الرضيع ع


حسين حسين حسين
......................

يابو علي تعبك ذبل ورباك صاير خشبة

يالتسكي بستانك نده اسكي الرضيع بشربة

من الخيم طلع علي .. تدري الطفل روحي وهلي

اسكيه كطرة من العذب .. ماريد المية الي
.....................

ها يالرباب شكد صعب الشيخ ويمد ايده

لاجن الكاسر خاطري من تربي عيني وريده

وجي يقره بآيات النحل .. حيل اشتهاه ذاك النبل

مجبور قدمته وكلت .. بلكت أمية للطفل
....................

شتنفعهم أمية نهر ماي الكصص واتبده

يا ريت ما قدمته ابد يا شوك يسكي الوردة

كد الترافة البي احس .. متكمط بخيط الشمس

لاجن شفافه اتيبست .. عطشان ويفرفح همس
...................

اسمع يكلي اتيبست كاع النحر مو فشلة

بلكت أمية ترشهه الي جا وين اكعد النبلة

ماخذ الشمرة عله الكرم .. وما حسب حساب الالم

من العطش ذابل لجن .. محتار شيضيف السهم
....................

وسير سهمهم عالنحر ووليدي ما مش حسه

ازغر معزب عدنه بس للضيف ذابح نفسه

بيديه لولح ركبته .. ومن دمه صارت شربته

منج أخذته وهسه رد .. مذبوح هذي قصته
...........



الخادم .. حسين الغالبي