السلام عليكم ورحمة الله وبركاته
هلق رح أشرحلكن فضل اليوم وكيف رح نصلي صلاة المقنطرين ، الله يقدرني وأياكم يارب
اليوم متل ما منعرف كلنا أنو ليلة الجمعة وبعد المغرب بتبلش ليلة الوترية يلي هي ٢٥ وكلنا منعرف فضل ليلة الجمعة ويوم الجمعة وكلنا كمان صرنا نعرف فضل العشر الآواخر بفضل من رب العالمين
ف ما بالكن أجت ليلة جمعة وأجت بالعشر الآواخر وأجت كمان ب ليلة وترية !🥺
يعني سبحان الله كتير شغلات صادفة بهاليوم
وهلق أحتمال كتير كبير تكون ليلة ال ٢٥ ليلة القدر على حكي العلماء وعالصدفة يلي اجت فيها طبعاً والله تعالى أعلم ..
هلق نحنا باذن الله بدنا نستغل كل ثانية فين وكل يوم وكل دقيقة رح تمرق بما يرضى الله بطاعة رب العالمين بالصلاة بقراءة القرآن بالأكثار من الصلاة عالنبي صلى الله عليه وسلم بالأكثار من ذكر الله والأستغفار هلق يا أخواتي مسلسلات مابدنا أفلام مابدنا محادثات وحكي مع رفقات مابدنا لا تعطو وقتكن لشي ما رح يفيدكن بالآخرى
يعني حاولو ختصرو قدر المستطاع ، بعدين سبحان الله مرق رمضان ما عاد ضل
هلق لنفترض انو ب أول رمضان ماعبدتي رب العالمين يعني ما كنتو عم تساوا كل هالطاعات وحتى يوم بلشو العشر الآواخر كنتي مأصرة او لنفترض مبارح كنتي مأصرة الله يعفو عنا يارب بس خلص لا تفكرو بالماضي ، حلو الندم وتوبو لربنا بس انو هلق علينا من ساعة اليوم ومن اليوم ومن هلق وعطي وعد لحالك انو من هلق بدك تشدي همتك ويلي مرق مرق
وبدنا نقول بينا وبين حالنا يارب رح نعبدك أكثر بكثير مما عبدناك مما مضى ودعو لحالكن الله يقدركن صلو صلاتكن بخشوع بقلب خاشع لله تعالى فقط انسو الدنيا وهمومها مشاكل الدنيا كلا بحلا ربنا فكرو وتخيلو انو كان نهاية التعب جنة النعيم خالدين فيها بأذن الله
يعني كلشي بيطلع بأيدكن تعملو عملو لا تأصرو بشرط يكون في مرضاة الله عزوجل
وختصرو كتير يعني مثلاً رفيقتك بعتتلك نصيحا ب يلي عرفتي انتِ وقوليلا بعدين منحكي
ولا ضيعو وقتكن على مواقع التواصل الأجتماعي غير إذا بدكن تقرأو أدعية فقط لا غير الله يرضى عليكن لا ضيعو وقت لحالو الوقت عم يركض الله يباركلنا بوقتنا يارب
هلق رح أشرحلكن عن صلاة المقنطرين اليوم بأذن الله بدنا نتفق انا وياكن كل حدا عم يقرأ هالرسالة بدنا نصلي العشاء والسنة ما بعد العشاء بعدين بأذن الله بدنا نبلش نصلي الترويح بألف آية متل ما مذكور فوق بالحديث الشريف
كيف بدنا نقيم الترويح ب ألف آية إذا قرأنا جزء عم وجزء تبارك يعني جزء ٢٩ و ٣٠ و أول 5 آيات من سورة البقرة بكونو صارو آلف آية هيك بنكون اقمناها ب ألف آية
ولو ما حافظين جزء ٢٩ و ٣٠ و اول ٥ آيات من سورة البقرة معلش جيبو مثلاً مخدتين وحطو القرآن بحيث انو تحسنو تقرأو منو او طاولة
ولنفترض انو خلصنا الترويح وما خلصنا الآلف آية أي بتكملو الآيات يلي ضلت بتصلو تهجد او قيام الليل فين المهم نخلص الآلف آية ومتلو متل الترويح ركعتين ركعتين
الفكرة انو نصلي ب ألف آية
بدي همتكن ولتخلصو منا تكتبولي شعوركن عالجروب مشان يلي ما صلتا تتشجع وتصليها 🤍🦋
#بقلم_رنيم_موصللي🖊
@Alnak_bot🌿
