گلبك .. اصفه من الذهب ياصاحب الرايه
گلبك .. ديره ومايطبها الماانطه حچايه
اليحب ستر الخوات . الحمل هاي الصفات
يطب گلبك .. يطب گلبك
…………………………………..
من صفاتك ياغيور تارس الدنيه ستر
والشمس يمك تغيب تطلع بطرة الفجر
عندك الماحب خوات ينحسب سالب صفر
والحنين اعله الخوات من نذكرك ينذكر

كلمن .. يحبك يفتخر بسنينه وبعمره
كلمن .. اخو زينب مثاله ويحصد الثمره
الخواته مُحَصنات
الحمل هاي الصفات
يطب گلبك .. يطب گلبك
…………………………………..
الحنين وگلبه نار غيره ويغار وشهم
انته تعتبره امير وينحسب من الزلم
ماتغيره الدنيه يوم ومن كلمته يلنزم
يبقه وليوم الممات ثابت وماينهدم

يكبر .. بعينك يابو فاضل كل ابو غيره
يكبر .. حط ابعينه اخيته ازغيره واجبيره
الخواته مدللات
الحمل هاي الصفات
يطب گلبك .. يطب گلبك
…………………………………..
ياخو زينب والحياة والله ماتسوه الفلس
الف هنياله اليصير طالب وتنطي درس
من يوصفونك شجاع مومقامك هاي احس
دنيه مامنطيها عين خالس الدنيه خلس

عينك .. ياهو الصد عليها ومانزل راسه
عينك .. حنينه اعله الشريف الماترك ناسه
الشريف بهالحياة
الحمل هاي الصفات
يطب گلبك .. يطب گلبك
…………………………………..
من طلع ضعن الحسين أمن وياك الضعن
انته دايرهم تدور واخوتك وابن الحسن
گبلك الاكبر يحوم يمشي گدامك لان
عالفواطم هَم يخاف يسبق النوگ بزمن

مثلك .. طبعك نفسه عند الاكبر بزغره
مثلك .. طبع حيدر طبعكم ياهو اليغيره
شهم للبيده فات
الحمل هاي الصفات
يطب گلبك .. يطب گلبك
…………………………………..
من فزع جون وحبيب رَبع يانعم الربع
اليتبع حسين الغيور الشهامه بي طبع
مايماشي المو رجال رافگ الصدره وَسع
ابو عبدالله شجاع هوه للوادم درع

صدرك .صبح مرسه السهام بسدك يلوذن
صدرك .. مثل جنه عدن بي رادن يفوزن
يضلن خالدات
الحمل هاي الصفات
يطب گلبك .. يطب گلبك
…………………………………..
محرم 1444هـ
محرم 2022م
محمود الساعدي👇👇
t.me/mamoodAlabdalah