Qodirxon Isroilov

#iqtibos

“Bolalar nimani o‘rgatmoqchi ekaningizni eslab qolishmaydi. Ular sizning kimligingizni yodda saqlaydilar”.
Jim Xenson

@ommaviy_gap

Ulgurish kerak...

Alloh har kimga har xil umr bergan.
Kimdir 35 yoshida so'ngi daqiqalarini yashayotgan bo'lsa, kimdirni 60 yoshdan keyin ham yana 20 yili bo'lishi mumkin.

Lekin insonning tiriklik chog'ida qiladigan ishlarining salmog'i uning qancha yashaganiga qarab emas, qanday yashaganiga qarab o'lchanadi.

Orzular ko'p, niyatlar yaxshi, maqsadlar katta ammo ulgurishga vaqt yetadimi?
Hamma gap shunda.

Hech kim o'ziga berilgan umr qancha ekanini bilmaydi, shuning uchun yana yuz yili bordek yashash to'g'rimi?

Keksalaringiz bor, yaqinlaringiz bor, ota-onangiz bor hammasini bugun qadrlang, mehringizni bugun bering. Katta bo'lsam u oberaman, bu qiberaman emas bugun kichik bo'lsa ham boringizni bering, chunki siz katta bo'lishingizni ular kutolmasligi mumkin.

Kimdir otasiga 30 yoshida eng yaxshi mashina, eng chiroyli uy sovg'a qilib 35 yoshda vafot etishi mumkin.
Kimdir 50 yoshda ham bitta velosiped olib berolmasligi mumkin.

Albatta qaysidir tong yoki qaysidir tun ularsiz yashashga majbur ekanligingizni ko'rsatib beradi.

Shuning uchun ko'p yashashning o'zi yetmaydi, ulgurish kerak.

Ulgurish uchun esa harakatni ertaroq boshlang.
Aks holda ko'p narsaga kech qolasiz.

(Bugun bobom bilan 2 soatdan ortiq mazza qilib suhbatlashdik. Men faqat ularni eshitdim. Oqargan soch va soqollar, ajinlar tushgan yuzlar shunchaki yoqimli.
Qachonlardir ular faqat meni eshitar edilar.)

@ommaviy_gap

#iqtibos

“Biror kishiga biror narsani o‘rgata olmaysiz, unga buni o‘zida topishga yordam bera olasiz, xolos”.

Galileo Galiley

@ommaviy_gap

Sen bashang libosga hirs qo'ygan banda,
Men faqir bir zotman, egnimda kanda.
Ammo ikkimiz ham ohirat tomon,
Baribir ketajakmiz bir hil kafanda.

Bugungi kun barchamizga hayrli va barokotli bo'lsin.

@ommaviy_gap

#iqtibos

Ilm bergan rohatni hech qanday modiyyat berolmaydi.
Shuning uchun odamlar mol-dunyo sarflab ilm oladilar.

@ommaviy_gap

Тарихни ўрганинг, жамиятдаги барча муаммоларнинг ечими тарихда мавжуд. Тарихни билмасангиз, сизга ҳар қандай инсон раҳбарлик қилиши мумкин!

КАТТА МАНСАБЛАР, 17 ҚОП ОЛТИН ВА АЯНЧЛИ ЎЛИМ

Манғитлар сулоласининг сўнгги вакили – амир Саид Олимхон (1881–1944) Россияда таҳсил олган ҳарбий бўлса-да, ХХ асрнинг бошларидаги дунёда кечаётган жараёнларга бефарқ қаради. Амирликда ислоҳот ўтказиш, «ёш бухороликлар» билан муросага бориш ўрнига саройда маишат билан шуғулланди, жадидларни таъқиб қилди. Атрофига эса ўзига садоқатли бўлиб туюлган, аслида фосиқ ва золим амалдорларни тўплади.
Шундай тоифа амалдорлардан бири – хазиначи Имомқул эди. Ўша вақтда амирлик хазинаси дунёдаги энг бой молиявий маскан бўлиб, Имомқул ихтиёрида 40 нафар хазиначи бўлган.

Имомқул амир Абдулаҳад даврида саройдаги энг паст даражали ходим бўлиб, шаҳзода Олимхоннинг ишларига ёрдам бериш билан машғул эди. 1910 йилда отасининг ўрнига тахтга чиққан Саид Олимхон ишончини қозонган, маишатпарастликда айнан ўзига ўхшаш бўлган Имомқулни дастлаб Қаршига ҳоким этиб тайинлади.

Қаршининг сулув қизларини, халқ бойликларини солиқ йиғиш баҳонасида Бухорога жўнатиб турган (табиийки, ўз улушини олиб қолган ҳолда) Имомқул кўп ўтмай, саройга ишга олинди. Энди у кимсан – худайчи ва хазиначи лавозимини эгаллаган эди.
Фитратнинг ёзишига кўра, «Бу жоҳил ва беҳаё киши фақат хазиначилик вазифаси билан қаноатланмади. У Олимхоннинг нодонлиги ва иродасизлигидан фойдаланиб, мамлакатнинг барча ишларига ўзининг ифлос қўлини чўзди. У катта-катта мансаб ва амалларни тақсимлар, амирнинг инъом ва эҳсонлар рўйхатини тузар, қозихона ва шариат ишларига аралашарди. Имомқул амалдор ва ҳокимлардан ҳисоб талаб қилар, амирнинг айш-ишрат, турфа хил мажлисларини ташкил этар, ҳарбий ишларга ҳам аралашиб, ҳатто, уруш режасини ҳам тузарди».

Ана шундай фисқу фасодлар эвазига бойиган Имомқул ва унинг олампаноҳи Олимхонга тўпланган молу мулки насиб этмади. 1920 йилнинг сентябридаги большевиклар зарбасидан сўнг таназзулга учраган амирлик интиҳосига етди. Амир ва амалдорлар, хусусан, Имомқулга хазинадан ҳам кўра жон ширин туюлиб, Афғонистонга қочиб, ўша ердан паноҳ топишди. Улар Афғон заминига атиги 17 қоп тилланигина олиб кетишди, бошқаси эса большевиклар қўлида қолди.

Дабдабали қўш лавозими, улкан хазинасидан асар ҳам қолмаган Имомқул Афғонистонда ҳам Олимхоннинг пинжига кириб ҳаётини маишат билан ўтказа бошлади.

Аммо, Бухоро халқининг бойликларини талаган, золимлиги эвазига Жаллодбек лақабини олган Имомқулга Яратганнинг ўзи жазо тайинлаб қўйган экан. 1925 йилга келиб, у оғир дард – заҳм касалига чалинди. Беш йил олдин амир саройида гердайиб юрган Имомқул озиб-тўзиб, аъзои баданини яра босиб кетди. Унинг танасидан йиринг оқар, ҳатто, энг яқин одамлари, хотини ва фарзандлари ҳам Имомқулдан ирганиб, қиё боқмай қўйишди.
Олампаноҳи Олимхоннинг ҳам кўзига ишратбоз хазиначиси аянчли кўринганидан уни йўқлаб ҳам чақиртирмади. Шу тахлит амирликнинг Жаллодбек лақабли амалдори ёт элларда аянчли тарзда 50 ёшга ҳам етмай вафот этди.

Умид БЕКМУҲАММАД,
тарих фанлари бўйича фалсафа доктори, доцент.

@ommaviy_gap

#Chirish

Manosi: Mikroorganizmlar ta'siri natijasida buzilish, aynish hodisasi.
Ish, suhbat va shu kabilarni, oʻtirishni buzmoq; bitgan, boʻlib turgan ishni yoʻq qilmoq.

Agar chirish tashqaridan yuz bersa xavf uncha katta emas.
Agar ichkaridan bo'lsa bu juda katta muammo.
Chunki tashqaridagisi ko'rinib turadi va siz o'zingizni tayorlab borasiz.
Ichkarisidagini esa sezmay qolasiz.

@ommaviy_gap

Duo...

Dilimda ne yashirin? Bari tilga ko'chmagan,
Vaqtim ham yo'q borini, sizga etmoqqa bayon.
Balki o'ylarsiz unda, kibr, hasad o'chmagan,
Men bilmam lek Allohga barchasi ochiq ayon.

Har davrda davron bor, keb qolar deb bizga ham,
Yuribmizda manzili, aniq emas yo'llarda.
Yaratganning mehri keng, marhamati cheksizdir,
Biz bilmaymiz baxtimiz qaysi hovuch qo'llarda.


@ommaviy_gap

#iqtibos

“Bolani o‘qitishdan maqsad – o‘qituvchisiz rivojlanishni davom ettirish imkoniyatini berish”.
Elbert Xabbart

@ommaviy_gap

#tõrtlik

Yodingdami sen tug'ulgan on,
Hamma shodon edi, sen esa giryon.
Shunday yashaginki ketar chog'ingda,
Hamma giryon qolsin, sen ketgin shodon.

Bugungi kun barchamizga hayrli va barokotli bo'lsin.

@ommaviy_gap

Bugun 31 yoshga to'ldim.
Har doimgidek meni o'ziga yaqin bilgan yaqinlarim odatdagidek shirinliklar, sovg'alar, kitoblar va dil izhori bitilgan maktublar bilan tabriklashdi.
Quvonchim ichimga sig'maydi, bunday e'tibor va ehtiromdan so'ng bekor yashamayotgandek ko'rinadi odam. Har kungidan o'zgacha, zavq u shavqqa to'la kun(qaniydi har kunim shunday o'tsa 😊).

Bugun men uchun quvonchli kun. Chunki Yaratgan qanchadir millionlar orasidan tanlanganlar qatoriga meni ham qo'shdi va musulmon qilib yaratib qo'ydi.
Har doim bu kunni ko'tarinki kayfiyat bilan boshlab, ajoyib taasurotlar bilan yakunlayman.

Yana aynan shu kun men uchun qayg'uli kun ham bo'lib tugaydi. Bayramona o'tgan kun yakunida yolg'iz qolib o'tgan bir yillik umrimni tahlil qilib ko'raman. Nimalarga erishdim, nimalar qila oldim, nimalarga ulgurdim. Har doim bu hisobotda topganimdan ko'ra yo'qotganlarim ko'proq va azizroq bo'lib ko'rinaveradi.

@ommaviy_gap

She'riyat

Bundan 13 yil oldin oilamizda men sabab og'ir ko'rgulik yuz berdi.
Ota-onasini ishongani, ular qilayotgan orzularni amalga oshiradigan, katta hayotga katta maqsad va katta qadamlar bilan kirib borayotgan men baxtsiz hodisa (yuk avtomashinasi portlashi) tufayli koma holatida shifoxonaga yotib qoldim. Shifokorlar 17 kun davomida bu sog'ayib ketishiga umid yo'q, so'ngi yo'lga kuzatishga tayyor turinglar deb ota-onamga har kuni aytishgan ekan(o'shanda dadam ey Alloh farzandimni nogironlar aravachasida bo'lsa ham qaytib ber deb yig'lagan ekanlar).
Do'stlarim deb yurgan juda ko'p "raqamlardan" o'shanda ayrilganman.
Alloh menga yana qayta umr berdi ammo tanamda menga yot bo'lgan jarohat asoratlari ila qolish sharti bilan.
Men bu dardning jismoniy va ruhiy og'riqlari bilan 4 yil ilojsiz kurashmoqqa majbur bo'ldim(juda qattiq stresga tushib qolgandim,hech kim bilan gaplashmay qo'yganman o'shanda).
Shunda menga eng yaqin insonlarim bilan birga hayotimni yangidan boshlashimga she'riy adabiyotlar juda katta yordam bergan.

She'riyatni kim qanday qabul qiladi bilmadim ammo mening ruhiy tabibimga aylanib bo'lgan. Hozir ham inson tabiatiga hos bo'lgan tushkunlikka tushgan kezlarim ular bilan doim oshno bo'laman.

Bugun men uchun eng quvonchli va shu o'rinda eng qayg'uga soladigan kun hisoblanadi(sababini kechki tomon yozib qoldiraman).

Sen qaydan bilasan balki
yulduzlar,
Menga sirlarini so'ylayotgandir,
Sen qaydan bilasan balki bu
ko'zlar,
Unsiz bir qo'shiqni
kuylayotgandir,
Sen qaydan bilasan balki keng
olam,
Shu mo'jaz qalbimga
bo'ylayotgandir,
Sen qaydan bilasan balki meni
ham,
Kimdir qayerdadir jim
o'ylayotgandir...
A.Oripov

@ommaviy_gap

#suhbat

Kecha bir o'quvchim oldimga kelib, ustoz men sizni nazaringizda qanday o'quvchiman deb so'rab qoldi.
- Yaxshi o'quvchisan, harakatchan, talabchan.
Yana so'radi:
-Ota-onasiga qanday farzand deb o'ylaysiz?
- Yaxshi o'qisang, namunali harakter egasi bo'lsang, albatta yaxshi farzand bo'lsang kerak.
- Yo'q ustoz aslida yaxshi o'quvchi ham, yaxshi farzand ham emasman. Faqat sizni oldingizda o'zimni shunday ko'rsatishga harakat qilaman holos.
- Mayli shuni o'zi ham sanda yaxshi odam bo'lish uchun harakat boshlanganidan darak beradi.
Yaxshi orzu, niyat va harakatni to'xtatma.

Suhbat tugadi, u yonimdan ketgandan so'ng hayolimga kelgan birinchi fikr:

-Ayrimlar shuni ham uddalay olishmayabti.

@ommaviy_gap

Bugun @novdaschool o'quvchilari bilan Respublikada hududi bo'yicha eng kichik ammo iqtisodiyoti bo'yicha yaxshigina o'rniga ega Andijon viloyatiga tashrif buyurdik.

Hayvonot bog'iga kirib marhum shoirimizning ushbu satrlari yodimga tushdi.

Hayvonot bog'ida jayroni ko'rdim,
Tutqunlikda dili vayroni ko'rdim.
Ko'rdim quruq shohda sayrar to'tilar,
Yig'lamsirab tovush qayrar to'tilar.
Qanotdan ayrilib qilar pardozlar,
Osmonida endi ucholmas g'ozlar.
Burgutlarni boshi egilgan yerga,
Bulbularni yoshi to'kilgan yerga.
Kaklikni to'shi qon, tumshuqlari qon,
Qumrilarni mayus ko'zlari doston.
Bu dunyo asli hayvonot bog'i,
Mushtoq zorlikka kon boshdin oyog'i.
Bir-birin sanab netarman basda,
Neki go'zal bo'lsa bari qafasda.

M.Yusuf

@ommaviy_gap

#mulohaza

O'rningiz bilinmaydigan joyda o'tiribsizmi,demak vaqtingiz behuda o'tmoqda.

@ommaviy_gap