Mirjahon blog

O‘tmishdagi bir voqea

Bir kishi boshqa bir odamga uyini sotibdi, ma’lum vaqtdan keyin sotib olgan odam o‘sha uy hovlisidan ma’lum miqdorda tilla topibdi

Uyni sotgan odamga olib borib, "oling, bu sizni haqqingiz, men sizdan uyni sotib olganman xolos, tillani emas" debdi. U esa "yo‘q, bu sizni haqqingiz, men sizga uyni ichida nima bo‘lsa hammasini sotganman, undan nima chiqsa ham sizniki" debdi

Xullas tortishib qolishibdi, qoziga borishibdi. Qozi masalani yaxshilab o‘rganib bu ikki odamning birini qizi, birini o‘g‘li borligini aniqlab, ularni nikohlashib, tillalarni ularga hukm qilib beribdi

Ha, taqvo shu darajada bo‘lgan!

Hozirgi zamonda shu holat qanday bo‘lishini tasavvur qilib ko‘rdim 😁:

Tilla topib oladi, ikkalasi ham tortishadi, "meniki, meniki" deb. Keyin bir-birini sudga beradi. Sud esa tillalar davlatniki deb hukm chiqaradi. Davlatga topshirvorishadi

@mirjahonblog

Yo‘ldagi vaqt narxi va qadri

Deyarli hammamizni umrimizning bir qismi yo‘lda o‘tadi. O‘qishga boramiz, ishga boramiz va hokazo...

E’tibor bersangiz hamma yo‘ldagi vaqtini bekor o‘tkazmaslikka harakat qiladi

Kimdir zikr qilib, kimdir yodlaganlarini (Qur’on, hadis, duo, she’r qo‘shiq, dars , ...) takrorlab, kimdir telefonda gaplashib, musiqa eshitib, biror narsa haqida o‘ylab (tafakkur qilib), xayol surib, quloqchinda eshitib (ma’ruza, qo‘shiq, podkast), video ko‘rib ketadi.

Hamma o‘zini vaqtini bekor ketkazmayotgandek his qiladi
Lekin afsus hammani ham vaqti foydali o‘tmaydi

Kuniga o‘rtacha 1 soat vaqtimiz yo‘lda o‘tsa oyiga taxminan 30 soat. Ingliz tilidan oddiy kursga boradigan odam haftada 3 kun 2 soatdan sarflaydi.

Bu esa oyiga 24 soat degani, ingliz tili uchun kursni o‘ziga 24 soat, yo‘lda esa 30 soat. Demak sizni yo‘ldagi vaqtingiz deyarli bitta kursga teng

Narxi-chi? O‘rtcha oylik sifatida 5 mln so‘mni olaylik. Haftada 40 soat oyiga 160 soat bo‘lsin. 160 soat uchun sizga 5 mln to‘lashsa, 1 soatingiz taqriban 30 ming so‘mga teng

Agar kuniga 1 soat vaqtingiz yo‘lda o‘tsa oyiga 30 soat = 900 ming so‘m, agar 1.5 soat yo‘lda o‘tsa 45 soat = 1 mln 350 ming degani

$1000 oladigan xodim bo‘lsangiz, 30 soat = $187, 45 soat = $281 bo‘ladi, xullas o‘zingiz hisoblab olavering

Qanchalik qiymatli, qanchalik qadrli, qaytib kelmaydigan vaqtingizni nimaga sarflayapsiz?

@mirjahonblog

Haqiqiy status

Jamiyatga e’tibor bersangiz ba’zi matohlar status bo‘lib qolgan. iphone, gentra, qaysidir brenddagi kiyimlar va yana qaysidir matohlar

Ba’zi insonlar shu status beradigan matohlaringizga qarab muomala qiladi, ular bor bo‘lsa hurmatdasiz, ular yo‘q bo‘lsa hechkimsiz, shunday tushunchadagi odamlar nazdida albatta

Lekin yana shunday bir status borki butun tarix davomida insonlarga obro‘ e’tibor berib kelgan, u bor yo‘qligiga qarab muomala qilishgan

Bu status - Ilm

Bu qo‘lingizdagi gadjet, atrofingizni o‘rab olgan - ishingizni osonlashtiradigan, kasal bo‘lsangiz davolaydigan barcha texnologiyalar, dorilar, o‘qitish, boshqarish tizimlari, xullas barchasi ilm natijasidir

Biror soha bo‘yicha ilmingiz yuqori bo‘lsa siz kam toifa insonlar qatoriga kirdingiz degani, kam bo‘lgan har qanday narsa/inson qadrli bo‘ladi (masalan qizil kitobdagilar, top menejerlar va hokazo)

Biror soha bo‘yicha ilmingiz yuqori bo‘lsa qadringiz va narxingiz yuqori bo‘ladi. O‘sha status beradigan matohlaringiz bir kun yo‘qolishi mumkin, lekin ilm doim siz bilan.

Atrofga qarang: agar o‘quvchi bo‘lsangiz guruhdagi aqlli o‘quvchi qadri balandligini ko‘rasiz, agar xodim bo‘lsangiz tajribasi, bilimi ko‘p bo‘lgan xodim ishxonada narxi ham qadri ham gapi ham balandligini ko‘rasiz

Avvallari "tahajjudga nechchi pora o‘qiysiz" deyish normal holat bo‘lgan bo‘lsa, hozir "qanaqa telefon ishlatasiz, nechpul oylik olasiz" kabi savollar odatiy savollardir

Statuslarni o‘zingizga to‘g‘ri belgilab oling, atrofingizga shu o‘lchovingizga yarasha odamlar yig‘iladi

@mirjahonblog

#suhbat

- qo‘rqoqlar, haqni gapirolmaydi, imommish yana bular, hukumatdan qo‘rqadi, Xudodan qo‘rqsin undan ko‘ra

- birodar siz-chi? siz bilarkansiz siz gapiring shu haqni

- iye nega men aytarkanman, meni xotinim, bola-chaqalarim bor

@mirjahonblog

Ulamolar nazdida vaqtning qadri

Yaqinda shu kitobni o‘qib tugatgandim. Olgan ba’zi xulosalarim bilan bo‘lishmoqchi edim. Iloji boricha kitob mag‘zini tushuntirishga harakat qildim

Umrimiz kunlardan iborat, bir kun ketdi - bir qismimiz ketdi

Bomdod keyin uxlagan odamni hayotida baraka yo‘q (hatto ba’zi ulamolar "Bomdoddan keyin uxlaydigan tolibi ilmni janozasini o‘qiyver" degan ma’noda gap aytishgan)

Vaqt oltindan qimmat, oltinni yo‘qotsang keyinchalik bir necha baravaricha topa olasan, ammo vaqtni yo‘qotsang topolmaysan

Hozirgi odamlar yashashi kerak bo‘lgan umrning o‘ndan birini yashamoqda

Oxirat uchun dunyoyimdan, qarishdan oldin yoshligimdan, o‘limdan oldin hayotimdan foydalanib qolishim kerak

Biz yo‘lda yurganda ham telefonga qarab ketsak, ba’zi ulamolar yo‘lda yurganda ham kitob o‘qib ketishgan

Ba’zilari ovqatdan vaqtni tejash uchun talqon yegan (chaynash uchun ketadigan vaqt tejaladi), ba’zilariga esa ovqatni yedirib qo‘yishgan, o‘zlari esa yozish bilan, ilm bilan mashg‘ul bo‘lgan

Ovqat yeyishimiz bir ma’noda hayotimiz mazmuni bo‘lsa ulamolar shunga ketgan vaqtlari uchun afsuslanishgan

Ulamolarning bunchalik ko‘p narsalarga ulgurganligi sababi iloji boricha vaqtdan unumli foydalanganliklari, bekorchi amallarni hayotidan butkul chiqarib tashlagani, ilmdan, rivojlanishdan boshqa har qanday narsadan vaqtini tejagani (masalan ovqatlanish)

"Mana bu olim bir kunda 2 soat uxlagan ekan, ana u olim bir kunga 40 daqiqa uxlagan ekan men ham shunaqa qilaman" deb o‘zimizni jonimizni qiynamasligimiz kerak

To‘g‘ri ulamolar kamroq uxlab uyqudan vaqt qizg‘anganlar lekin ular bu darajaga yetish uchun ancha mehnat qilganlar.

Biz natijaga ko‘ramiz mehnatini ko‘rmaymiz, agarda siz ham xuddi shunday maqomga chiqmoqchi bo‘lsangiz shu soha mutaxassislaridan (shifokorlar), ahli ilmlardan buni yo‘l yo‘rig‘ini o‘rganishingiz kerak. Zalga chiqib birdaniga 100 kiloli toshni ko‘tarishdan boshlamaysiz-ku

Yanayam qisqa qilsam:

Bekorchi narsalardan voz kechish

Bomdoddan keyin uxlamaslik

Kamroq yeyish (uchdan biri ovqatga, uchdan biri suvga, uchdan biri havoga)

Aniq maqsad qo‘yib olish (agar maqsad bo‘lmasa, harakat bo‘lmaydi. Dengizda qay tomonga qarab suzishni tanlamasangiz, biror manzilga yetib bora olmay o‘rtada qolib ketasiz)

@mirjahonblog

#suhbat

- endi mashhursan, xo‘sh buyog‘iga nima qilmoqchisan

- endi hammaga aql o‘rgataman

- o‘z sohang bo‘yichami

- yo'q "lyuboy" narsa bo‘yicha

@mirjahonblog

#suhbat

- ona nega hijob o‘ramaysiz? Farz ekanligini bilasiz-ku

- issiqda bolam, toqatim yetmaydi. Qarindoshlar ham unaqa bo'lib qolibdi, bunaqa bo'lib qolibdi deb gap qilmasin qo'y

- agar ayollarni toqati yetmaganida Alloh taolo buni yuklamas edi.

Issiq deysiz, jahannam o‘ti solishtirib bo‘lmaydigan darajada bundan-da issiqroq-ku

Qarindoshlar gap qilmasin deysiz, barchamiz yakkama-yakka hisob beradigan kunda u qarindoshlar uyoqda tursin, ona bolasiga, bola onasiga yordam berolmaydi, hatto payg'ambar o'z farzandiga yordam berolmaydi ona

Sizni juda yaxshi ko‘raman, agar sizga biror dard yetsa buni ko‘rib men ham qiynalaman, azoblanaman. Agar sizga shu amalni bajarmaganingiz uchun azob berilsa man buni ko‘tara olmayman ona

@mirjahonblog

#suhbat

Uylanmoqchiman

- Xullas do‘stim uylanmoqchiman. Yaxshi qiz bo‘lsa, nomahramlar bilan yurmagan, gaplashmagan bo‘lsa, ibodatli, eriga itoatkor bo‘lsa degandim, ilmli bo‘lsa, pokiza, soliha bo‘lsa degandim

- Uylanish yaxshi, lekin san oldin o‘ylab ko‘rchi shu tariflagan qizga san mosimikansan?

Nomahramlar bilan yurmagan, gaplashmagan bo‘lsa dedingmi? O‘zing-chi nechtasini o‘yin qilib yurding, gaplashib yurding, sanab ko‘r-chi, barmog‘ing yetarmikan

Ibodatli, eriga itoat qiladigan bo‘lsa dedingmi? Qara-chi sani Robbingga itoating joyidamikan

shu oxirgi oy nechta bomdodni qazo qilding, sanab ko‘r-chi, barmog‘ing yetarmikan

Ilmli bo‘lsa dedingmi? o‘zing oxirgi marta qaysi kitobni o‘qiding? qachon o‘qiding? eslab ko‘r-chi, eslay olasanmikan

umuman o‘zi nechta kitob o‘qiding, sanab ko‘r-chi, barmog‘ing ortib qolmasmikan

Er kishi bilishi shart bo‘lgan ilmlarni bilasanmi? Hayz - nifos masalalarini, taloq masalalarini bilasanmi?

erni ayoli ustidagi haqlarni, ayolni eri ustidagi haqlarni bilasanmi? xo‘sh... nega jimsan

oila qurishga doir, farzand tarbiyasiga doir, biror kitob o‘qidingmi? yoki eshitdingmi?

oila qurishga tayyormisan o‘zi? yoki faqatgina tanang juft talab qilgani uchun uylanmoqchimisan?

Pokiza, soliha bo‘lsa dedingmi? O‘zing-chi solihmisan, pokizamisan? "Solihasidan, pokizasidan bergin" deb duo qilasan, "mani pokizalardan qilgin, solihlardan qilgin" deb duo qilganmisan? shunday odam bo‘lishga harakat qilyapsanmi?

Kimni xohlaysan-u, o‘zing kimsan. Unutma o‘zing qanday bo‘lsang o‘zingga o‘xshagani keladi

"Nopok ayollar nopok erkaklar uchundir, nopok erkaklar nopok ayollar uchundir. Pokiza ayollar pokiza erkaklar uchun, pokiza erlar pokiza ayollar uchundir." (Nur: 26)

@mirjahonblog

Universitetlar maqsadi!

Mediani kuzatadigan bo‘lsangiz, jamiyatda kumer bo‘lgan akalar 2 xil fikr bildirishadi, bir tomon universitet kerak emas desa bir tomon universitet kerak deyishadi

2 tomon ham ancha tajribali qaysidir ma’noda muvaffaqiyatga erishgan havas qilarli insonlar. Qiziq, nega 2 xil qarash? Tahlil qilib ko‘rdim

1-tomon taxminan quyidagicha fikr bildirishadi:

man universitetda o‘qimaganman

mani diplomim universitetda yotibdi, olganim yo‘q, kerak ham emas

mani diplomim chang bosib yotibdi

va yana nimadirlar

2-tomon taxminan quyidagicha fikr bildirishadi:

universitet sizga bilim emas yo‘nalish beradi

ta’lim sifati yomon bo‘lsa ham ikki zararning kami olish qoidasiga binoan universitetda o‘qimaslik zararidan ko‘ra universitetda o‘qish zarari kamroq ("universitetda o‘qish zarari" deganda ba’zilar buni zarar deb hisoblagani uchun shunday keltirdim, ya’ni: vaqt isrofi, pul isrofi va yana nimadir yomon tomonlari aytiladi)

universitet sizga ta’lim emas "networking" (tanish-bilish) beradi

ko‘p o‘qigan aqlli bolalar universitetda bo‘lgani uchun har xil fikr har xil dunyo qarashlar jamlangani uchun sizning ham dunyo qarashingiz kengayadi

tez chiqishib keta olish, "презентация" (taqdimot) qobiliyatingiz, fikringizni bayon qila olish ko‘nikmalaringiz, paydo bo‘ladi, oshadi

"Innopolis University" da PhD yoqlagan ishxonamiz ishlaydigan bir aka bilan shu masalada gaplashganimda juda ajoyib fikr bildirdilar:

"Universitetni eng asosiy maqsadi "Researcher" (izlanuvchi) yetishtirib chiqarish. Kuchli Researcher-lar o‘ta kuchli mutaxassislar bo‘lishadi, universitetda o‘qigan senior dasturchi bilan universitetda o‘qimagan senior dasturchini farqi bor."

Tushuntirilgan dars va berilgan vazifani orasida yer bilan osmoncha farq bo‘ladi, ba’zan. Keyin izlanishga majbursiz

Gigant kompaniyalar asoschilariga e’tibor bersangiz universitetda o‘qishgan (ha ba’zilari tashlab ketgan, lekin boshida o‘qigan)

Start-up qiladigan insonlar ham ko‘p izlanishi kerak, o‘rganishi kerak bo‘ladi, bunda "researching" skili juda muhim bo‘ladi

Agar imkoni bo‘lsa chet el top universitetlarida o‘qisangiz yaxshi, oltin boshlar bilan birga bo‘lganingiz sizni juda tez o‘stiradi. Qozonga yaqin yursang qoring to‘yadi, yo uzr, qorasi yuqadi degandek ulardan ko‘p foyda olasiz.

Yurtimiz universitetlari haqida esa anchagina tariflar eshitgansiz. Deyarli hamma universitetidan norozi, rozilar kam, hatto Oxford talabasi ham uzi o‘qiydigan joyni yomonlashi mumkin😅

Mahmud Usmon domlarning yoshlarga shu masalaga bergan tavsiyasida quyidagicha aytganlar (ma’nosi):

"Universitetga kirishdan oldin, ko‘p joylarda ko‘ngilli bo‘lib ishlab ko‘ring, qisqa-qisqa muddat bir nechta joylarda ishlang, o‘zingizni qaysi sohada topsangiz o‘sha soha bo‘yicha universitetga kiring, shunda qiziqqan sohangizda ham ta’lim olasiz ham ishlaysiz"

Oliygohni bitirganlarning yarmidan ko‘pi o‘z sohasida ishlamaydi, ba’zilari o‘zi qiziqmagan sohaga adashib kirib qo‘ygan, qaysi sohada o‘zingizni ko‘rsangiz o‘sha yo‘nalishda o‘qisangiz mazada!

Qissadan hissa shuki yoki hissadan qissamidi, xullas xulosa shuki Universitet kerak

@mirjahonblog

#suhbat

- yaxshi odamga o'xshaysan, yurish turishingdan, amallaringdan Xudodan qo'rqishing ko'rinib turibdi

- sen meni yolg'iz qolganimda qanaqaligimni bilasanmi

- yo'q

- unda bunday deyishga haqqing yo'q

@mirjahonblog

Qahramon, lekin...

"Qiziq... Qurol yarog'larga qiziqdim, kamondan otishni, qilich o'ynatishni, ot choptirishni o'rgandim, yaxshi natijalarga erishdim

Harbiy xizmatga bordim, to'pponcha avtomat, snayper, portlovchi qurollarini ham ishlatishni o'rgandim, sheriklarimga nisbatan yaxshiroq natijalar ko'rsatdim, unvonimni ham oshirishdi

Maxsus operatsiyalarda qatnashdim, dushmanni yo'q qilish, garovdagilarni qutqarish kabi ishlarda o'zimni ko'rsatdim, taqdirlashdi, maqtashdi

Tank boshqarishni o'rganib ko'rdim, uddaladim, juda ko'p tank turlarini ko'rdim, boshqarib ko'rdim, otib ko'rdim. Tezligi, zirxi, rusumlarni yodladim, qanday o'q dorilar qanday zirxlarni teshib o'ta olishini, qandaylari teshib o'ta olmasligigacha o'rgandim, ehtiyot qismlarini o'zim bemalol almashtira olardim, buzilsa sozlay olardim

Afsus bularni barchasi vertual olamda, kompyuter o'yinlarida edi"

Deb ayta oladigan bo'ldi hozirgi davrimiz yoshlari (men ham)

Exx...

@mirjahonblog

Pul, mansab odamni o'zgartirmaydi, ular niqob yechadi xolos

©️ Puli ko'p qashshoqlar drammasi

@mirjahonblog

Uzur miyyangizni sal qiynayman

Koronavirus tarqalgan vaqtlarda "Colgate" savdosi oshdi

Hid bilish qobilyati pastroq bo'lgan odamdan boshqalar uzoqroq yurishadi

Normal kanallar: "Biz 10k bo'ldik, hammaga raxmat"
Nakrutka kanallar: "Biz 10k qildik, hammaga raxmat"

@mirjahonblog

#tabassum

Sog'lom hayotga rioya qilmoqchi bo'lib erta soat 22.30 uxlayman deb joyimga yotsam miyyam:
- rostan, seryozni, rostan, seryozni

@mirjahonblog

#suhbat

- kechirasiz birodar, bir savolim bor edi sizga

- ho'sh bering

- parvozimiz 8 soat davom etdi, siz va qizingizni kuzatdim, parvoz davomida ikkingiz ham tinmay kitob o'qib keldingiz

qoyil qoldim, meni nevaram esa shu 8 soat davomida tinmay telefon o'ynab keldi, bizni nevaramiz ham shunday kitobxon bo'lishi uchun nima qilishimiz kerak

- qush uyasida ko'rgani qiladida!

- (xotiniga qarab) onasi kelinimizga aytishimiz kerak ekan, ko'p - ko'p kitob o'qishi kerak ekan

©️ Alisher Isayev

@mirjahonblog

Qish yaxshida

Avratlar yopiladi (lekin ba'zilarga sovuq ham to'sqinlik qila olmaydi olmaydi), bo'ydoqlarga sal bolsada yengillik bo'ladi

Odamlardan yomon hid kelmaydi (terlash kam)

Issiq kunlarda issiqdan mazasi qochganlarni tez-tez eshitib turamiz, sovuqdan esa mazasi qochganlarni deyarli eshitmaymiz

Odam uxlashi uchun normal harorat 20 - 25 C bo'lgani uchun sovuq kunlarda tez uyquga ketasiz, uyqu yaxshi bo'ladi. Issiqda esa uxlash juda qiyin

Chivinmidi pashshamidi xullas chaqadigani asabga tegmaydi

Qish mo'minnig bahori, kun qisqa, ro'za tutish yengil kechadi

@mirjahonblog

#suhbat

Ichki suhbat

Metroda (yoki ko‘chada):

- qara ketvorgani chiqdi, badanlari ham ochiqqina, maza qivol qara, qara, kim bilib o‘tiribdi, tez qara hozir ketib qoladi

- lazzati qisqa vaqt davom etadigan, gunohi abadiy qoladigan ishni qilasanmi? Robbingdan yashira olmaysan-ku

Qay birini gapiga kirish ixtiyoringizda, javobi (jazo/mukofot) albatta bor

@mirjahonblog

Bemor:
- otib tashaaa...

#tabassum

Zamonaviy tashxis va retsept

Qaniydi shunaqa tashxislar qo'yilsa va retseptlar yozilsa:

Bemor! Kasalni ancha o'tgazib yuboribsiz, sizda "raqamli qullik" kasali aniqlandi. Quyidagi retsept bo'yicha barchasini bajarishingiz shart!

- 3 oy tiktok umuman mumkin emas

- 2 oy instagram ishlatmang, undan keyin bemalol reels ko'rmasdan ishlatsangiz bo'ladi, 3oy

- telegram ishlatish ish yoki o'qish uchun kuniga 30 daqiqadan oshmasin, 1 oy

- keyingi oydan telegram bemalol ishlatsangiz bo'ladi. Faqat prikol kanallar, kino kanallarga kirmay turasiz, 4 oy

- youtube uchun kunlik limit 1 soat, faqat ilmiy kontentlarni ko'rishingiz mumkin, qanaqadur prikollar, kansertlar, kliplar mumkin emas, 4 oy

- boshqa ijtimoiy tarmoqlar esa kuniga 30 daqiqadan oshmasin

- pubg yoki shunga o'xshash o'yinlar esa 1 yilga umuman mumkin emas, do'stlaringiz o'ynasa tomosha qilish ham mumkin emas, agar jaa humor tutib ketsa uyda bobo yoki buvingizni nokia telefonini olib kuniga 10 daqidadan "Iloncha" o'yini o'ynasangiz bo'ladi

Agar shu aytganlarimni vaqtida 100% bajarsangiz, Xudo hohlasa kasalligingizdan to'liq halos bo'lasiz

@mirjahonblog