر   يا    يمه    دافي
مو كافي  موت  حبيبه    كافي

طاحت عيوني    ابچف    التراب
گبرچ  حظنته     بدمع     الغياب    
ها يمه  ضلعچ   ما  بره    وطاب  ؟
ارتاحي  مامش   بالگبر      باب

ولا  محسن تلوحه المنيه
چلمة   يتيمه  تلوگ  أليه
ها يمه خلصت يلحنينه
جينه وعلى گبرچ بچينه  ،، ها رايحه


------------------------------------------


شماله العمر  ما  يخلص وياچ
شماله الگبر  من عدنه  ضماچ
مو  ردت اعيش وياچ  ووياچ
شو  غمضت من وكت  عيناچ

حگ    البيوت    اتصبح   أگبور
موحش  يدارچ   چنه    مهجور
بوگ   الدهر     ميفيده    ناطور
يابس خشب   وبحلگ        تنور

گلبي    ومجبله  المغربيه
چلمة   يتيمه  تلوگ  أليه
ها يمه خلصت يلحنينه
جينه وعلى گبرچ بچينه  ،، ها رايحه

----------------------------------------


لا صوت   من گبرچ    سمعته
لاچف ندهني  وگمت    بسته
ما  تخلص اچندوب     سكته
يمه   اليتيم    اسنين    ونته

عمله     الوكت    سواهه     وياي
من  عيني ماخذ    وادم     هواي
اي  هاي   تخنگ  يمه  اي     هاي
بالليل  افز  ما   اشوفچ     احذاي

واتغطى  بدموع الرزيه
چلمة  يتيمه تلوگ  أليه
ها يمه خلصت يلحنينه
جينه وعلى گبرچ بچينه  ،، ها رايحه


كلمات الخادم /   رعد الفريجي
21  / ربيع الاول/   1445

ع النوك و حجيت وياك اعتذر من فوك ودعتك
ردت يا خويه اطيح اعليك عليلك كتله تعبتك
انته اول هلي يحسين جادر ما نصبت اعليك
صبرك خويه بس جم يوم بخرابه انصبها فاتحتك

خويه حسين خويه حسين

*

لا ترفعلي ايدك نام الوداع يصير مو كامل
وداع اربع اصابع موت خويه ارجوك لتحاول
راح امشي و ال الله وياج لا تحجيها يبن امي
راسك باقي يمشي وياي كلبي بهايه هم قابل

خويه حسين خويه حسين

*

الهضمني بهالوداع حسين ما لحكت اشبكنك
امنجيتك انه ذاك الليل خفت يا روحي اعورنك
مو مالت شبك جسمك مالت بس جمع و ادوار
تكول اخ اعله كيف وياي كلما ردت الزمنك

خويه حسين خويه حسين

*

اعذرني بكلامي وياك لو تعبتك شويه
ردت اخر امر يحسين بيدي اسكيك الاميه
بس كدامي بدو بيه ما لحكت اجمعنه
و شكد حاولت وياك ما وصلتلك ارقيه

خويه حسين خويه حسين

*

اجم شامت يتالي الشيب يم اذني اسمعت صوته
يضحك جيف اودع بيك يكول اتودع بموته
و جم حجايه من فركاك زادت خاطري المكسور
ساكت ما يرد اعليج شنهي الفادج اسكوته

خويه حسين خويه حسين

*

ما يدرون انه وياك شكد انسولف بسكته
بس الشاهد الله حسين انه الميته مو انته
تكسر خاطري الجلمات هسه حسين شابع موت
لسبيج يله امشي ام عون من هذا الحجي ميته

خويه حسين خويه حسين

*

حسام العيساوي

#اللهم_عجل_لوليك_الفرج

نعي للاهل

شالو هلي الجانو جماعه
شالو وشيلتهم بساعه
عزيز الكلب يكتل اوداعه

———————————
عزاز وعلينه موش بالهون
يفراكهم يعميها العيون
ردتهم النه صارت اضنون
———————————-
هيهات ردتهم علينه
ماي وتبده من ادينه
عليهم ولايبطل بجينه
——————————-
عليهم يظل الدمع هالي
بفراكهم سوده اليالي
يوجع ترى افراك الغوالي

———————————-
يفراكهم ضيم واذيه
اعليهم نون صبح ومسيه
بغيابهم ظلمه الثنيه
———————————
غابو الجانو دوم يزهون
على البال ماجانت يرحلون
الفركه تحل وتطش الضعون
————————————-
طش الضعن والفركه حلت
وي اهل المحنه العشره فلت
بس ذكريات احوي ظلت
———————————
اهنا كعدنه بدار اهلنه
يزهي كبل بيهم نزلنه
طشينه وطشر شملنه
————————————-
شيعود كعدتنه ويردها
يالمة اهلي شكد نودها
كعده ابد ماصح بعدها
———————————-
ماحلت كعده ولاحله نوم
اعليهم نون والحيل مهدوم
الشمل طش الجان لملوم


✍🏻ام عباس السكينی

قصيده ثكيله للزهراء ع

والله وحشه الدار اذا مو امي بيهه
روحي  ماترتاح   اله   اسمع حجيهه
البيت مابي كل طعم                   من يضل بلايه ام
................................................................................
الله      بس يعرف قدرها     امي ما الها نضير
شما كبر عمري بنضرها    ابقى ذاك انه الزغير
امي من تمسح دمعتي      بروحها وجفها الحرير
امي  يابيت   المحنه       امي   يم  كلب  الجبير
امي وي عاشوركضت كل عمرهه
وبيتنه يون حيل لو اعلك صورهه
خاف يخلى من اللطم                      من يضل بلايه ام
................................................................................
مثل شمس  الله الجبيره      ماتغيره الظروف
من اشم  شيلتة  جني         بكربلا محرم وطوف
لان    تسكيه  بدمعه           من يمر ذكر الطفوف
هيه عيني البيه اشوفن          لو مشت بيمن اشوف
الله   بالقران  وصاني  عليه
امي حتى العافيه تنام اعله اديه
البي محنه ينهظم                 من يضل ابلايه ام

تحجي وي اليل جانت         من يجيه و من يروح
تكله   ياليل    النوايب        ارد ا راويك الجروح
ودمعه   لو ماتت بحضنك       انه احطن بيه روح
عودت عل النوح عيني       وهيه ترتاح من انوح
من مصاب الماتت بكسرة ضلعه
عيني   مافديوم  خذلتني   بدمعه
والجرح ماينفطم                   من يضل ابلايه ام
.......................................................
امي من تختاض ايه      وتنقرة الصبر الجميل
مال     وياها   الزمان         ومارضت وياه تميل
لاوت العوز بصبرها       وصاوغت بالمستحيل
جنه غيمه جروح تمطر         والاصيل ايضل اصيل
مشت عني وبالكبر غمض جفنهه
وغفت لحضات الفرح كلهه بحضنهه
ادري جفني ينحرم                      من يضل بلايه ام
............................................................................


امي كلشي بكلب صافي       رخصت لم الخدر
نذرت الزينب عمرها        ولبست ثياب الستر
بالضلام الكاها شمعه      ونور وي خيط الفجر
امي بالبيت ابتسامه        وامي دمعه بكل كتر
دوم وسط اعيونها انشوف اليتامه
ومن طبعهه اهواي بطباع الحمامه
حتى تبجي عله  الخصم                  من يضل بلايه ام
...............................................................................
الجنه  تحت  اقدام  امي       وهاي اكبر جاىزه
جا بد يها اشخله ربك      من  كرامه ومعجزه
الجلمه تطلع من حلكهه       بالمحنه امطرزه
شماردت اوصفهه الكه      افكاري توكف عاجزه
من اصيحن يمه يتطهرلساني
كل وكت اقرالها السبع المثاني
تخلص ايامه بسكم                           من يضل بلايه ام
............................................................................
                                                 #عبدالاميرالسعيدي

قصيدة في حال اهل القبول
لشاعره ام أبراهيم الحلفي



راحو وضليت وحدي بس تدير اعيوني
صحت وين اهلي جفوني ابد  ماسمعوني
حفره ظلمه وماكو نور
هذا حال اهل القبور
يبن ادم.... يبن ادم
😔😔😔😔😔😔

غير اعمالك يغاتي محد ايفيدك ابد
لاقصور اتفيد وضعك لا املاك او ولد
بس، عمل صالح يفيدك هوه باخرتك سند
لوسكنت ابحفره ظلمه محد ايشوفك بعد

اعز واحد لو يمر لو مايمر
من يدك اعليك ابواب الگبر
كلها   وياك   ابنفور
هذا حال اهل القبور

يبن ادم... يبن ادم

😔😔😔😔😔😔

يبن ادم دير بالك تدري، كل وكتك صعب
عمر واحد هذا عمرك  يخلص ابحيله وچذب
اندم وراجع حسابك كافي  وي، روحك حرب
ابمحمد  ادعي ربك  هوه الك احسن. محب

اهناك رايح انت اتعيش، الحشر
كون بعمالك اتحس،، المنتصر

يم علي سجل حضور
هذا حال اهل القبور

يبن ادم.... يبن ادم
😔😔😔😔😔😔

خلي قانون ابحياتك اكظي  ايامك ربح
ابد لا تحجي اعله روحك تالي، انت التنفضح
بغير ذكر الله شعلامك تسهر لوجه الصبح
صير طيب وي اخوتك وجهك اوياهم سمح
عيش، متواضع وراك الاخره
احبابك ايعوفوك وسط المكبره
دنيتك ساعه وتدور،
هذا حال اهل القبور
يبن ادم... يبن ادم
😔😔😔😔😔😔

اخ لوتعرف عذابك من يجي منكر الك
لاعمل عندك يفيدك لاكو خير  ايوصلك
دير بالك عله نفسك بيك لو دار الفلك
تدري هالدنيه كصيره  بيها ماواحد مُلك


ماكو رجعه الدنيا ليها  اولاعمل
اتمسك بمولاك ابن خير العمل

يصعب اعليك العبور
هذا حال اهل القبور

يبن ادم.... يبن ادم
😔😔😔😔😔😔

غير حب بيت الرساله گلي، هم عندك امل
من تشوف الدنية صعبه اتمسك ابخير العمل
هوه الك احسن وسيله وكل دعاء بي ينقبل
والحضر يونس يحضرك صدگ ابذاك المحل

يبن ادم ياعمل ينفع بعد
بس علي الكرار يوكفلك سند

صير بالشده. صبور،
هذا حال أهل القبور

يبن ادم... يبن ادم

😔😔😔😔😔😔

الشاعره او والخادمة المتواضعه ام أبراهيم الحلفي غير مبري الذمه من يحذف اسم الشاعره او

بسم الله الرحمن الرحيم


قصيدة #للخدامة

تقرأ بجميع المآتم والايام


لسان حال الخادم يخاطب #الزهراء ع



*ماتهمني الناس تحچي اشما تگول*

*كون ابيض وجهي  عندچ  يالبتول*

*ومن تغمض عيني*

*كون  ما  تنسيني*

*عمري أگضيه بالخدامه اشما يطول*

..............................................

انتي من ترضين احس اتوفقت
خادم آنه الغير شخصچ ماگلت
اخدم الزهره او ولدها اتعــودت

ارد اخدمچ   للابد
شرجه من الله بعد

حبچ  ابگلبي  يدوم  وما يزول

..............................................

لورضيتي انتي  عليه  مايهم
اشگال ذاك اشحچه هذا اعله الخدم
ابالي بس اشلون اشدنه اللطم


وامسح اجروحچ بديه
لونحت.  عالغاضريه

لوگلت بحسين شمسويه الخيول
..............................................

قبلي مني الدمعه والونه الشجيه
ولوگعدت بمجلسچ صدي  عليه
لاتديرين الوجه لا  يالزچيه😭

آنه احبچ والحسن
بالسريره  وبالعلن

عمري كله اگبال تضحيتچ خجول

..............................................

اشكبره حضي وام الحسين اخدمتها
والله من زغري بنعاوي  گابلتها
الطم وحزنان والونه اعله بتها


وادري بيها من تطب
هالمجالس  تنگلب

تصير بس اصياح والمدمع هطول

..............................................

احنا  خدام  الخدمكم  يا حزينه
نريد توفيقچ ولفتاتچ علــــينه
نريد يوم الموزمه شخصچ يجينه


ونسمع بصوتچ هلا
هلا  بناعي   كربلا

وننجمع بيكم يهل بيت الرسول

..............................................


*تمت*

العمل مهدى الى ارواح خدمة الحسين ع


خادمة الحسين ع

*ام علي رضا الشريفي الحسيني*

طلب احد الأعضاء قصيده للاخ👇

لطميه للخوان

اشتاك كلبي اعله. الاخو.... ما بيه حيل فراكه

طول الغيبه علينه..... وما بعد نتلاكه

➖➖➖😭➖➖➖

طول الغيبه صدك والينه
نوح الفراكه ونون ظلينه
نار فكده بالكلب تجوينه
احا ينار عزازنه حراكه

➖➖➖😭➖➖➖
احا  ينار عزازنه ما تنحمل
البيه محنه وزين شو نام برمل
فركتك يا خوي شو تكتل كتل
الشوفته كلبي يظل بشواكه

➖➖➖😭➖➖➖
الشوفته روحي حزينه امالمه
بفركته  روحي تون ومهدمه
بالمكابر روحي ظلت هايمه
اليفكد ا عزازه تنشف ا رياكه

➖➖➖😭➖➖➖
اليفكد ا عزازه يظل سهمه الونين
عزاز عنه.. بالمكابر... مبعدين
مشتاك كلبي عليك يل كلبك حنين
جم هضم كلبي بفركته ضاكه

➖➖➖😭➖➖➖
نذكر الراحت سبيه اويه الغرب
عافت ابن امها رميه اعله الترب
تنوح زينب منها مصيوب الكلب
للحنين تنوح فوك الناكه


تمت ✍️ الشاعره والمله ام حسين العامري

غير مبري الذمه من يحذف اويغير اويتلاعب بالكلمات اويحذف اسم الشاعره وينسب الكلام له


اهدي عملها الى روح سيدي ومولاي الحسين عليه السلام
وثوابها الى روح اخي الرحمه لاامواتنا وامواتكم

قصيدة لدورة سنة الأخ بناءً على طلب احدى الأخوات الغاليات



دارت سنه وما جيت يا خال الأولاد
ذيج الليالي اوياك ما ظنهه تنعاد


❥❥❥❥ـــــــــــــ❁❁ـــــــــــــ❥❥❥❥
دارت سنه وما جيت وانه انتظرتك
يل جنت ازامط بيك يا هيبت اختك
عايف خواتك ليش خويه اعله بختك
ضليت اون اعليك وونيني ما فاد
❥❥❥❥ـــــــــــــ❁❁ـــــــــــــ❥❥❥❥
ضليت اون اعليك صبح ومسيه
والله الاخو يا ناس هيبة وتجيه
منتظرة صار اهواي ما مر عليه
ليش النحبهم ليس شو صار أبعاد
❥❥❥❥ـــــــــــــ❁❁ـــــــــــــ❥❥❥❥
ليش النحبهم ليش صارو بعيدين
من البجي ولنوح  خل تنعمي العين
النامو عله التربان كلش حنينين
ما عيدت بلعيد لو مرت أعياد
❥❥❥❥ـــــــــــــ❁❁ـــــــــــــ❥❥❥❥
ما عيدت بلعيد من شال اخونه
خال الولد يا حيف حمل ضِعونه
بيمن بعد ننهاب لو زامطونه
ثاري الاخو يا ناس بلشدة ينراد
❥❥❥❥ـــــــــــــ❁❁ـــــــــــــ❥❥❥❥
ثاري الاخو يا ناس بلشدة مريود
مهيوبة اضلن دوم لو هسه موجود
جيت ارد اخبره الحال شو بابه مسدود
راح النزامط بيه وللعيلة رداد
❥❥❥❥ـــــــــــــ❁❁ـــــــــــــ❥❥❥❥
تمت بقلم خادمة اهل البيت ع
#الشاعرة_فاطمة_الساعدي
غير مبري الذمه من يمحي الاسم

شلون انسه التعب يا يمه وارباج



وما حسبه عمر لو ما كضه أوياج



انه حنيت يمه الذاك ملكاج



يا حيف التراب شلون غطاج











🔷🔷🔷🔷🔷🔷🔷🔷🔷🔷🔷







اذكر ييمه من دلالج



والتابوت مدري شلون شالج



جنت امرافكج وانظر خيالج



وترد روحي الي من اكعد اكبالج



يا بعد روحي يا يمه











🔷🔷🔷🔷🔷🔷🔷🔷🔷🔷🔷







انه اخلافج بعد بالدنيه شلي



ويتمني الوكت من دون حلي



انتي اهلي ييمه وماتو اهلي











🔷🔷🔷🔷🔷🔷🔷🔷🔷🔷🔷🔷







صحت يمه صحت وبعالي صوتي



جيت اشكي الج من ضيم اخوتي



انه بهالعمر وتمنيت موتي



انه تنخيت من يسمع نخوتي











🔷🔷🔷🔷🔷🔷🔷🔷🔷🔷🔷🔷







لو تدرين يا يمه شتمنيت



يحظرولي مجان اوياج يا ريت



ولو ادري ييمه الج ما جيت



شيردج بعد وياي للبيت



يمه يا بعد روحي يا يمه

أبوذيّات في ولادة النبي الأكرم صلّى الله عليه وآله وسلّم .
ـــــــــــــــــــــــــــــــــــــــــــــــــــــــــــــــ

مَقامَك طَه ما واحِد وَصَلّه
عَليك الباري مِن سَلّم وَصَلّى
العَبِد لولاك ما كَبّر وَصَلّى
ولا عُرفَـــت حَلال الله البَرِيّة

ـــــــــــــــــــــــــــــــــــــــــــــــــــــــــــــــ

إنعَرَف شَرع الله بَخلاقَك وَعَدلَه
وَانَه لمَــــولِدَك أحسِــــب وَعِـدلَه
تِصِـح بَس مِــــنّك الزّينة وَعَدلَه
أمين وعِصــــــمِتَك صَـــارت مَزِيّة

ـــــــــــــــــــــــــــــــــــــــــــــــــــــــــــــــ

يَمَن وَجهَك جَمال ٱهلال مِن هَال
كريم وچفّك لكِل جود مِنـــهَال
مُطَــر مَدحِ وثناء اعليك مِنــــهَال
وأصلّي ٱعليــــك كِل صُبح ومِسِيّة

ـــــــــــــــــــــــــــــــــــــــــــــــــــــــــــــــ

گِطَع يَمـــناك رَاس الكُـــفُر وَالهَام
يِجيك إحساس عالمَظـلوم وِلـهَام
يَمَن شوفَك يِزيل ٱغموم وَالهَام
رسول وصـــــــادق وكِلّك حَـــــمِيّة

ـــــــــــــــــــــــــــــــــــــــــــــــــــــــــــــــ

بقلم الأستاذ / ستار عذاب الحچامي