*د هِجر سخته شپه وه*

د هِـجـر سخته شـپـه وه، او جانان رانه جدا ؤ
پـر زړه مې سـره لمبه وه، او جانان رانه جدا ؤ

فراق یې وم ځپلی ، او له زغـم یې غـم ؤ وتی
سلګۍمې سم په خوله وه اوجانان رانه جدا ؤ

یادګار یې راسـره وو ورتـه ورو ورو ژړېــدمـه
یتیمه تــرې حــجـــره وه، او جانان رانه جدا ؤ

ده درد تبې نیولی وم هرڅه نه مې زړه مات و
رُخصت وو پنج شنبه وه، او جانان رانه جدا ؤ

یادګار یې راسره وو کلک مې زړه پورې نیولی
تــیـاره وه انـدېـښـنه وه، او جانان رانه جدا ؤ

سلګیو د ارمان غېږې تــه وړلــمــه *(نـوري)* بیا
سـتـونځمنه هـا شېبه وه، او جانان رانه جدا ؤ

*عمر نوري*

https://t.me/noori0343