Сябры, віншуем вас з надыходзячымі святамі! Жадаем, каб у новым годзе ў вас здзяйсняліся мары, было больш вандровак, а таксама каб ваш прафесійны рост не спыняўся. І мы дапаможам з гэтым. Менавіта таму партал прыёма заявак Гётэ-Інстытута (GAP) будзе працаваць нават у навагоднюю ноч і падацца на MOST+ можна ў любы дзень калядных вакацыяў.

Не адкладайце гэту магчымасць – часу да завяршэння праекта застаецца ўсё меней. Таксама не забывайцеся пра тое, што ваша анкета будзе разглядацца не менш за 2 месяцы. А апошняя дата прыёму заявак – 3-га чэрвеня 2024 года.

Падрабязнасці пра тое, як спланаваць прафесійную паездку вашай мары, чытайце ТУТ.

Праект MOST+ – гэта праграма стажыровак, якая спрыяе прафесійнаму абмену паміж беларусамі і іх калегамі з краін ЕС; фінансуецца Еўрапейскім саюзам і рэалізуецца Гётэ-Інстытутам.