Telegram-канал "Qaynoq Maqolalar" — @maqola_bor

Qaynoq Maqolalar

31 Oct, 17:04

Raqobatli Kontent Uchun O‘rta Muddatli Videolar: Yangi Ijtimoiy Tarmoq Trendi

Ijtimoiy tarmoqlar marketing olamida tobora kuchayib borayotgan qurol bo‘lib, ularning algoritmlari, video uzunligidagi yangiliklar va foydalanuvchilar ehtiyojiga moslashish strategiyalari tez-tez o‘zgarib turadi. So‘nggi vaqtlarda TikTok va Instagram kabi platformalar qisqa videolar uchun yaratilgan bo‘lsa-da, uzoqroq, ya’ni bir necha daqiqalik videolar tendentsiyasiga o‘tmoqda. Bu foydalanuvchilarni chuqurroq ma'lumot bilan ta’minlash, qiziqarli hikoya qilish imkoniyatlarini kengaytirish uchun yaxshi imkoniyat yaratadi.

O‘rta Muddatli Videolar Nega Ommabop Bo‘lmoqda?

So‘nggi tadqiqotlarga ko‘ra, foydalanuvchilar endi qisqa va uzunroq videolarning o‘rtasidagi muvozanatni afzal ko‘rishmoqda. O‘rta muddatli videolar (masalan, 1-3 daqiqa) hikoya va qiziqarli kontent yaratish uchun yetarlicha vaqt beradi, biroq auditoriyani uzoq vaqt ushlab turish uchun yetarli darajada qisqa. Shu orqali nafaqat axborot beriladi, balki brend va auditoriya o‘rtasida kuchliroq aloqani shakllantirish ham osonlashadi.

Kontent Yaratishda Storytelling Muhimligi

Raqobat kuchayib borayotgan bir paytda, qiziqarli va yaxshi tashkil qilingan hikoya auditoriya e’tiborini o‘ziga jalb qiladi. Foydalanuvchilar uchun foydali bo‘lgan ma’lumot yoki o‘rganish imkoniyatini taqdim etadigan kontent nafaqat obunachilarni ushlab turadi, balki ularning ishonchini ham oshiradi. Misol uchun, bir kompaniya mahsulotdan foydalanish imkoniyatlarini hikoya qilish orqali foydalanuvchilarga mahsulotni qanday qo‘llash haqida batafsil tushuncha berishi mumkin.

Ijtimoiy Tarmoq Algoritmlari Bilan Hamkorlik

TikTok, Instagram, va YouTube kabi platformalarning algoritmlari uzluksiz o‘zgarmoqda. Bunday platformalar endilikda uzoqroq kontentni ko‘proq targ‘ib qilish orqali foydalanuvchilarni ko‘proq vaqt davomida platformada ushlab turishga intilishmoqda. Shu sababli, uzoqroq videolar ishlab chiqarish orqali, kontent yaratish algoritmlar bilan ham moslashadi va kengroq auditoriyaga yetib boradi.

Foydalanuvchilarni Jalb Qilish va Brend Qadriyatlarini Oshirish

O‘rta muddatli videolarni samarali ishlatish, brendning asl qiyofasini yaratish va u orqali foydalanuvchilarni jalb qilishning eng samarali usullaridan biridir. Bu format mahsulot yoki xizmatning afzalliklarini batafsil ko‘rsatish imkoniyatini beradi, shu bilan birga foydalanuvchilarning savollariga javob berish uchun qulaylik yaratadi. Natijada, foydalanuvchilar uchun yuqori darajada interaktiv va qiziqarli kontent hosil bo‘ladi.

@maqola_bor | qaynoq maqolalar olami

25 1 1

Qaynoq Maqolalar

24 Oct, 14:42

Vanijoyat, 4 oydan beri ko'rishni rejalashtirayotgan Moldova Prezidenti Maya Sandu va Rossiyalik jurnalist Yuriy Dud o'rtasidagi intervyuni ko'rib tugatdi. Intervyu juda ham qiziqarli va ochiq tarzda bo'ldi. Intervyuda menga yoqqan bir nechta fikrlarni quyida bo'lishmoqchiman.

Prezident sifatida rasmiy daromadlari haqida

"Prezident sifatida mening oyligim taxminan 1000 yevro atrofida bo‘lib, bu juda ko‘p emas. Biroq, men uchun moliyaviy daromad emas, balki mamlakatimizga xizmat qilish va zarur islohotlarni amalga oshirish imkoniyati muhimroq. Moldovada ko‘plab davlat xizmatchilarining past oyliklari ularni korrupsiyaga duchor qilishi mumkin. Shuning uchun biz korrupsiyaga qarshi kurashish va davlat tizimlarini yanada shaffof qilish uchun jiddiy islohotlarni amalga oshiryapmiz. Maqsadim – aholimizga xizmat qilish va Moldova kelajagini yaxshilash."

Rossiya va Ukraina o'rtasidagi vaziyat bo'yicha

Mening va Moldovaning pozitsiyasi qat'iy — biz Ukrainani to'liq qo‘llab-quvvatlaymiz. Ukraina g‘alabasi nafaqat ular, balki butun mintaqa, jumladan, Moldovaning xavfsizligi uchun ham nihoyatda muhim.

Yevropaga integratsiya haqida

Mening bosh maqsadim Moldova xalqini Yevropa Ittifoqiga olib borishdir. Biz demokratik qadriyatlarni kuchaytirish, oshkoralikni oshirish va boshqaruv tizimini mustahkamlash uchun muhim islohotlar o‘tkazmoqdamiz.

Korrupsiyaga qarshi kurashish bo'yicha

Mening ma’muriyatimning asosiy vazifalaridan biri — Moldovadagi siyosiy tizimdagi korrupsiyani tugatish va oligarxlarning mamlakatimizga ta'sirini kamaytirishdir. Bu ishni adolatli sud tizimini barpo etish orqali amalga oshiryapmiz.

Rus tilidagi intervyu bo'yicha

Intervyu rus tilida o‘tgani ba’zi tanqidlarga sabab bo‘ldi, lekin men xalqim bilan u qaysi tilda gapirishidan qat’i nazar, muloqot qilishga tayyorman. Bu qaror siyosiy maqsadlarga qaratilmagan edi.

Energetik mustaqillik mavzusi

Biz Moldovaning Rossiyaga energetik qaramligini kamaytirishga harakat qilyapmiz. Uzoq muddatli energiya xavfsizligini ta’minlash uchun energiya manbalarini diversifikatsiya qilish juda muhim. Gazprom bilan shartnoma muddati tugaganidan so'ng, ular bilan boshqa shartnoma qilmadik. Ular bizdan 700 million dollar qarzdorlik talab qilishdi. Biz esa tekshiruv uchun xalqaro auditorlik tashkilotlarini muammo bo'yicha tekshiruv o'tkazishga chaqirdik va ular bizdan bor yo'g'i 8 million dollar qarzdorlik topishdi.

Moldovani boshqarishdagi qiyinchiliklar

Kichik davlatimizni kuchli geosiyosiy kuchlar o‘rtasida boshqarish qiyin, lekin biz mustaqilligimizni saqlab qolishimiz kerak. Yevropa bilan ittifoq orqali barqarorlikka erishish zarur.

Suxbatni ko'rishingizni tavfsiya qilaman. Siz uchun kerakli bo'lgan ma'lumotlar olishingiz mumkin.
To'liq suxbatni ko'rish uchun: Bu yerga bosing

@maqola_bor | qaynoq maqolalar olami

Майя Санду – интервью с президентом Молдовы / Maia Sandu – Moldovan President Interview

Если вы в Испании или планируете сюда переехать, заполняйте регистрационную форму https://freedaspace.com/ru/register/ и узнавайте о возможных бонусах Поддержать следующие выпуски вДудя можно здесь: из России: https://boosty.to/vdudvdud из других стран: https://www.youtube.com/channel/UCMCgOm8GZkH...

9 0 0

Qaynoq Maqolalar

24 Oct, 11:11

Davlat futbolchi emas, hakamdir. Ha, davlat sanoat o‘yinidagi futbolchi emas. U — hakam. Hakam esa hamma raqobatlasha olishiga ishonch hosil qilishi kerak.

Jean Tirole, (Iqtisodiyot bo'yicha Nobel mukofoti sovrindori)

Gazeta uz jurnalisti va Jean Tirole o'rtasida bo'lgan suxbat matnidan bir qancha yaxshi fikrlarni uchratdim va sizlar bilan bo'lishmoqchiman.

Ta'lim to'g'risida:
Ammo barcha

universitetlar bir xil degan fikr — bu xomxayol. Bu to‘g‘ri emas va bu, aslida, yaxshi tayyorgarlik ko‘rmagan talabalar uchun yomon. Ular o‘zlari o‘zlashtirib keta olmaydigan muhitga joylashtiriladi. Ular aqlli, g‘ayratli bo‘lishlari mumkin, lekin yaxshi tayyorgarlik ko‘rmaganliklari sabab, baribir u muhitni o‘zlashtirib keta olmaydi.
Davlatnin

g roli oliy ta’lim va ilmiy tadqiqotlarni ma’lum darajada moliyalashtirishi juda muhum. Albatta, shartnoma to‘lovlari orqali ham buni moliyalashtirish mumkin, lekin, bunda faqatgina qurbi yetgan uy xo‘jaliklarigina shartnoma to‘lovlarini to‘lashi mumkin bo‘lib qoladi. Agar kengroq auditoriyani qamrab olmoqchi bo‘linsa, stipendiyalar ber

ishilishi va universitetlarni moliyalashtirilishi kerak. Bu esa O‘zbekistondek mamlakatda ayniqsa muhim — sizda shuncha yoshlar bor, ularga to‘g‘ri yo‘l bilan ta’lim berish juda muhim. Yoshlar, albatta, O‘zbekiston uchun juda katta boylik, lekin ular o‘qimishli, malakali ham bo‘lishi kerak.

Iqtisodiyotga oid fikrlar:
Monopoliya — bu bozordagi vaziyatga juda katta ta’sir ko‘rsata oladigan korxona. Bu orqali u narxni oshirsa ham yoki past sifatli mahsulot ishlab chiqarsa ham iste’molchilarini yo‘qotmaydi, chunki boshqa muqobil yo‘q. Mana shu — monopoliya va bu jamiyat uchun yomon. Jamiyat uchun yomon ekaniga ikki sabab mavjud.
Umumi

y aytganda, davlat ishlab chiqaruvchi bo‘lmasligi lozim — buni tushunish juda muhim. U elektr tarmog‘i yoki temiryo‘l tarmog‘i va shunga o‘xshash narsalarni yaratishi lozim. Shuningdek, davlat xususiy sektor boshqara olmaydigan narsani — huquqiy bazani, qonuniy huquqlarni, qonuniy aniqlikni yaratishi lozim. Bu xususiy

sektor uchun juda muhim.
Butun iqtisodiyot davlatga tegishli bo‘lgan nuqtadan boshlayapsiz. Hammasi davlat nazoratida va siz xususiy bozorga o‘tmoqchisiz. Men qattiq regulyatsiya qilinadigan bozor emas, xususiysi tarafdoriman. Oldingizda aktivlarni kimgadir sotishingiz kerak bo‘lgan bosqich bor va ularni qaysidi

r

oligarxga berish yoki o‘z narxidan past bahoda sotish — siz eng xohlamaydigan narsalardan biri. Shu bois siz raqobat muhitini yaratishingiz kerak.

Post manfaatli bo'lgan bo'lsa, reaksiya qoldirish yoddan chiqmasin.
To'liq matnni o'qish uchun bu yerga bosing

@maqola_bor | qaynoq maqolalar olami

“Davlat o‘yinchi emas, hakam” — Nobel sovrindori, iqtisodchi Jan Tirol

Fransiyalik iqtisodchi, Nobel mukofoti sovrindori Jan Tirol “Gazeta.uz” bilan suhbatda davlatning iqtisodiyotdagi o‘rni, xususiylashtirish, monopoliyalar qayerdan paydo bo‘lishi, ularga qarshi kurash haqidagi savollarga javob berdi. “Davlat sanoat o‘yinidagi futbolchi emas, hakamdir”, — dedi Tirol

8 0 0

Qaynoq Maqolalar

22 Oct, 12:16

Маркетингдаги энг катта хатолар нималар?

Маркетингда кенг тарқалган хатолар бизнеснинг муваффақиятсизликка учрашига ёки самарасиз сармояга олиб келиши мумкин. Қуйида энг катта хатолардан баъзилари келтирилган:

1. Аниқ мақсадли аудиториянинг йўқлиги: Мақсадли аудиторияни аниқламаслик маркетинг кампанияларининг самарасизлигига олиб келади. Барча учун маҳсулот ёки хизмат таклиф қилиш ўрнига, аниқ сегментларга қаратилган реклама кўпроқ натижа беради.

2. Бозор ва рақобатни ўрганмаслик: Бозорнинг ҳолати ва рақобатчиларни таҳлил қилмаслик маҳсулот ёки хизматга талабни нотўғри баҳолашга олиб келади. Бу маркетинг стратегиясини кераксиз қилади.

3. Бир хил ёндашувга амал қилиш: Турли хил каналлар ва аудиториялар учун бир хил маркетинг стратегиясидан фойдаланиш хатодир. Ҳар бир каналнинг ўзига хос хусусиятлари бор ва ҳар бир аудиторияга мос мессеж юбориш лозим.

4. Бренд қийматини очиқ билдирмаслик: Мижозлар учун маҳсулот ёки хизматнинг афзалликлари ва қадриятлари аниқ бўлмаслиги маркетингни самарасиз қилади. Мижозлар товардан қандай фойда олишларини билишлари керак.

5. Контентнинг сифатсизлиги: Сифатсиз контент ёки реклама мижозлар эътиборини жалб қилмайди. Сифатли ва фойдали контент мижозларни жалб қилишнинг асосий йўлидир.

6. Мижоз фикрини инкор қилиш: Мижозлар фикрига етарлича эътибор қаратмаслик катта хатодир. Мижозларнинг эҳтиёжлари ва истакларини тушуниш, уларга мос таклифлар ва хизматлар яратиш жуда муҳим.

7. Савдони маркетингдан устун қўйиш: Фақат савдони оширишга қаратилган ёки қизиқтирувчи таклифлар орқали мижозлар билан тезда фойда олишга ҳаракат қилиш жуда катта хатодир. Устувор мақсад — мижозлар билан узоқ муддатли муносабат ўрнатиш ва уларнинг ишончини қозониш бўлиши керак.

8. Содиқ мижозлар билан ишламаслик: Фақат янги мижозларни жалб қилишга эътибор қаратиб, мавжуд мижозларга кам аҳамият бериш. Содиқ мижозлар билан муносабатни сақлаш ҳам савдони оширишга ёрдам беради.

9. Натижаларни кузатмаслик ва таҳлил қилмаслик: Маркетинг ҳаракатлари натижаларини кузатиб бориш ва таҳлил қилмаслик катта хато ҳисобланади. Маркетинг стратегияси самарадорлигини таҳлил қилиш ва уни яхшилаш учун маълумотларга асосланган қарорлар қабул қилиш муҳим.

10. Рақамли маркетингни эътибордан четда қолдириш: Бугунги рақамли даврда интернет ва рақамли платформалардан фойдаланмаслик катта йўқотиш бўлиши мумкин. Рақамли маркетинг орқали кенг аудиторияга тез етиш мумкин.

Бу хатолардан қочиш ва маркетинг стратегиясини яхшилаш орқали бизнес самарадорлигини ошириш мумкин.

Bektosh Khatamov

@maqola_bor | qaynoq maqolalar olami

9 0 0

Qaynoq Maqolalar

22 Oct, 11:29

Аксарият давлат банклари зарарда: 9 ойда банклар фойдаси қандай ўзгарди

Ўзбекистондаги банклар III чорак якуни бўйича 8,1 трлн сўм соф фойда олди ва 2023 йилги кўрсаткични сақлаб қолди. Bankers.uz бу бўйича маълумотларни тақдим қилди.

Энг кўп фойда олган банк ҳамон “Миллий банк” бўлиб турибди — ўсиш 11,1 фоиз ва қарийб 1,4 трлн сўмлик фойда.

“Ҳамкорбанк” ва “Капиталбанк” кучли учликдаги ўрнини сақлаб қолди. Улар мос равишда 1 трлн сўм ва 921,9 млрд сўмдан фойда олишган. “Капиталбанк” фойдаси қандай ўзгаргани ҳақида бу ерда ёзган эдик.

🔼Фойда бўйича энг юқори ўсишга эришган банк — TBC Bank бўлди. Улар бир йил ичида 21 баробар ёки +2045 фоизлик ўсишга эришди.

Янги раҳбарият қўлига ўтган ва ребрендинг амалга оширган Octobank ҳам юқори фойда ўсишини кўрсата олди — +660,8 фоиз.

🔽Фойдаси кескин пасайиб кетган банклар орасида БРБ етакчи бўлиб турибди. Ушбу кўрсаткич -392 фоизга камайгани ортидан банк 279,1 млрд сўм зарарга кирган. Умумий ҳисобда 5 та банк зарарда ишламоқда.

TOP 15 та энг кўп фойда олган банклар орасидан атига 3 та давлат банки ўрин олган. 10 та давлат банкидан 7 тасининг фойдаси ўтган йилга нисбатан пасайган.

Bankir kanalidan olindi

@maqola_bor | qaynoq maqolalar olami

6 0 0

Qaynoq Maqolalar

21 Oct, 12:02

Газ экспорти бутунлай тақиқланиши керак

Агарда нормал давлатлардагидек соғлом ва рақобатли сайлов тизими бўлганида, тобора чуқурлашаётган энергетик кризис, шимолга боғланган ўғри олигархия ва очофат монополистлар сунъий равишда уюштираётган тақчиллик ва нарх ўсиши раллиси кабилар бир ойдан бери давом этаётган сайлов кампаниясининг асосий муҳокама мавзусига айланарди. Мустақил номзодлар ва партиялар электорат эътиборини қозониш учун шонли энергетикларни сўроққа чақирган, олигарх ва монополистларга қарши росмана жиддий ва аёвсиз чоралар кўриш, вазиятни ўнглаш учун фавқулодда амалий ҳаракатларга ўтиш талаб қилинган бўларди.

Афсус, биз бутунлай бошқа реалликларда яшамоқдамиз. Кун тартиби сайловчиларниннг хоҳишлари ва сайловларда эмас, ўзбекистонликларнинг манфаатларига терс бўлган ёпиқ кабинетларда ва ёпиқ келишувларда шаклланишда давом этмоқда.

Майли, бир неча дақиқага тасаввур қилайлик, эркин сайловда қайсидир партия ғолиб бўлди. Тасаввуримиздаги Ғолиб партиянинг ва у тузган ҳукуматнинг соғлом ақл билан қиладиган илк чораларидан бири бу газ экспортини бутунлай тақиқлаш бўлади (куф суф чоралар билан вақтинча тўхтатиш эмас).

Чунки ўзи бусиз ҳам қазиб олиш кескин тушиб кетаётган шароитда газ экспортини тўлиқ тўхтатибгини ёқилғи балансида қандайдир мувозанат яратиш мумкин. Метан билан боғлиқ муаммолар туфайли пропанга босим, пропан тақчиллиги бензинга талабни яратаётгани ҳақида кўп ёздик. Буларнинг ҳаммаси бир бўлиб бизни импортга қарам қилмоқда, экспортимизни қисқартирмоқда.

Газ экспортини тақиқлаш ўзбек газининг асл эгаси бўлган ўзбекистонликларга нисбатан адолат масаласи ҳам. Нима учун Ўзбекнефтегаз газини 600 сўмдан сотиши керакку, ўзбек халқига тегишли бўлган газ конларини эгаллаб олган олигархлар яширин қарорлар билан газни четга 200 доллардан сотиши керак? Нима учун ўзбекистонликларнинг солиқлари ҳисобига шаклланган бюджетдан субсидияланган газ экспорт қилиниши, қайсидир чўнтакларни тўлдириши керак? Бу бузуқ посангини чала чоралар билан, ёлғон баёнотлар билан тўғирлаб бўлмайди. Ундан воз кечиш керак.

Bakiroo kanalidan olindi.

#energetika #eksport #saylov2024

@maqola_bor | qaynoq maqolalar olami

bakiroo

Метан нархи ошмаслиги учун пропаннинг рақобатли таклифи, пропан нархи ошмаслиги учун бензиннинг рақобатли таклифи кўпайиши керак Чунки улар ўзаро ўринбосар товарлар ҳисобланади. «Бугунги кунда метан гази нархларининг кескин ошишига сабаб бўлувчи омиллар мавжуд эмас», деб хабар тарқатмоқда Рақобат ...

7 0 0

Qaynoq Maqolalar

17 Oct, 14:26

🎓 Universitetlardagi konferensiyalar: Samara yoki Shunchaki So‘zlar?

Ko‘pchilik universitetlarda turli mavzuda konferensiyalar o‘tkaziladi. Masalan, korrupsiyani kamaytirish, ta’lim sifatini oshirish, talabalarning ko‘nikmalarini rivojlantirish va boshqalar. Ammo shuncha ma'ruzalar va nutqlar keyin ham real hayotda hech narsa o‘zgarmasa, bularning hammasi shunchaki vaqt va mablag‘ isrofi bo‘lib qolmayaptimi?

Misol uchun, men TDIUda o‘qib yurgan paytimda ham ko‘p shunday konferensiyalarda qatnashdim. Maqsadlar yaxshi edi, lekin natija qanday? Universitetning ahvoli yaxshilanishi o‘rniga aksincha yomonlashyapti. Kelib jon berib gapirgan speakerlar nutqlaridan keyin hech qanday real o‘zgarish bo‘lmadi.

Bu kabi tadbirlar aslida tizimni yaxshilash, ta’lim sifatini oshirish uchun bo‘lishi kerak, lekin amalda ular ko‘pincha qog‘ozda yaxshi ko‘rinish va mablag‘larni noto‘g‘ri yo‘nalishda ishlatish uchun o‘tkazilayotgandek tuyuladi.

📊 Muammo shundaki, ko‘p hollarda konferensiyalardan keyingi natijalar kuzatib borilmaydi, amaliy choralar ko‘rilmaydi. Agar chindan ham o‘zgarish bo‘lishini istasak, konferensiyalarni tashkil qilishdan tashqari, natijalarni kuzatish va real o‘zgarishlarni amalga oshirish uchun aniq reja tuzish kerak.

Konferensiyalar faqat nutqlar bilan cheklanib qolmasin. Haqiqiy natijalarga erishish va o‘zgarishlarga turtki beradigan chora-tadbirlar amalga oshirilishi zarur!

#konferensiya #universititet

@maqola_bor | qaynoq maqolalar olami

17 1 0

Qaynoq Maqolalar

13 Oct, 21:23

Investorlar bilan uchrashuvda qanday savollarga tayyor turish kerak?

1. Biznes modeli va kompaniya ma'lumotlari

Telefonchi kompaniyasining asosiy biznes modeli nima? Ular sizning daromad olish usulingiz, mijozlar uchun qanday qiymat taklif qilayotganingizni va bozorda qanday farq qilishingizni tushunishni xohlashadi.
Kompaniyaning asosiy maqsadli auditoriyasi kim? Mijozlaringizning demografiyasi, ular qanday ehtiyojlari borligi va nima uchun sizni tanlayotganlarini bilishni istashadi.
Nima uchun kompyuterlar va aksessuarlar bozoriga kirishga qaror qildingiz? Bu yangi yo'nalishning sizning kompaniyangiz uchun qanday afzalliklar keltirishini tushunishadi.

2. Bozor va raqobat

Bozor hajmi va imkoniyatlari qanday? Ular sizning bozoringizning kattaligi, o'sish sur'atlari va kompaniyangiz bu bozorda qanchalik ulush olishi mumkinligini bilishni xohlashadi.
Sizning asosiy raqobatchilaringiz kim va ulardan qanday farqlanasiz? Raqobat ustunliklaringiz va sizni boshqalardan ajratib turuvchi xususiyatlar haqida batafsil ma'lumot berish kerak bo'ladi.

3. Mahsulot va xizmatlar

BNPL (Buy Now, Pay Later) modeli haqida batafsil tushuntirib bera olasizmi? Ular bu modelning qanday ishlashini, foydalanuvchilarga qanday qulayliklar yaratishini va qanday xavf-xatarlari borligini tushunishni xohlashadi.
Yangi mahsulotlar, kompyuterlar va aksessuarlar portfeli haqida qanday rejalaringiz bor? Bu bozor segmentida qanday innovatsiyalar va rivojlanishlar kiritishni rejalashtirganingizni bilishni xohlashadi.

4. Moliyaviy ko'rsatkichlar va prognozlar

Hozirgi daromad va xarajatlaringiz qanday? Ular kompaniyangizning daromadlari, xarajatlari, foyda marjinalligi va boshqa moliyaviy ko'rsatkichlarni ko'rishni xohlashadi.
Kompaniyaning kelajakdagi moliyaviy prognozlari qanday? Investorlar kompaniyaning kelajakdagi rivojlanish imkoniyatlarini, daromadlarning o'sishi va xarajatlarning qisqarishini ko'rishni xohlashadi.
Qachon rentabellikka erishasiz? Investorlar sizning daromadlarni xarajatlardan oshirish va daromad olish muddatini bilishni xohlashadi.

5. Sarmoya miqdori va foydalanish

Sizga qancha mablag' kerak va uni qanday ishlatmoqchisiz? Investorlar siz so'rayotgan mablag'ning qanchalik asosli ekanini bilishni va uni qanday maqsadlar uchun ishlatishni rejalashtirayotganingizni ko'rishni xohlashadi.
Investitsiya mablag'lari qanday o'sishni ta'minlaydi? Bu mablag'larni qanday qilib biznesingizni kengaytirish, savdo hajmini oshirish yoki mahsulot qatorini rivojlantirish uchun ishlatishni rejalashtirayotganingizni tushuntirish kerak.

6. Risklar va xavflar

Kompaniyangizning eng katta xavflari va qiyinchiliklari nima? Investorlar biznesingiz uchun eng katta xavflarni va ular bilan qanday kurashishni rejalashtirayotganingizni bilishni xohlashadi.
Raqobat yoki bozor xavflarini qanday boshqarasiz? Raqobatchilar tomonidan bo'lishi mumkin bo'lgan xavflarni va bozor o'zgarishlariga qanday moslashishingizni bilishni xohlashadi.

7. Jamoa va rahbariyat

Kompaniyaning asosiy jamoasi kimlardan iborat? Investorlar jamoaning tajribasi, malakasi va ular qanday qilib kompaniyani rivojlantirishga hissa qo'shayotganini tushunishni xohlashadi.
Jamoaning rahbariyati va tajribasi qanday? Asoschilar va rahbariyatning sanoatdagi tajribasi va muvaffaqiyatlari haqida ma'lumot berish kerak.

8. Investorlarga taklif va ulush

Investorlarga qanday ulush yoki qaytish taklif qilasiz? Investorlar o'z mablag'larini qanday foyda bilan qaytarib olishi, ulush foizi yoki dividendlar haqida bilishni xohlashadi.
Chiqarish strategiyangiz qanday? Investorlar uchun kompaniyadan chiqish imkoniyatlari, IPO yoki sotuv orqali qanday foyda olish imkoniyati borligi haqida tushuntirish kerak.

Bu ma'lumotlar Telefonchi kompaniyasi uchun tayyorlandi.

@maqola_bor | qaynoq maqolalar olami

19 0 0

Qaynoq Maqolalar

12 Oct, 14:03

Китоблар ҳақида гап кетганда, ўзимнинг бир тажрибам эсга келди. Анчадан буён ёзмоқчи бўлиб турувдим, баҳона топилди.

Анча йиллар олдин (лимитсиз интернет кириб келгач) мен ҳам, кўпчилик қатори, YouTube'га ўтириб қолган эдим. Бу видеосервис чексиз контент манбаидир — исталган мавзуда исталган шаклда ва ҳажмда видео топилади.

Нима мавзу бўлса, дарров видео қидириб, йўлларда видео кўриб/эшитиб кетиб, қанча контент истеъмол қилиб юборганимни билмайман. Лекин ўтган йилдан эътиборан YouTube'дан тўйиниш кузатдим ўзимда.

Чексиз подкастларда тайинли гап, чуқур таҳлил кам, қандайдир блогер-у экспертларнинг фикри ё қизиқмас, ё қайта-қайта такрорланавериб зериктириб юборади; сон-саноқсиз эксплейнерлар шунчаки Wikipedia'ни "қизиқ"роқ, "кулгили"роқ қилиб қайта гапириб беради, ҳеч қандай янги билим бермайди; маърузалар орасида оригинали жуда кам. Хуллас, маълум соҳалардагина жуда кам сифатли контент топиш мумкин. Масалан, мутахассислигингиз бўлмаган соҳада бошланғич билим берувчи сифатли контент топиш мумкин (масалан, мусиқа бўйича топганман); кино даражасида сифатли олинадиган оз сонли эксплейнерлар бор (Utopia Show сингари); футбол, кино каби соҳаларда аналитика эшитиш шахсан менга қизиқ (фан соҳасини яхши билганим учун шекилли, мени қониқтирадиган аналитика деярли йўқ).

Хуллас, YouTube'да жуда кўп нарса бор ва ҳеч нарса йўқ. YouTube китобнинг ўрнини боса олмайди. Илмий китобда у каби сервислардан топилмайдиган чуқур таҳлил, илмий ёндашув, янги фактлар ва назариялар бор; бадиий адабиётдаги бадиият ва мессиж у контентда учрамайди; илмий-оммабоп китоблар билан рақобатлашадиган оз сонли канал бор (Veritasium, Топлес).

Шунга охирги икки йилда секин-асталик билан YouTube'га кетадиган вақтни китобга сарфлаяпман. YouTube форматидаги контент ўрнига ҳамиша аудиокитоб эшитиб юраман. Икки йилда саксонта атрофида китоб, юз-икки юз майда матн (ҳикоя, мақола) эшитдим.

Албатта, китобни фақат эшитмайман, ўқийман ҳам — касб тақозоси билан илмий матнларни доим кузатиб, ўрганиб юрсам, бадиий ёки бошқа турдаги матнларга кунига камида ярим соат ёки ҳафта сўнгида бир неча соат ажратишга ҳаракат қиламан.

Маълумот сифати, таҳлил чуқурлиги бўйича ҳали ҳам китобнинг ўрнини босадиган ҳеч нарса йўқ.

Eldar Asanov

Join us here: @give_get

11 0 0

Qaynoq Maqolalar

9 Oct, 12:26

Mana shu maqolada yozgan ma'lumotlarimga qo'shimcha.

Plastik butilkadegi suvlar vodoprovod suvlaridan ham xavfliroq deb topilibdi.

Mamba: https://t.me/kunuzofficial/151855

@maqola_bor | qaynoq maqolalar olami

15 0 0

Qaynoq Maqolalar

9 Oct, 08:05

🌍 O‘rta Osiyo davlatlari va Rossiya: Nega ishonchsizlik bor?

O‘rta Osiyo davlatlarining Rossiyaga nisbatan salbiy kayfiyati yoki ishonchsizligi bir necha omillarga asoslangan:

1️⃣ Tarixiy omillar: Sovet Ittifoqi davrida milliy madaniyat va urf-odatlarga bosim qilingan, diniy amaliyotlar cheklangan, bu esa Rossiyaga nisbatan salbiy munosabatlarning shakllanishiga olib kelgan.

2️⃣ Iqtisodiy qaramlik: Mintaqadagi ko‘plab davlatlar Rossiyaga iqtisodiy jihatdan bog‘liq bo‘lib qolmoqda, bu esa mustaqillikka tahdid sifatida qabul qilinmoqda.

3️⃣ Geosiyosiy ta'sir: Rossiya o‘zining mintaqaviy manfaatlarini himoya qilish uchun siyosiy va harbiy faoliyatini davom ettirmoqda. Bu holat O‘rta Osiyo davlatlarida suverenitet va xavfsizlikka tahdid sifatida ko‘rilmoqda.

4️⃣ Madaniy va demografik ta'sir: Sovet davridagi rus tilining ta'siri va madaniy ta'sirlar milliy identifikatsiyaga bosim bo‘lgan.

5️⃣ Yaqin tarixdagi voqealar: Rossiyaning Ukraina bilan mojarosi va agressiv siyosati mintaqadagi boshqa davlatlar orasida qo‘rquv va ishonchsizlikni kuchaytirdi.

O‘rta Osiyo davlatlari Rossiyaga nisbatan murakkab va ikki tomonlama munosabatda: iqtisodiy hamkorlik zarur bo‘lsa-da, o‘z mustaqilligini saqlash istagi kuchli.

Sizningcha, bu munosabatlar qanday rivojlanadi? Fikringiz qanday? 🗣

#O'rtaOsiyo #Rossiya #Geosiyosat #Tarix #Iqtisodiyot #Xavfsizlik

@maqola_bor | Qaynoq maqolalar olami

15 0 0

Qaynoq Maqolalar

8 Oct, 15:10

Бонус тизими тушунарли бўлмаса оқибати зарар!

8 синф ўқувчисиман, ёзги таътил. Чилонзорнинг беспредел (зато салқин) кўчаларидан биридаги дўконда музқаймоқ сотувчиси бўлиб иш бошлганман. Некси 2 легенда деган машина чиқишни бошлаган вақти. Дўкон эгаси менга - "ишлаб тураверчи, соткан музқаймоғингга қараб пулингни беравераман" дегану иш бошланиб кетган.

Қанча ойлик оламан? қачон оламан? деган саволлар қийнайверганидан, ишлаган кунларим учун ҳам пул олмай, 2 хафтадан сўнг шартта бўшаб кетворганман.

Ойлик масаласида-ку ҳамма келишиб ишлайди, лекин бонусларга келганда "сотув яхши бўлса оласан-да" деб қўйилади вассалом. Сиз шу орқали ходимдан эффект кутаёткан бўлсангиз адашасиз! Майли дўндириб KPI жорий қилманг, хеч бўлмаганда ходимингизга қачон ва қайси ишни қанчалик даражада бажарганига (сотканига) қараб бонус олиши мумкинлигини аниқ тушунтиринг.

P/s Ўша мен ишлаган дўкон эгаси, ушбу постни ўқиган бўлсангиз 2 хафталик иш хаққимни беринг 😭

HRmahalla

@maqola_bor | Qaynoq maqolalar olami

17 0 0

Qaynoq Maqolalar

8 Oct, 11:08

Саёҳат учун қулай вақт ва давлатлар!

Саёҳат учун энг яхши вақт ва жой танлаши кўпинча ҳар бир давлатнинг иқлимига, мавсумининг хусусиятларига ва сиз қизиқадиган фаолиятларга боғлиқ. Қуйида ҳар ойда қайси давлатларга саёҳат қилиш мақбулроқ эканлиги ҳақида умумий тавсиялар келтирилган:

Январь

• Таиланд, Вьетнам, Камбоджа – Осиёнинг бу давлатларида қиш мавсуми қуроқ ва илиқ бўлиб, пляж ва тарихий жойларни томоша қилиш учун жуда қулай.
• Швейцария, Австрия – Бу даврда Европа тоғлари бўйлаб чанғи ва сноуборд спорти учун энг яхши мавсум.

Февраль

• Мальдив ороллари, Шри-Ланка – Соҳиллар ва тўқ яшил табиатнинг гўзаллигидан баҳра олиш учун февраль энг яхши вақт.
• Япония (Окинава) – Иссиқ ҳудудда баҳорги об-ҳавони ҳузурга олиш учун.

Март

• Испания (Андалусия), Италия (Сицилия) – Европа баҳоридаги илиқ ва ёрқин ҳаво пойтахтлар ва тарихий шаҳарлар бўйлаб сайр қилиш учун яхши вақт.
• Марокаш, Иордания – Саҳро ва тоғларни ўрганиш учун илиқ ва қуруқ вақт.

Апрель

• Голландия – Лалми гулзорлари ва баҳорги фестиваллар бу ойни саёҳат учун жуда машҳур қилади.
• Япония – Сакуранинг гуллаш мавсумида токий ва Киото каби шаҳарларнинг гўзаллиги юксалади.

Май

• Туркия (Истанбул ва Каппадокия) – Илиқ баҳор мавсумида тарихий ва маданий жойларни зиёрат қилиш қулай.
• Франция (Прованс) – Лавандаларнинг гуллаш мавсумида Прованснинг гўзал манзараларини томоша қилиш мумкин.

Июнь

• Италия (Тоскана, Амалфи соҳили) – Мазали таомлар ва маданий ёдгорликлар билан бирга яшил тўқайзорлар ва чиройли соҳиллар.
• Канада – Табиати гўзал бўлган ҳудудларида, айниқса миллий боғларида саёҳат қилиш учун қулай давр.

Июль

• Норвегия, Швеция, Финляндия – Ёзги кунлар узун бўлиб, табиат парклари ва тоғлардаги саёҳатлар учун идеал вақт.
• Исландия – Ёзда илиқ ҳавода гейзерлар ва музликларни томоша қилиш жуда гўзал.

Август

• Швейцария, Австрия – Европанинг тоғли ҳудудларида саёҳат қилиш, чанғи ёки сайр қилиш учун ёзнинг илк вақти жуда қулай.
• Кения, Танзания – Сафари қилиш ва ҳайвонот дунёсини кузатиш учун қулай вақт.

Сентябрь

• Греция, Хорватия – Соҳиллар ва археологик ёдгорликлар ёзнинг илк қисмидаги иссиқдан сўнг, қулай ҳавода ўрганиш учун яхши.
• Испания (Барселона, Мадрид) – Саёҳатчилар учун олий мавсум ўтгач, қулай вақт.

Октябрь

• Италия (Тоскана, Венеция) – Кузнинг илк ҳидлари ва табиатнинг жўшқинлиги билан тўлган манзаралар.
• АҚШ (Нью-Йорк, Массачусетс) – Кузнинг гўзал ранглари билан машҳур шаҳарлар ва боғлар.

Ноябрь

• Оман, Дубай – Ёздаги қаттиқ иссиқлик пасаяди ва қулай саёҳат учун мавсум бошланади.
• Австралия – Куз ва ёз ўртасидаги қулай ҳаво соҳиллар ва шаҳарларни ўрганиш учун қулай.

Декабрь

• Швейцария, Франция (Алплар) – Чанғи ва қорли тоғлардаги фаолиятлар учун энг яхши вақт.
• Мексика, Кариб ороллари – Иссиқ, қиш мавсумида денгизда дам олиш учун қулай жойлар.

Ҳар бир саёҳатчига қандай манзил ва фаолият ёқиши муҳим аҳамиятга эга. Сиз қаерга боришни режалаштиряпсиз?

Bektosh Khatamov saxifasidan olindi

@maqola_bor | Qaynoq maqolalar olami

15 0 0

Qaynoq Maqolalar

25 Sep, 12:13

Россия ва Путин ўзини Фаластинга қанчалик дўст қилиб кўрсатмасин, улар учун Исроил — содиқ иттифоқчи. Тел-Авив ҳам буни қадрлайди: Исроил ҳатто АҚШ сўраса ҳам Украинага қурол бермади ва бергани йўқ. Путин Исроилнинг барча раҳбарлари билан қалин алоқаларга эга бўлган.

Исроилнинг машҳур бош вазири Шимон Переснинг Путин билан 2015 йилги суҳбатидан парча. Ушбу парча Шимон Переснинг 2016 йилда, ўлимидан уч ҳафта олдин берган интервюсидан олинган.

Перес: Сиз 63 ёшдасиз, мен эса 93 ёшдаман. Айтинг-чи, кейинги 30 йил ичида нимага эришмоқчисиз? Ўзи нима учун курашаяпсиз? АҚШни қувиб ўтмоқчимисиз?

Путин: Йўқ.

Перес: Америка Россиянинг бир қисмини олишни хоҳлайдими? Йўқ. Обама билан музокараларда бошқа қандайдир муаммо борми?

Путин: Нега буни сўраяпсиз?

Перес: Қулоқ солинг, мен айғоқчи эмасман. У ерда нимадир бўлган бўлса менга айтинг.

Путин: Сиз нима деб ўйлайсиз?

Перес: Сиз нима қилишингиздан қатъи назар АҚШ бу курашда ғолиб бўлади.

Путин: Нега?

Перес: Чунки уларнинг омади келган, сизнинг эса — йўқ!

Америкалик одам эрталаб уйғонганида нимани кўради? Жанубда Мексика ва улар (америкаликлар) мексикаликларни ўз мамлакатига қабул қилади. Шимолда эса Канада ва улар дунёдаги энг яхши дўстлар. Шарқ ва ғарбда сув ва балиқлар.

Обама нимадан хавотирланиши мумкин?

Сиз эрталаб уйғонганда нимани кўрасиз? Япония, Хитой, Афғонистон? О, Худойим! Улар сизнинг ерингиз катта эканлигини, лекин уларга бир тийин ҳам бермаслигингизни билади. Сиз тоза сув захирасининг 20 фоизига эгасиз ва уларга ҳеч нарса бермайсиз. Шунинг учун, Сибирда қор эриганда (яъни нимадир бўлса, кучсизланса) сиз биринчи бўлиб кўрадиган нарса қуролланган хитойликлар бўлади! Чунки шарқда хитойликлар кўп, руслар кам.

АҚШ мамлакат ҳудуди ва аҳоли сони бўйича энг яхши мутаносибликка эга давлатлардан бири. Россия эса — энг ёмон! Сиз одам яшамайдиган миллион квадратлик ерлар бор. Сизда йўқ нарса – бу одамлар. Сизнинг халқингиз йўқ бўлмоқда. Қарсаклар ва одамларнинг мақтовларига алданманг. Улар сизни кечирмайди. Нима учун русларнинг ўртача умр кўриш давомийлиги 62 йил, америкаликларники эса 82 йил?

Сиз ўзингизни подшолар каби тутяпсиз.

Подшоҳлар нима қилди? Улар иккита шаҳарни – Санкт-Петербург ва Москвани ривожлантирди (Каримов кимлардан ўрнак олганига яхши ишора). У ерда сиз хоҳлаган нарсангизни топасиз. Россиянинг қолган қисми эса қор билан қопланган Нигерияга ўхшайди. Сизнинг одамларингиз ўлмоқда. Сиз уларга ҳаёт бермаяпсиз. Сизнингча, улар сизни кечирадими?

Душманлик ва адоват – ҳаётга энг катта хатолардир. Сиз аҳмоқликка сармоя киритмоқдасиз.

Путин: Яхши. Улар мендан нимани хоҳлайди? НАТОга ўзи нима керак? СССР энди мавжуд эмас. Варшава шартномаси аллақачон тугатилган. Мен НАТОга аъзо бўлишга тайёрман! Лекин НАТОга Грузия нима учун керак? Руминия НАТОга нима учун керак? Улар Европага юз бурмоқчи, майли боришсин. Аммо улар қайси армия билан жанг қилмоқчи?

Сизнингча, мен Қримнинг Россия ери эканлигини ва Хрушчёв уни Украинага тортиқ қилганини билмасмидим? Украиналиклар НАТОга аъзо бўлишни хоҳламагунча, мен бунга аҳамият бермай келаётгандим.

Перес: Қулоқ солинг, хўп барчасини ҳисобга олиб, нега сиз америкаликлар қилган ишни қилмайсиз? Бошқарувнинг бошқа шаклини яратинг. Компанияларнинг ривожланишига имкон берадиган бошқарув органи тузинг. Сизда бор ягона нарса бу – ҳукумат. Ҳукуматингизда эса энг амбицияли одамлар ўтирибди. Улар коррупционер, бошқаларни ҳам коррупционер қилади... Компаниялар яратинг ва улар Америка компаниялари каби фаолият юритсин.

Путин: Яхши. Сиз нима таклиф қиласиз?

Перес: Исроилда юз минглаб русийзабон яҳудийлар бор. Биз илм-фан соҳасида энг олдингиларданмиз. Биз сизга ёрдам беришга тайёрмиз. Ҳукуматдан ташқари идораларни фаоллаштиринг. Ёки ҳукуматни тарк этинг, барибир уларнинг ҳаммаси коррупцияга ботган. Йўқса, сиз ғалаба қозонмайсиз.

Путин: Яхши, синаб кўрамиз.

🔥fayzboguz

@maqola_bor | Qaynoq maqolalar olami

19 0 0

Qaynoq Maqolalar

21 Sep, 09:15

"Fikrlovchi" robotlar va hammaning hamma narsasi bo'ladigan kelajak

Sun'iy intellekt yangi davrga kirmoqda. "OpenAI" kompaniyasi ikki kun avval tahliliy va mantiqiy fikrlash qobiliyatiga ega "o1 Preview" modelini ommaga taqdim etdi.

Kompaniyaning da'vo qilishicha, bu model berilgan topshiriqni bajarishdan oldin "o'ylaydi"; uning muammolarni tahlil qilish va yechish salohiyati biologiya, kimyo yoki fizikaga oid murakkab masalalarni yechadigan doktorlik darajasi (PhD) tadqiqotchisiniki bilan teng.

Hozirgacha "OpenAI"ning eng ilg'or modeli bo'lgan "ChatGPT-4o" Xalqaro matematika olimpiadasidagi misollarning atigi 13 foizini to'g'ri yecha olgan bo'lsa, yangi "o1" modeli bu misollarning 83 foiziga to'g'ri javob topgan. Dasturlash musobaqasida ham uning muvaffaqiyati 89 foiz ishtirokchilarnikidan yaxshiroq chiqqan.

Kuzatuvchilarning aytishicha, aslida bu model hozirgi holatidan ancha qudratli bo'lib, uning g'arazli maqsadlar yo'lida suiiste'mol qilinishiga yo'l qo'ymaslik uchun kompaniya asl potensialini ataylab pasaytirgan holda ommaga taqdim etmoqda. Masalan, u bilan biologik qirg'in qurollarini yaratish nazariy jihatdan mumkin, deydi ekspertlar.

Bu modelni ishlatish ancha qimmat bo'lgani bois (kompyuter resurslarini ko'p talab qiladi), hozircha "Plus" foydalanuvchilari undan haftasiga 30 martagacha foydalanishi mumkin.

Men ham ishlatib ko'rdim. Yagona kamchiligi - savolga javob berish ko'proq vaqt oladi. Buni model "o'ylash" va "tahlil qilish" uchun ketgan payt deb aytmoqda. Lekin beradigan javoblari mukammal. Aslida oddiy savol-javoblarda uning boshqa "ChatGPT" modellaridan farqini sezish qiyin. Uning afzalligi murakkab fikrlash va tahlilni talab qiladigan masalalarda ko'rinadi.

"OpenAI"ga ko'ra, "o1" modeli, fikrlashga asoslangan ilk model va uning yanada yaxshilangan versiyalari kelajakda navbat bilan e'lon qilib boriladi.

So'nggi paytlarda "Anthropic" kompaniyasining "Claude" boti ham sifat bo'yicha "OpenAI"ning ilg'or modellariga yetib olgani, hatto undan o'tib ketayotganini sezyapman. Masalan, kod yozish bo'yicha menga "Claude"ning ishi "ChatGPT-4o"nikidan ancha yaxshiroq ko'rinadi. "Google"ning "Gemini" botidan uncha ko'nglim to'lmadi. Uni juda kam ishlatganman; shunda ham negadir ko'proq hafsalam pir bo'ladigan javoblar olganman.

Aytgancha, "Amazon" kompaniyasi "Anthropic"ning asosiy hissadorlaridan biri; unga 4 milliard dollar sarmoya kiritgan.

Xullas, kelajak qiziq. Ilon Maskning aytishicha, sun'iy intellektga asoslangan kelajakda hammaning hamma narsasi bo'ladi: hamma farovonlikda yashaydi. Chunki sun'iy intellekt asosida hamma narsani arzon va behisob miqdorda ishlab chiqarish mumkin. Jismoniy mehnatlarning barchasini robotlar bajaradi. Gumanoid robotlar soni yer yuzidagi odamlar sonidan bir necha barobar ko'p bo'ladi. Odamlarning bir kunda 8 soat ishlashi va mehnati uchun maosh olishi kabi an'anaviy iqtisodiy modellar o'zgaradi.

Bunday kelajakning amalga oshish imkoniyati, Ilon Maskka ko'ra, 80 foiz. Lekin sun'iy intellekt hammasini barbod qilishi ham mumkin va buning yuz berish ehtimoli 20 foizga teng, deydi Mask.

Behzod Mamadiyev (Vashington Kundaligi)

@maqola_bor | Qaynoq maqolalar olami

Introducing OpenAI o1

19 0 1

Qaynoq Maqolalar

19 Sep, 16:58

📲 Telegram orqali biznes yuritish imkoniyatlarini kengaytirish! 📊

Bugungi kunda O‘zbekistondagi bizneslarning 90% dan ko‘prog‘i Telegram orqali faoliyat olib boradi. Bu platformaning qulayligi va ommabopligi sababli ko‘plab tadbirkorlar mijozlar bilan tez va oson aloqaga kirishish imkoniga ega. Ammo, bu imkoniyatlarni yanada kengaytirish va biznes xavfsizligini ta’minlash uchun qo'shimcha funksiyalar kerak.

💼 Bizneslar uchun qanday yangi imkoniyatlar kerak?

CRM funksiyalari:

Mijozlar ma'lumotlarini boshqarish va ularni segmentlarga ajratish
Savdo jarayonini avtomatlashtirish va xizmat ko'rsatishni tezlashtirish
Moliyaviy va Hisob-kitob funksiyalari:

Moliyaviy tranzaksiyalar monitoringi
To'lov tizimlari bilan integratsiya qilib, buxgalteriyani yengillashtirish
Telegram Business sahifasi:

Facebook va Instagram kabi alohida biznes akkauntlari yaratish
Xavfsizlik choralari orqali bizneslarni kiberhujumlardan himoya qilish
🔐 Xavfsizlik – bu biznes uchun eng muhim jihat. Telegram'ning yangi imkoniyatlari orqali sizning biznesingiz yanada samarali va xavfsiz bo‘ladi.

👉 Siz ham Telegram orqali biznes olib borasizmi? Bunday yangi funksiyalar qanday yordam berishi mumkin deb o'ylaysiz? Fikringizni izohlarda qoldiring!

#Biznes #Telegram #CRM #Xavfsizlik #MoliyaviyBoshqaruv

@maqola_bor | Qaynoq maqolalar olami

16 0 0

Qaynoq Maqolalar

16 Sep, 08:46

“Inbazar”да қандай муаммолар бор?

Кечаги воқедан кейин “Inbazar” арзон кийим дўконлари тармоғини ижтимоий тармоқларда таҳлил қилиб кўрдим ва бизнесдаги қуйидаги бир қанча муаммоларни кўрдим:

1. Биринчи бизнесда HR йўқ ёки бўлса ҳам унинг ўрни йўқ, ходимлар билан ишлашда аниқ белгиланган инструкциялар йўқ. Шунинг учун деярли ҳамма хўжайин.

2. Бизнес эгаси микроменежмент билан шуғулланиб юрибди, у қуйи бўғиндаги ишчиларнинг муаммолари билан юрибди.

3. Компанияда тузукли сайт ҳам қилинмаган, жамоатчилик билан ишлаш умуман нол, бизнес эгаси барчаси нарсага масъул, ўзи чиқиб жамоатчиликдан узр сўрамоқда, қилган ишлари учун ўзини ўзи оқламоқда.

4. Компанияда аниқ белгиланган миссия ва қадриятлар мавжуд эмас, стратегик жиҳатлар умуман эътиборга олинмаган.

5. Калтак еган болага “Спарк” автомобили совға қилинди, ҳалиги уни урган болага эса жиноят иши очтириб 15 суткага қамаб юборилди ва буни компания ижтимоий саҳифаларида ёритиб боришган. Лекин нега “Спарк” совға қилинди, битта уришнинг нархи шунчами? Нега “Малибу” эмас, нега “Матиз” эмас, ундан ташқари хато қилиш компанияда жуда аёвсиз жазоланишини намойиш қилишди, ё калтак ейсан, ё қамаласан, ҳеч қанақасига кечирим йўқ деган нарса компания томонидан очиб берилди. Бу ҳам “Public relations” - PR йўқлигидан далолат.

Хўш, бундай нарсалар бизнесда нега содир бўлади? Нега бизнес эгаси мана шунақа хатолар қилади? Буларнинг асосий сабаби: тизимлашмаганлик. Бизнес тизимлашса, бундай хатолар деярли бўлмайди, ҳатто бўлган тақдирда ҳам улардан жуда унумли фойдаланилади.

Bektosh Xatamov

@maqola_bor | Qaynoq maqolalar olami

17 0 0 1

Qaynoq Maqolalar

10 Sep, 14:07

Izohlar uchun

42 0 0

Qaynoq Maqolalar

10 Sep, 14:06

🎯 Ishga ariza topshirishdagi asosiy muammolar:

1️⃣ "Rezyumeda hamma narsani yozib bo'lmaydi" 😅
Rezyume yozishda koʻp narsalarni qisqa qilib tushuntirish kerak, ammo qanday qilib o‘zingizni yaxshi ko‘rsatish haqida bosh qotirasiz?

2️⃣ "Tajriba kerak, lekin ishni boshlashga imkon berishmaydi" 🤷‍♂️
Bizda ko‘p ish joylari tajriba talab qiladi, lekin tajriba yig‘ish uchun ish kerak! Bu xuddi "tovuq va tuxum" masalasiga o‘xshaydi. 🐔🥚

3️⃣ "Nima sababdan bu ishda ishlashni xohlaysiz?" savoli 🤔
Bu savolga javob berish qiyinmi? Aslida, hamma narsa oddiy: "Oylik va sharoit yaxshi bo‘lgani uchun!" deyish oson, lekin buni professional tarzda ifodalash kerak. 😎

4️⃣ "O'zingiz haqingizda qisqacha aytsangiz"
"O'zingiz haqingizda qisqacha" degan savolni eshitganingizda miyangizdagi qidiruv tizimi qotib qoladi! 🤯

5️⃣ "Meni qabul-qilishlarini so'rayman, lekin ular meni e'tiborsiz qoldirishadi" 😔
Aloqa yo‘q... Siz ariza topshirgansiz, lekin javob kelmayapti. Va yana kutish davom etadi... 📭

💡 Maslahat:

🔸 Arizani diqqat bilan to‘ldiring, ortiqcha narsalarni yozmang, lekin o‘zingizni kuchli taraflaringizni alohida ta'kidlang.
🔸 Har bir ish uchun rezyumeni moslashtiring.
🔸 Ehtiyotkorlik va motivatsiyani ko‘rsating! Harakat qilsangiz, omad ham keladi! 🎉

🔁 Sizga qanday muammolar duch kelgan? Fikrlaringizni yozib qoldiring! 👇

#IshgaAriza #Motivatsiya #IshTopish

@maqola_bor | Qaynoq maqolalar olami

51 1 0

Qaynoq Maqolalar

10 Sep, 14:00

Стандартлаштириш бизнесда сифат ва нарх учун муҳим ҳисобланади. Ҳенри Форд айтган эди: “Мижозлар ўзлари хоҳлаган рангдаги машиналарини сотиб олишлари мумкин. Фақат бу ранг қора бўлиши шарти билан”.

Маҳсулот ва жараёнларни стандартлаштириш ва муваффақиятли чиққан тизимдан доимий кичик яхшиланишлар билан йиллар давомида фойдаланиш бизнес учун ақлли қарордир.

Доимий кескин ўзгариш, янгилик қилиш қимматга тушади. Шу учун ҳам ҳатто Apple кескин ўзгаришлардан қочиб, йиллар давомида кичик ўзгаришлар билан эволюция қилмоқда.

Feruz Allayev

@maqola_bor | Qaynoq maqolalar olami

45 0 0

Магия и Таро

Прокачиваем вашу энергию

Надо было вчера

Qaynoq Maqolalar

Гео и язык канала

Категория

Qaynoq Maqolalar

Qaynoq Maqolalar

Qaynoq Maqolalar

Qaynoq Maqolalar

Qaynoq Maqolalar

Qaynoq Maqolalar

Qaynoq Maqolalar

Qaynoq Maqolalar

Qaynoq Maqolalar

Qaynoq Maqolalar

Qaynoq Maqolalar

Qaynoq Maqolalar

Qaynoq Maqolalar

Qaynoq Maqolalar

Qaynoq Maqolalar

Qaynoq Maqolalar

Qaynoq Maqolalar

Qaynoq Maqolalar

Qaynoq Maqolalar

Qaynoq Maqolalar

9

Популярное в канале

Язык сайта

Магия и Таро

Прокачиваем вашу энергию

Надо было вчера

Qaynoq Maqolalar

Гео и язык канала

Категория

9

Популярное в канале