Ro'zimurodov Nodirjon || Personal Blog

Lavozimingizni oshirishningiz, yani promotion olish uchun buni bilishingiz shart.

Ish xonangizdagi hamma loyihalarning o‘rni bir xil emas. 

Qaysidirlari juda muhim - bajargan inson hammaning nazariga tushadi, mijozlar rahmat aytadi, kompaniyaga pul keltiradi va hokazo.

Qaysidirlari esa o‘rtacha darajada muhim - kimdirlarning nazariga tushadi, biror kishi rahmat aytishi mumkin ha hokazo.

Qaysidirlari esa umuman muhim emas - hech kimga ko‘rinmaydi, hech kim rahmat aytmaydi va hokazo.

Mening oldingi strategiyam menga berilgan ishni zo‘r qilish edi. Menejerdan ish kelishini kutar edim va berilgan ishni juda zo‘r qilishga harakat qilar edim. Yaxshi ishlayapman-ku, meni shuning uchun rag‘batlantirishlari kerak deb o‘ylar edim. Lekin bu noto‘g‘ri strategiya. Ming zo‘r ishlaganim bilan, uncha muhim bo‘lmagan loyihalar ustida ishlasam, men qilayotgan ishlarning ta’siri sezilmaydi.

Menejer menga ish berishini kutish xuddi karyeramni uni qo‘liga topshirib qo‘yayotgandek tuyulishni boshladi. Bu esa albatta noto‘g‘ri. Karyeramda o‘sishni o‘zim boshqarishim kerak. Bu o‘zimning qo‘limda.

Boshqa strategiyaga o‘tdim.

Jamoamiz qilayotgan ishlarni yaxshilab o‘rganib chiqib, eng keraklilarini o‘zim uchun belgilab qo‘yadigan bo‘ldim. Hozirgi qilayotgan ishim tugashiga shu muhim bo‘lgan loyihalardan berishlarini so‘raydigan bo‘ldim. Natijada men qilayotgan ishlarning ta’siri sezila boshladi va bu bir nechta promotionlarga olib keldi.

Bu strategiya ish berishi uchun esa albatta menejer sizga ishonishi kerak. Uning ishonchini qozonish uchun esa karyerangiz boshida ishingiz qanchalik zerikarli va ahamiyatsiz bo‘lmasin, uni yuqori darajada bajarishingiz lozim bo‘ladi.

@jakhonrakhmonov

Microservices are evil 👿

Ha, to'g'ri o'qidingiz. Mikroservislar yomon. Ular dasturchilarning samaradorligini tushiradi, juda sekin ishlay boshlashlariga sabab bo'ladi, kodni qiyinlashtiradi va sekinlashtiradi. Undan tashqari yana bir qancha muammolar olib keladi. Mikroservislar hech qachon monolitlarga tenglasha olmaydi bu jihatdan.

Lekin nega unda Mikroservislar shuncha haypga sabab bo'ldi? Nega hamma ularni ishlatishga, o'rganishga harakat qiladi?

Sababi bitta: boshqa yaxshiroq iloji yo'q.

Siz qilgan produktning foydalanuvchilar soni ko'paygan sari, severlaringizga yuk oshgan sari, siz qurgan produktingizni bo'lishga majbur bo'lasiz. Monolitngizni mikroservislarga bo'lasiz. Bitta katta ma'lumotlar bazasini bir nechta kichikroq bazachalarga bo'lasiz. Ha, aytganimdek ular ishingizni juda ham qiyinlashtiradi. Lekin sizning yangi millionlab foydalanuvchilaringiz sizning produktingizdan foydalanishda davom etishadi.

Bitta muammoni ikkinchi muammo yordamida yechgan bo'lasiz. Bu holatda ikkinchi muammo (mikroservislar) birinchi muammodan (produktingiz yukni ko'tara olmay, ishlamay qolishidan) kichikroq. Hayot davom etadi.

Bu holatni huddi Saraton (Rak) kassaligi va uning davolash usuliga, yani Kimyoterapiyaga solishtirsa bo'ladi. Kimyoterapiya ham odam organizmi uchun juda juda juda katta zarar. Nega unda dunyo bo'ylab aynan shu usuldan foydalaniladi?

Sababi bitta: boshqa yaxshiroq iloji yo'q.

Bitta muammoni ikkinchi muammo yordamida yechgan bo'lasiz. Bu holatda ikkinchi muammo (Kimyoterapiya) birinchi muammodan (Saraton kasalligidan kelib chiqqan o'limdan) kichikroq. Hayot davom etadi.

Tushindingiza? Mikroservislarni faqatgina majbur bo'lganda ishlatish kerak.

Ba'zi bir dasturchilar va kompaniyalar haypga berilib, 10ta foydalanuvchisi yo'q bo'lgan produktlarini mikroservislar yordamida qurishni boshlashadi. Natijada dasturchilar juda sekin ishlashadi, kodda xatolar ko'p bo'ladi, o'zgartirish juda qiyin bo'ladi. Pul olib keladigan foydalanuvchilar yo'q, lekin millionlab foydalanuvchisi bor produktlarda bor bo'lgan muammolar bor. "Worst of the both worlds" deyiladi ingliz tilida. Borib borib korxonada pul qolmasligi mumkin, yoki tezroq ishlaydigan raqib kompaniya bozorni egallab qo'yishi mumkin. Chunki ular mikroservis ishlatmaganda boshidayoq.

Hype Driven Development yaxshilikka olib kelmaydi odatda.

O'zi asli kodni o'zi bu "evil". Iloji boricha kodsiz hal qilgan yaxshi ishlarni. Kodni faqat majbur bo'lganda yozish kerak.

@jakhonrakhmonov