علّمتنا الدِّين ثورة
وثورة مو بالسيف تبدي
الثورة تبدي بابتسامة

وعلّمتنا الدِّين رحمة
وانحناءك بالسجود
هذا أوّل انحناء يسوّي للدِّين استقامة

شگد لعد شفّاف دينك
من ينقذه خويط ناعم
أنعم من خدود جامة

مو الدِّين اللي يُحدَّد باللّحايا
وبقصر طول البجامة

يا مُحمَّد
إنتَ أوّل شخص واعي
قبل لا تبني معابد قرّرت تبني كرامة

وصح يتيم إنتَ، ولكن
من كثر ما خير بيها
والله من تنفضها ليدك
تنترس گاعك يتامة

وين نلگه إنسان مثلك
نبي وتحرسه حمامة!