တကယ်လုပ်ရင်
==============

6 - 12 - 2024. နံနက် 5:30 သစ်ရုံကျေးရွာ အတွင်း အခြေပြုနေတဲ့ PDF ၇၀ ခန့်အား တပ်မတော် မှ ၁ + ၂၀ ၊ ဌာနေပြည်သူ့စစ် ၁ + ၇၀ က ရွာရဲ့ တောင်ဖက်ခြမ်းမှ ဝင်ရောက် စီးနင်းတိုက်ခိုက်ခဲ့ပါတယ် ။

PDF ၂ လောင်း ၂ လက် လက်ဝယ်ရရှိခဲ့ပါတယ် ။ ဆွဲထုတ်သွားသော အလောင်း ၈ လောင်း နဲ့ ဒဏ်ရာရ ၅ ဦးတို့ရှိကြောင်းလည်း ဒေသခံရွာသားများက ပြောကြားပါတယ် ။ မိမိဖက်မှ ထိခိုက်ဒဏ်ရာ မရှိပဲ အောင်မြင်တဲ့ စီးနင်းမှုလို့ သတင်းကောင်းကြားရပါတယ် ။

တကယ်တော့ မြင်းခြံ နွားထိုးကြီး တောင်သာ အစရှိတဲ့ PDF တွေဟာ အင်အား ၅၀၀ ဝန်းကျင်ပဲ ရှိကြတာပါ ။ လက်နက်ဆိုရင် ၂၅၀ မပြည့်ပါဘူး ။ လက်လုပ်သေနတ်တွေပဲ များတာပါ ။

ပြောချင်တာက မြင်းခြံ တောင်သာ နွားထိုးကြီး ၃ မြို့ကို လမ်းကြောင်းပိတ်ထားတာ PDF တော်လို့ မဟုတ်ဖူး ။ ဒေသခံ တပ်တွေက သိပ်ပြီး အလုပ် မလုပ်လို့ဆိုတာပါပဲ ။

ပြည်သူ့စစ်အင်အားတောင့်တင်းတဲ့ မြင်းခြံလိုမြို့တောင် မြို့နားကပ်နေတဲ့ ဖောင်းကားရွာ နတ်ထားရွာတွေထဲထိ လူသစ်စု ဆက်ကြေးကောက် လုပ်နေကြတာ နေ့စဥ်ပဲ ။ တောင်သာဆို ခဏခဏ အသတ်ခံနေရတာ ဘယ်ဆန်းမလဲ ။

ဒီ ၃ မြို့အတွက် စစ်သည် ၁၀၀ နဲ့ သံချပ်ကာ / တပ်ကား ၂ စီး သာ တာဝန်ပေးပါ ။ ဌာနေပြည်သူ့စစ်နဲ့ စစ်ကြောင်း ၃ ကြောင်း ခွဲပြီး ပိတ်ဆို့ရှင်းလင်းရင် အလွန်လွယ်ပါတယ် ။ တကယ်လုပ်ရင် အဲဒီဒေသက ပြည်သူတွေ အေးချမ်းစွာ နေထိုင်လို့ရပါပြီ ။ တကယ်လုပ်ဖို့ပဲ လိုနေတာပါ ။

ကိုရွှေမျိုးဝင်း