احوالات حضرت رباب (س) در عاشورا و شام غریبان
➖➖➖➖➖➖➖➖➖➖
روز عاشوراده بو بانوی والا مرتبه
حاضر اولدی امتحان عشقه چاتدی منصبه
کِچدی اوز دار و نداریننن قوشولدی زینبه
غم دیارینده یاراتدی گورملی بیر منظره
اوز الینن آغ کفن گیدیردی دیلسیز اصغره
سسلدی عشق عالمینده قالما اکبردن دالا
گی کفن بازار عرفان قویما رونق سیز قالا
گیت سنی اللهه تاپشردم خداحافظ بالا
حرمله گوزلی سنی قویما آخا اشک ترون
قان دولاندا آغزوا سعی ایله گولسون لبلرون
غنچه ی شش ماهه گیتدی تا قوشولسون گوللره
دیدی بیر پیکان اونا قان آخدی یورقون پیکره
اوخشادی آغ قونداقی عیناََ عبای اکبره
باغبانین سینه سینده غنچه دن آخدی گلاب
جان وریب اصغر اوغولسوز قالدی لیلا تک رباب
➖➖➖➖➖➖➖➖➖➖
گون غروب ایتدی قوتاردی روز رستاخیز غم
باشلانب شام غریبان قوزانب قاره علم
بیر یاری یانمش چادردا جمع اولوب اهل حرم
بیر طرفده قورخوشان قیزلار یانب دیل داغلیور
بیر طرفده ایلشیب اوغلی اولننر آغلیور
اول شبده سو پایلاندی بنات عصمته
دولی سو مشکیلری وردیلر زنن اوشاغا
سوسوز بو رسمیدی گورسه سویی گلر قاباغا
سو جامینی اله آلدی اول حمیده لقا
سو مشکینون آچب آغزن اولب اوزی سقا
بویوردی سوز عطشدن اورکلروز سخلار
گلون ایچون بو سودان ایچمسوز اویم یخلار
سویی ایچون سورادان عهدنامه باغلاشاروخ
یریمیز اولسا گئجه صبحه جک بیز آغلاشاروخ
ردیفیله بالاجا قیزلاری ادیب سیراب
بویوک خانملارا تا کی یتیشدی نوبت آب
سو جامین آلدی اله اکبری اولن لیلا
دیدی قویون آپارم من بنی سوسوز بالاما
یارا دییب یورولوب لخته قان دوتوب گوزینی
توکوم دوداخلارنا ایچمسه یویوم اوزینی
باخبدی لیلیه فوراََ سریه مشک آلدی
خیالینه او خانم اوغلی قاسمی سالدی
دیدی سو قسمتیمی من اوغول هارا یتیریم
الیمده تحفه اتاق گورموه سنون گتیریم
عروسوه بو سویی یا کی من بوی آشدی وریم
یوسون قولاغینی تا مرحمه تهیه گوریم
بو یرده وار یری بیر آیری بابیدن دانشاخ
علی اصغر آناسی ربابیدن دانشاخ
➖➖➖➖➖➖➖➖➖➖
خرداجا قزلار گلیب بیر بیر دیاندی نوبته
هاممی اوز سهمین آلب نوش اِتدی گلدی قوته
بیر خانم عورت فقط عطشان قالب سو ایشمدی
او ربــــــــــــابـــــــــیدی گوزی گـــــریان قالب
هر نه قدری زینب اسرار اتدی ایچ سنده رباب
ایچمدی اما سوسوز قالدی عروس بوتراب
سسلدی سوز عطشدن خوشدی یانسون لبلریم
کوسدی مننن بو سوْا خاطر وفالی اصغریم
چوخ منه اوز وْرمیون من حقلییم عطشان قالام
ایچمرم من بو سودان چونکی سوسوز اولدی بالام
لیلی تک منده سرای عشقیده دلدادییم
اصغریم قانه باتاننان اولمگه آمادییم
➖➖➖➖➖➖➖➖➖➖
گوردی زینب آیری بیر عالمده سیر ایلور رباب
ناگران اولما بالوننان نالون عرشه اوت سالی
ایندی جنّتده ننم زهرا اونا لای لای چالی
چخما بو دفعه سوزومنن زینبی اِت فیض آب
گل سنی زهرا بیر آز سو ایچ سوسوز قالما رباب
گوردی کی چخسا بو آددان عرش داور تیترییر
یــــــِــر اَسر قاننی عباده نئش اکبر تیترییر
آغلیار غــــیـــرتــــلــــی سقا قاننی اللر تیترییر
((زینبون سوزینن چخمادی سویی چکدی باشنا))
➖➖➖➖➖➖➖➖➖➖
حضرت رباب (س) خطاب به حضرت زینب (س):
واردی بیر گیزلین سوزوم دیلده سنه فاش ایلرم
بو سویینان سینمه صود گلسه الله نِیلرم
علتی واردور کی تیتری اللریم
سو ایچن وقتدن خانم نی تک سزللی دوشلریم
صود گلیبدی سینمه ای کاش اولیدی اصغریم
➖➖➖➖➖➖➖➖➖➖
پاسخ حضرت رباب(س) به سوال حضرت زینب(س) در مورد رویایش:
گوردیگیم رویانی یا زینب بو گوزلردن اوخی
هوشه گیتمیشدیم ولی بیلمیدی قیز لارین چوخی
گوردوم اصغر گورسَدِی پیغمبره اوچ پر اوخی
قلبیمی اصغریم اولسیدی غمیم بولمزدی
بو صودیم گر دونن اولسیدی بالام اولمزدی
https://telegram.me/joinchat/BQ1CKT3x959rXnaj_Kjibw
