#‍QIZĜALDOQ.

Kuz yomgʻir ostida abadiy qolsam,
Bugun hayot boʻlib ertaga oʻlsam.
Bir kun oq matoga oʻralib ketsam,
Oʻlsam qabrim uzra ochil Qizgʻaldoq.

Qiynadiku gʻamlar girdobi mani,
Endi qarindoshu birodar qani.
Qidirsangiz arshdan toparsiz mani,
Oʻlsam qabrim uzra ochil Qizgʻaldoq.

Koʻksimga bargingni malham qilasan,
Insonlar yigʻlatdi sen kuldirasan.
Hech qursa oʻzginang yoʻqlab turasan,
Oʻlsam qabrim uzra ochil Qizgʻaldoq.

Ustimdan quvonib kulganda gʻanim,
Tuproqga qorishib ketsa bu tanim.
Oʻlsam eslarmikan sodiq doʻstlarim,
Oʻlsam qabrim uzra ochil Qizgʻaldoq.

Vadalar qolsa gar oʻzni kuchinda,
Ollohga yolvorsam Bomdod Peshinda.
Jasadim ketganda tobut ichinda,
Oʻlsam qabrim uzra ochil Qizgʻaldoq.

Yolgʻiz oʻzginanga parvona boʻlay,
Oʻlsam gar yodingda bir umr qolay.
Oʻtinchim bagʻringda bir nafas tunay,
Oʻlsam qabrim uzra ochil Qizgʻaldoq.

Ishon sendan oʻzga malhamim yoʻqdir,
Soʻylasam yurakda dardlarim koʻpdir.
Sulaymonni boshqa armoni yoʻqdir,
Oʻlsam qabrim uzra ochil Qizgʻaldoq.

Muallif: #Sulaymon_Sulton

2013

https://t.me/olis_manzillar_16