#Bismillah
#N_147

Kichik o'zgarishlar, katta natijalar!

• Juda ko'p hollarda ulkan natijalarga erishish uchun ulkan ishlarni amalga oshirish kerak deya o'zimizni ishontiramiz. Ortiqcha vazndan qutulish, yangi biznesga asos solish, kitob yozish, chempionlikka erishish yoki boshqa maqsad bo'lsin, hammani lol qoldiradigan, tog'ni tolqon qilib yuborgudek ulkan ishlarni qilishga va el og'ziga tushishga o'zimizni majburlaymiz.

Aslida esa aynan kichik o'zgarishlar ko'proq foyda keltiradi, ayniqsa, uzoq muddatli maqsadlarda.

• Kichik yomon harakatlar bittada sezilarli darajada natija bermaydi. Shu sabab biz ularni qilish juda yomon oqibatlarga olib kelishi haqida o'ylab ham ko'rmaymiz. Masalan ingliz tili darsiga bugun bormay mazza qilib uyda dam olsak hech narsa bo'lmaydi,keyingi darsga albatta boraman deymiz. Bugun "zararli taom" yesam hech narsa bo'lmaydi bir martagina deymiz. Telefon kavlab serial ko'rib yotishni dam olish vaqti deb hisoblaymiz. Yomon odatlar ham yaxshi odatlar ham darrov o'zini namoyon qilmaydi, balki vaqt o'tib natijasini ko'rsata boshlaydi.

Mayda noto'g'ri qadamlar oxir-oqibat salbiy natijalarga yetaklab boradi.

• Vaqt yaxshi odatlar sabab do'stingizga, yomon odatlar sabab dushmaningizga aylanadi.

Eng yaxshi natijalar eng oxirida kuzatiladi.

📚 Atom odatlar
✍🏻 Jeyms Klir

🌸 | @liinklar