محتاجه الحنانك اموت اني بمكانك
لتخليني واتروح يعباس يعباس
بعدك شلي بروح يعباس يعباس
محتاجه الحنانك
..............................
يا حلم عمري الحلم فاركته
سكته مرني ومن رحل هم سكته
الكمر بالليل اجه وعاتبته
كتلي اجيب الماي شو ما جبته
يا اغلى الغوالي بعدك هذا حالي
مثل الطير مجروح يعباس يعباس
بعدك شلي بروح يعباس يعباس
محتاجه الحنانك
.........................................
هاذي زينب ياخو زينب عاينلها
حافيه وفوك الجمر تسحك رجلها
ركضت اعله التله واتنادي الكفلها
والشمر بالسوط جاوبها وسئلها
زينب كافلج وين عفته بلايا جفين
يم النهر مطروح يعباس يعباس
بعدك شلي بروح يعباس يعباس
محتاجه الحنانك
......................................
عالنهر اركض يبو الغيره واجيتك
وكون تدري بيا وضع خويه لكيتك
مثل حيدر دمك مخضب لحيتك
يابو فاضل هاذي مو ساعة منيتك
عدمن ودعتني يالبيدك جبتني
عمري خلص بالنوح يعباس يعباس
بعدك شلي بروح يعباس يعباس
محتاجه الحنانك
.......................................
يالجبتني امن الوطن واتكفلتني
انته مو دكيت صدرك من جبتني
ليش نايم وانه محتاره عفتني
ها دخيلك انه زينب معرفتني
يالكلك حميه زينب انه هيه
ادري الشوف مذبوح يعباس يعباس
بعدك شلي بروح يعباس يعباس
محتاجه الحنانك
.....................................
تدري زينب ياخو زينب مو طبعها
بلايه كافل تمشي وبهاذا وضعها
الكسر ضلع امي فاطم والصفعها
هسه شاف اختك يبو الغيره ودفعها
والجانت اميره يبوفاضل اسيره
عليها الشوف مشبوح يعباس يعباس
بعدك شلي بروح يعباس يعباس
محتاجه الحنانك
..........................................
خادم خدمة الحسين
الشاعر
محمد الموالي🌲 دوحة الإبداع الحسيني 🌲

بإدارة معلم المقامات والملحن الأستاذ علاء الفهداوي.

نتشرف بكل خدام الحسين ع المخلصين

كروب للنشر القصائد والألحان
والدروس الخاصه لتطوير الانشاد الحسيني

رابط كروب دوحة الإبداع الحسيني 👇

https://t.me/joinchat/AGWwjj3bQas6di_ZBggXoA

رابط قناة المنشد والملحن علاء الفهد👇

https://telegram.me/pagy007

قناة دوحة الإبداع الحسيني ❤️🍃👇👇

https://telegram.me/alaa66klf