وأنا نقلب فـ قروب فيس شفت بوست بعنوان " سيبتو بعضڪم ليش " خشيت بنعلق ونڪتب ماڪنش يستاهلني ولا يستاهل تضحيتي على خاطره ولا حتي محاوله جديده ڪان غبي وضيعني من أيده ، قبل ما نڪتب الڪومنت اختي الصغيره بڪت فمشيت شفتها ، رديت للـ فون وجيت نڪمل وطلعلي التعليقات الجديده شفت تعليقه من ضمنهم قلبي دق بسرعه وحسيت رعشه بجسمي ، طلعت انا وياه فـ نفس القروب تعليقه ڪان " الساعه 12 الليل كانت أخر رساله منها بعتتلي الرساله ومسحتها ولما ناضت لقتني مدايرلها حظر ، هي معش تقدر تتحملني ،وجعتها وقلتلها كلام هلبا بس هيا عادرتني لانها تحبني ڪـانت مقهوره مني وڪان خاطرها اني نتمسك بيها ، وأنا ڪنت هبل وشايف روحي عليها عشان ڪنت ضامنها وكنت عندي غيرها ڪنت نزعل فيها هلبا وبڪلمه نرضيها وحط فـ تعليق قلب مڪسور 💔 ، وڪنت متأڪد أنه مهما زعلت مني حـتحن وتردلي هيا مكنتش تتوقف نديرلها حظر هكي ، ع قد ما غلطت ڪانت تسامحني أنا عرفت قيمتها بجد " قريت تعليقه ست مرات شويه ، في ڪل مره نقرا تعليق قلبي يوجعني ، أستحقرت روحي إن ڪنت منزله من نفسي عشانه وڪيف ڪنت غبيه وڪيف ڪان ضامن وجودي ، مڪملتش تعليقي وقلت مفش داعي نعلق وفـ نفس القروب فـ الليل نزل بوست تاني بعنوان "مذڪرين ع بعضڪم شنو " ، ضحڪت وجربت نڪتب عليه علقت وتعليقي " ڪان يحب اغاني الراب هلبا ويحب سنفارا ويحب يسمع اغانيه هلبا ، ڪان يحب ديما يدخن وكل مايتعصب يدخن ، وديما الولاعه في جيبه ومفتاح الحوش وسيارته في رقبته ، يحب يلبس ويحب يدلع روحه يخدم الصبح بس يروح يدوش ويلبس ويساوي روحه ويطلع على مأنه كان يتعب في خدمته بس مستحيل يهمل روحه ، يحب نظافه ههههه لين مرات يحسس فيا مش نظيفه كل مانبدا نهدرز عليه يقولي بندوش كل يوم يدوش وحفظت حتى وقت الدوش نتعه ، وڪان ديما مايسهرش هلبا لي درجة عودني على قلت السهور وخلاني نرقد نبدا حتى قبله ديما يقولي شن حببك فيا اني ماننحبش وهوا كله على بعضه ينحب ، هو ڪان مختلف هلبا مختلف على الناس كلها احلى وارجل شخص تشوفه عيني بس هوا كسرني "وبعد شويه جاني اشعار بإن في حد رد ع تعليقي والرد ڪان منه هو قلبي وقف في وقتها وصرتلي رعشه شعور غريب ورده عـ تعليقي " ڪانت حساسه هلبا وابسط شي يبيڪها ، ڪانت تحب ديما تسمع صوتي وڪل منڪلمها نقولها شن تديري تقولي نأڪل ، ڪانت تحب تسمع أغاني الراب وتغني هلبا وصوتها حلو وتحب الروج الاحمر وتحب الزمالطو هلبا ڪانت تحب تلبس العبايه لان نقوللها طالعه عليك تهبل ، وڪنا ديما تسمع في كلامي ونقنع فيها بسرعه ، ڪانت متحبش تخليني نلبس الالوان مش مانلفتش نظر حد ، ڪانت ديما تحب تضحك وديما تضحك من قلبها لي درجة لما تزعل مني نقولها خيررك تضحكلي وديما تحڪيلي شن دارت وشن بتدير وين مشت ووين بتمشي ، كانت تحب الاصفر ومافي حد يعرف قصة الحب يلي بينها وبين الاصفر غيري ڪنت لما نحڪي معاها ننسي همي ، حنڪون سعيد طول عمري لو سامحتني "مع انه عارفها طيبه وتحبني مستحيل تزعل مني وفيسع ماتسامحني قعدت نشوف لي تعليق ونقرا فيه اكتر من مره لين سكرت تليفوني قلت شن جابه توا اني مانسيته الا بعد جهد شن رجعه توا وماقدرتش نكلمه ماقدرتش نرد عليه مسحت تعليقي وفته وكان هدا اول موقف واول صدفه تجمعني بيه بعد فراق💔؟
