ماتزعلوش من كلام الحق...!!

- لما صغاركم يسكروا علي روحهم الدار بالساعات ومايحبوش يقعمزوا معاكم بسبب الإنتقاد والكلام زي السم يلي يتوجه ليهم

- لما يكبروا ويكرهوا كلمة " ان شاء الله " لأن كل وعد توعدوه تقولوا ان شاء الله ومايصيرش

- لما شخصياتهم تبدا ضعيفة وماعندهمش ثقة في نفسهم بسببكم يلي ماخليتولهمش فرصة انهم يعبروا عن رايهم وديما تحطموا فيهم !

- لما صغاركم يدوروا علي الحنان برا الحوش لانهم مالقوشي لي حضنكم

- لما يكرهوا النقاش معاكم لانكم تقللوا من قيمتهم وأرائهم سوا السياسية أو الإجتماعية

- لما كل يوم قبل مايرقدوا يعاتبوكم وهما في دارهم وفي سرهم وقداش فيه فراغ وفجوة بينكم بسبب قلة التفاهم والإحتواء

- لما يكرهوا الطلوع معاكم ولو فالسيارة ! لانكم في ثواني تقبلوا الطلعة لي نكد وغم
- لما صغاركم يكرهوا بعض لأنكم تفرقوا في معاملتهم وحتتحاسبوا
عليه يوم القيامة بجريمة الظلم !!

- لما يطلع تفكيرهم محدود بسبب كلمة " اني في عمرك كنت ندير
هكي ، كنت نجيب هكي ، كنت نصرف هكي " رغم ان سيدنا علي قال " لا تربوا أولادكم على أخلاق زمنكم ف إنهم خلقوا في زمن غير زمنكم " رضى الله عنه

- ماتزعلوش لما ولدكم يكسر قلب بنت كل ذنبها انها حباته ماتنصدموش يوم القيامة لما تلقوا ذنب البنت في ميزان سيئاتكم انتو اللي قلتوا " الراجل مايعيبه شي "

- قال الرسول صلى الله عليه وسلم ( رٍحِم الله والداً اعان ولدهْ على برهـ )

💓💓



#reality