#مبادرة_أفتح_باب_بيتك_لأخوك

الفكرة كالآتي
أي زُول عندو شقة زايدة أو بيت زايد حتى لو غرفة أو اتنين
وحاسي إنك حتقدر تساعد بيهو أُسرة من متضرري السيول والأمطار في الفترة التلاتة شهور دي
والله يا أخوااانا في كتير من الاطفال وكبار السن حالياً هم ما لاقين حتة ينومو فيها ولا عارفين ليهم ملجأ وحتي الرجال هموهم كترت والحريم غلبهم البعملنو💔
ومن ناحية أخرى في كتير من الشِقق والبيوت الما مسكونة ومقفولة بالشهور والسنين ليه نخليهم فاضيين وغيرنا ينومو ف الشارع💔
الفترة المطلوبة من صاحب العقار كلها تلاتة شهور بس
والرسول الكريم قال ( من نفَّس عن اخيه كربتةً من كُرب الدنيا نفس الله عنه كربتةً من كُرب يوم القيامة) فما بالك لو آويت زول إضطرتو الحياة فجأة إنو يلقى نفسو بدون بيت
كل المطلوب منك إنك تتصل لينا في الرقم دا 0963402659 وتحدد لينا مكان الشقة بتاعتك أو البيت بتاعك ونحن حنقوم بالباقي

نحن يا جماعة والله ما لينا غير بعض ، ودا الوقت المفروض نتكاتف فيهو ، حزينة والله ناس عايشة حياتها عادي ، وناس بالجمبة التانية غرقانين💔