اكو تصرفات يتصرف بيها البشر وياك أو ويا انسان آخر تخليك تكرة اليوم الي أجيت بي للدنيا بسبب الحاجة المعيشية يضطر الإنسان يشتغل بأي شغلة كانت حتى يوفر العيشة بالرغم اكو ناس خريجين بس الدولة ماموفرة فرص عمل فيطلع يدور شغل ومن يشتغل احتمال چبير يشتغل عند شخص ظالم يعاني من أمراض نفسية وصفات تكبر وغرور ترا ماكو شي بالدنيا يدوم اذا اليوم انت الله رازقك راح يجي يوم أساساً ماعندك شغل الحياة يوم ألك يوم عليك فماله داعي تتكبر وتبدي تصيح ع العامل سواء چان عامل بناء أو بمطعم أو عامل مكتبة أو انت سياسي وتهين الأقل منك بحجة انت حامي الأعراض يضطر يتحمل الإهانة لأن مديلگه عمل آخر يا اما انت هاينيك من الصغر ودطلع الإهانة بغيرك يا اما انت مريض ماعرف شدتحس من تضرب اليشتغل عندك وترزلة گدام العالم وتهين كرامتة ومتبقيله شخصية واحترام بس النظرة الياخذوها عنك الناس وانت تهين غيرك هي نظرة بأنك ضعيف ومريض،ماكو احلى من التعامل بالإنسانية والمحبة كلما عاملت اليشتغل وياك بمحبة وتصرف يليق بيك كبشر كلما العامل أبدع بمجال عملة لأن اليرتاح واليحب عملة راح يبدع بي واحتمال چبير يجيبلك معاميل
ويبقى "التكبر صفة الناس الضعفاء "