#تريند
هذه اخر رساله ارسلها شاب لي الى خطيبته قبل وفاته في الحرب الاخيرة

طفلتي، بنتي البريئة، صغيرونتي السمحة ،آسف ،عارفك حدوري عليا ،و بتسألي عليا الناس اللي يعرفوني، وبتنشغلي زي عادتك، و بتبكي، لاكن ع غير العادة صحابي ما ردوش عليك ، ومافي حد قالك ويني، ولا شن صاير معاي، ع غير العادة اني ما اتصلتش طمنتك، ما حضنتش بنتي ومسحت دموعها ما ضغطش ع يدك وقتلك خليك قوية مرات يصيرولي مواضيع ونغيب ومانحكيش معاك،
هذا كله ماصارش ولا، ههي امسحي دموعك عارفك غارقة بينهم ،خليك قوية زي حبيبك وبوك وخوك ،وبطلك ، ههي اقري كويس، و افهميني، اني ظلمتك وقسيت عليك، و بكيتك، وجرحتك، و زعلتك، و درتلك هلبا حاجات كنطاتك، عارف روحي غالط، واللي بتقريه توا ح يبكيك ، آسف مدللتي مش بيدي،
في مرات نغيب عليك ولا، ماكانتش عندي خدمة وغيرها كنت في مكان مش كويس،
اني مشيت في طريق غلط، متزعليش مني، مش ذنبي، اني محتاج فلوس يا أم صغاري، وفي ولاد حرام لعبو في عقلي، والشيطان غرني، و مشيت في هالطريق السودا، وماقدرتش نطلع منها، خشيتلها باش نكمل الحوش ونتزوجك بسرعة، الفلوس غروني يا بنتي،
نمشي للجبهة مانعرفش ح نطلع منها ميت ولا حي، نشد سلاح بنقتل مانحسش بذنب، اي شيء نديره عشانك مش خسارة، الموت ولا نوريك ضعفي،
اليوم أني مضايق هلبا وحاس روحي اخخيه ،
الرساله هادي جهزتها اليوم، ولما بتوصلك معناها اني مشيت لمكان بعييييد، مشيت للسماء فوق يا بنتي، يلا عااد اششش ماتبكيش اني بنتعذب هكي ،خلاص اني مشيت لمكان نقدر نحبك فيه من غير لا نجرحك لا نبكيك،
نحبك وماعمريش فكرت نخونك تعرفي انتي،
آسف نبيك تسامحيني، ديري بالك على قلبك لان بنسكن فيه توا ومعاش بنطلع منه بكل،
نعشقك حتى واني تحت التراب،
تعاليلي في مكاني واحكيلي شن صار معاك في كل يوم،
ابتسمي وعيشي حياتك يا حياتي، اسف ❤️