Qarshi davlat universiteti

#talabalar_xavfsizligi_kuni

Bugun, 25-aprel kuni, "talabalar xavfsizligi kuni" doirasida universitet profilaktika inspektori M.Jabbarov Qalqon guruhi a'zolariga ertalabki yo‘riqnoma berdi. Yo‘riqnoma bo‘yicha Qalqon guruhi a'zolari oliygoh darvozasi oldida jamoat tartibini saqlashda yordam berishdi. Tarix, Iqtisodiyot, Kimyo-biologiya hamda Geografiya va agronomiya fakultetlarida talabalar xavfsizligini ta’minlashga qaratilgan “Tig‘” tadbiri o‘tkazildi.

Shuningdek, universitet profilaktika inspektori, kapitan M.Jabbarov, Fizika fakulteti dekan o'rinbosari F.Muqimov, Yoshlar bilan ishlash bo'limi tyutori M.Saidov tomonidan Fizika fakultetida tahsil olayotgan Qarshi shahar Neftchi, Mahallot MFYlarda ijara xonadonlarida yashovchi talabalar holidan xabar olindi.

🌐 Ijtimoiy tarmoqlardagi sahifalarimiz

✅ Telegram             🌍 qarshidu.uz
💬 Facebook            📸  Instagram

#davra_suhbati

Jadidchilik harakati nafaqat Markaziy Osiyo mintaqasi, balki butun musulmon olami va turkiy dunyo tarixida chuqur iz qoldirgan. Bugun yurtimizda jadidlar faoliyatiga bag‘ishlangan turli ilmiy, madaniy-ma’rifiy tadbirlar o‘tkazib kelinmoqda. 25-aprel kuni Qarshi davlat universiteti tuzilmasidagi Qatag'on qurbonlari xotirasi muzeyida Yoshlar bilan ishlash bo'limi va muzey hamkorligida “Jaholatga qarshi ma'rifat bilan kurashgan mutafakkirlar” mavzusida davra suhbati tashkil qilindi.

Tadbirda buyuk ma’rifatparvar bobolarimiz tomonidan ilgari surilgan g‘oyaviy-siyosiy, ijtimoiy-ma’rifiy va huquqiy-axloqiy qarashlar, jadidlar faoliyatini o‘rganish nechog‘li ahamiyatli ekani haqida so‘z bordi. Tadbirda Yoshlar bilan ishlash bo‘limi boshlig‘i N.Pardaqulov, muzey direktori D.Rahmatova, tyutorlar G.Abdurahimova, E.Meyliyev, muzey mutaxassisi D.Himmatqulova, Pedagogika, Filologiya, Fizika fakultetlarining 70 nafar talaba-yoshlari ishtirok etishdi.

🌐 Ijtimoiy tarmoqlardagi sahifalarimiz

✅ Telegram             🌍 qarshidu.uz
💬 Facebook            📸  Instagram

⚡️O‘zbekiston xalq shoiri Muhammad Yusufni yodga olib...

Yaxshi shoirlar o‘lmaydi. Ularning umri o‘zidan qoldirgan ash’orlarida yashaydi. 24-aprel kuni 10-sonli talabalar turar joyida o‘tkazilgan tadbir yuqoridagi so‘zlar naqadar haqiqat ekanligini anglatdi. Xalqimizning suyukli farzandi, O‘zbekiston xalq shoiri Muhammad Yusuf tavalludining 70 yilligi munosabati bilan “O‘zbekning xalqchil shoiri” mavzusida bo‘lib o‘tgan tadbirda shoirning tarjimai holi, hayot yo‘li va ijodiy merosiga oid savollar asosida bellashuv o‘tkazildi.

Unda talabalar ikki jamoaga bo‘lingan holda bahs olib bordilar. Qizg‘in ruhda o‘tgan bellashuvdan so‘ng jamoalar shoirning kitoblari va tashakkurnomalar bilan taqdirlandi. Tadbir davomida sodda va ravon so‘zlar bilan bitilgan – Vatanga muhabbat, ona madhi aks go‘zal she’rlar talabalar tilida o‘zgacha ohang berib jarangladi. Tadbirda Yoshlar bilan ishlash bo‘limi tyutori Sh.Ashurova, tarbiyachi-pedagog M.Rahmonova va talabalar turar joyida yashaydigan talaba qizlar ishtirok etdi.

🌐 Ijtimoiy tarmoqlardagi sahifalarimiz

✅ Telegram             🌍 qarshidu.uz
💬 Facebook            📸  Instagram

#targ'ibot_tadbiri

Bugun, 25 aprel kuni, Sport, San’atshunoslik va Pedagogika fakultetlari talabalari ishtirokida “Yoshlar o‘rtasida huquqbuzarlik, jinoyatchilik va diniy ekstremizmni oldini olish” mavzusida profilaktik tadbir o‘tkazildi. Tadbirda mavzu yuzasidan rektor maslahatchisi A.Jo‘rayev, universitet profilaktika inspektori, kapitan M.Jabbarov va Pedagogika fakultetining Yoshlar bilan ishlash bo‘yicha dekan o‘rinbosari S.Yo‘ldoshevning mulohazasi tinglandi.

Xususan, yoshlar bilan olib boriladigan ma’naviy-ma’rifiy ishlar samaradorligini oshirish, ular o‘rtasida huquqbuzarlik, jinoyatchilikning oldini olishga qaratilgan profilaktik ishlarni tizimli tashkil etish, turli zararli oqimlar ta’siridan asrash, yoshlarni ona Vatanga muhabbat ruhida tarbiyalash, bo‘sh vaqtlarini mazmunli o‘tkazishni ta’minlashga qaratilgan muhim vazifalar to‘g‘risida so‘z bordi. Tadbir davomida talabalarning qiziqtirgan savollarga atroflicha javob berildi.

🌐 Ijtimoiy tarmoqlardagi sahifalarimiz

✅ Telegram             🌍 qarshidu.uz
💬 Facebook            📸  Instagram

#stajirovka_yakuni

Turkiyaning Ege universitetida stajirovkada bo’lgan Qarshi davlat universiteti professor-o’qituvchilari universitetning markaziy kutubxonasidagi shart-sharoitlar, ko‘zdan kechirishdi, o’z ilmiy ishlari, mutaxasisliklariga mos adabiyorlari bilan tanishdilar.

Fan fakulteti professori, doktor Urfat G. Nuriyev bilan hamkorlikda fan fakultetidagi o’ndan ortiq jurnallar, ulardagi talablar bilan tanishib, “Journal of Modern Technology and Engineering” nomli xalqaro jurnalga “Teaching server software integration to students” nomli maqola topshirildi.

Qarshi davlat universiteti Matematika va kompyuter ilmlari fakulteti dekani, dotsent N.Eshqorayeva, Algoritmlar va dasturlash texnologiyalari kafedrasi mudiri, professor N.Kayumova, Fiziologiya kafedrasi mudiri, dotsent Y.Raxmatullayev, Psixologiya kafedrasi tayanch doktoranti S.Norqobilova stajirovka yakunida xorijda malaka oshirilganlik sertifikani olishdi.

🌐 Ijtimoiy tarmoqlardagi sahifalarimiz

✅ Telegram             🌍 qarshidu.uz
💬 Facebook            📸  Instagram