#اغتصاب_انقذ_حياتي 15 والاخيره
محدش يعلق قبل ميقرا

هبه:وجها تااااعب من البكي...الحمد الله جيت وين راكان
رضوان:ساكت
هبه:رضواان نكلم فيك
صبريه:وين خوك تكلممم
رضوان:نزل راسه
هبه:تبكي وبصوت عااالي....تكللللللم راكاااان وين 😭😭😭😭
رضوان:منعرفش💔
هبه:فنصت فيه...ككيف متعرفش ؟؟؟؟!
صبريه:فيه شي احني منعرفوشي ؟تكلللم
رضوان:سألت عليه الشباب وكلهم شبحوه امس طالع بي سلاحه ومعش شافوه بعدها
هبه:جت طايحه....ياااربي استر ماتخذه مني😭😭😭ساد العذاب يلي عشت فيه يااااربي
ام احمد:هدي روحك يابنتي ان شاء الله خير اهدي
صبريه:قعمزت وقلبها يغغغغلي علي ولدها وتعابير وجها متتفسرش بكل وهبه يلي موقفتش بكي واتصالات بس تالفونه مسكر 💔

هبه:ركبت لي شقتي مش قادره حتا نتكلم وجتني شهد قعدت معاي مهتمه بي نور لاني مش قادره ندير شي وطول الوقت واقفه ع الروشن نستنتى في راكان

هدى:السلام عليكم
ام احمد :وعليكم السلام بنتي اهلين
هدى:عيونها دموع...امي شن صاير وين راكان 😭
صبريه:كانت تحاول تقاوم وتبين انها قوويه ...منعرفش
هدى:كيف متعرفيش بالله عليك وينه😭😭وين اختفى وخي 💔💔
صبريه:ناضت لي دارها وهدى ركبت لي هبه

طق طق طق :-
شهد:فتحت الباب وشادا نور....اهلين هدى
هدى:سلمت ع شهد وخشت ....وين هبه
شهد:في دارها واقف ع الروشن زي كل مره حالها يسخف💔لاماكله لا شراب تعرفي
هدى:قعمزت تبكي ع الصالون...ان شاء الله خير بس
شهد:رضوان وصحابه قالبين الدنيا عليه بس مفيش اي خبر ع قد مسألو
هدى:يااااارب😭💔

🔥روايات بنووتة الشيخ.اروى الطاهر المسلاتي🔥

ترن ترن ترن
هدى:مسحت دموعها ...ها حبيبي
ايهم:تروحي ولا نخليك بايته
هدى:كيف بنبات مسكرتش معاك حتى اسبوعين؟
ايهم:عادي ياقلبي هاذا ضرف الله غالب وان شاء الله يروح راكان سالم
هدى:يارب والله قريب نموت
ايهم:بعيد الشر عليك...خلاص خليك مع امك واهلك وبكرا تو نجيك
هدى:ان شاء الله حبيبي
ايهم:سلامات

هبه:خذيت كرسي وقعمزت ع الروشن نذكر في كل شي من اول يوم شفته فيه لما ركبت السياره ملامحه الجديه متفارقش عيوني كل تفاصيله متغيبش علي بالي اول مره نشوفه يضحك اول مره كلمني فيها يااااارب متحرقليش قلبي ياربي سااااادني😭

هدى:هبه حبيبتي
هبه:نعم
هدى:في ضيوف جاينك
هبه:منو😨
سهيله:هبوش ياقلبي
هبه:رتمت في حضن اختها وبدت تبكي وسهيله تصبر فيها
شهد:ياسرك بكي هبه وتعالي رضعي بنتك حرام
هدى:لالا متخليهاش ترضعها حليبها كله رعاش يأثر ع البنت
هبه:قعمزت تمسح في دموعها وتاااااعبه
سهيله:تبكي ...كنت بنجيك من امس لاكن عندنا حالة وفاه
هبه:منو توفى
سهيله:امس محمود كان ماشي لي مصراته معرصحتبه دارو حادث
هبه:😨😨😨😨مم محمود سلفك
سهيله:اي 💔
هبه:ااااه يارب ريح قلبي علي راكان بس💔

بعد مرور اسبوع:-
هبه:كل يوم حالتها للاسوء💔في نفسيتها وصحتها تبي تطلع ادور ع راكان بس مخلوهاش رضوان قريب يهبل علي خوه مخلى وين دور عليه شهد يلي مفارقتش هبه وحتا ام شهد جت قعدت مع صبريه
صبريه يلي قلبها محروووق ع ولدها بس كانت تردد في جملة انا جبت راجل وربيته تو يرجع

الساعه3في الليل :-
هبه:رقدت نور جنبها وشاده في سورية راكان وساااااارحه
شهد:راقده ع الصالون بعد مكلمت رضوان وطمنت عليه وهدى روحت مع راجلها سهيله قاعده مع هبه بس مقدرتش تقاوم النوم وقعدت طبعا مش زي هبه قلبها محروق ومش قادره تسكر عيونهت

طق طق طق
هبه:بصوت تاااعب..شهد افتحي الباب

طق طق طقط
هبه:نزلت من السرير وهيا مستنده ع الحيط شافت لي شهد لقتها رااااقده قربت ع الباب وفتحاته

هبه:رر ر ركااان😨رااااكان😭😭😭😭😭😭😭😭😭
راكان:حضنها بقووووووه
هبه:حاضناته وتخبط فيه ع ضهره ....وين مشيت وخليتني ووووين 😭😭😭حرام عليك
راكان:اشششش انا جنبك
هبه:بعدت من عليه وشدت وجه راكان بيديها ..انا منحلمش صح راكان انت قدامي منحلمش انا
راكان:شد يديها باسهم....متحلميش ياقلبي انتي ...وحضنها وخشو الشقه
هبه:قعدت حاضنه راكان وتبكي لدرجة ميقدرش يمشي قامها وخش بيها دار
راكان:خلاااص هبه اهدي
هبه:😭😭😭كنت نسحابه خلاص بنخسرررررك معاد بنشوفك وين مشيت وخليتني 😭💔
راكان:مسك يديها وقرب منها...ميهمش وين كنت وشن درت المهم توا معاك ومش رح نسيبك
هبه:حضناته
راكان:رقد ع السرير وهبه في حضنه
هبه:تشم في ريحته وشاده فيه بكل قوتها كأنها لو رخاته رح يضيع منها 💔
راكان:يمسح علي شعرها...حبيبتي خلي ننزل لي امي نطمنها عليا
هبه:لالالا😭مستحيل نسيبك خليك معاي
راكان:ابتسملها وزاد حضنها
هبه:رغم ان خلاص راكان بين يديا وراقده في حضنه بس مقدرتش نوقف بكي بكي بكي منعرفش علاش لين رقدت من كثر التعب والارهاق معش نعلم بروحي

ثاني يوم:✨✨✨
شهد:خشت خذت نور من دار النوم ووقفت ع البار متع الكوجينه ادير في الشيشه طاحة حكة الحليب منها ورجعت قامتها

هبه:فتحت عيوني ع صوت شي طاح قمت راسي يلي كان بيتفجر من كثر التعب لاكن!!راكان 💔😨راكان وين ؟؟؟؟طلعت تجرررري زي الم