Telegram-канал "Шеъристон" — @sheriston

Шеъристон

12 Feb, 23:11

Xonam boʻm-boʻsh. Jimjit. Ayolsiz.
Koʻzlarimni yoshga toʻldiraman.
Goʻyo oʻysiz, goʻyo xayolsiz
Oʻltiraman... oʻltiraman... oʻltiraman...

Oʻldiraman umidlarimni,
Ular yana topaverar jon.
Xotiramda may toʻla qadah,
Qoʻlda esa zaqqum toʻla jom.

Kelmasliging yurakni ezar,
Bezdirib kunduzdan, kechadan.
Bir juft qaysar derazam esa
Sira uzilmaydi koʻchadan.

© Matnazar Abdulhakim

@sheriston

105 1 4 2

Шеъристон

2 Oct 2023, 19:26

MULK

Sen meni kechirgin gaplarim uchun,
Oʻrinsiz soʻzlarim uchun kechirgin.
Sening yuzlaringga boqib tun-u kun
Toʻymagan koʻzlarim uchun kechirgin.

Fikring menikidir, zikring meniki,
Menga taalluqli goʻzalliging ham.
Qolgan barcha mulking, mayli, seniki,
Ayt-chi, nima qoldi oʻzingga, erkam?

Abdulla Oripov

@sheriston

201 0 2 2

Шеъристон

22 Aug 2023, 04:41

TALPINADI, SHUNDAY KULADI
Koʻm-koʻk oʻrmon va tiniq daryo.
Daryo uzra oy ham quladi,
Yer husniga boʻlib mahliyo.

Talpinadi yashil dalalar —
Sovutadi asov otini.
Quyosh shirin oʻylarga tolar,
Bugun yozar gul ijodini.

Sovuq yuraklarga oʻt qalab,
Oʻzi berib oʻziga baho,
Mangulikning nagʻmasi ila
Talpinadi oʻlkada bahor.

Rauf Parfi, “Zangori tovushlar”

@sheriston

248 0 1 2

Шеъристон

20 Aug 2023, 19:37

YIGIRMA IKKI

Onamiz noz qilmasdan tuqqaniga ham shukur,
Jindakkina isteʼdod yuqqaniga ham shukur.

Otamiz bir musht solsa azbaroyi mehrdan,
Burnimizdan halol qon oqqaniga ham shukur.

It qopdi, qoʻchqor suzdi, voy dedik, voyvoy dedik,
Odam emas, hasharot chaqqaniga ham shukur.

Hech yigitdan qolishmay sevdik, alhamdulillo,
Axiyri toleʼ kulib boqqaniga ham shukur.

Gohi yozdik, gohida yozolmay chekdik azob,
Bir dona kitobimiz chiqqaniga ham shukur.

Yigirma ikki yoshga, kirib qoʻydik indamay,
Sheʼr yozish koʻnglimizga siqqaniga ham shukur.

Shohrux Usmonov

19.08.2023

@sheriston

194 0 0 5

Шеъристон

17 Aug 2023, 18:29

Mening sahifam mana bu yerda:

👉🏿https://t.me/usmonosphere

Usmonip

Kitoblar, sanʼat, tarjima, koʻngil, musiqa va hokazo haqida Работаю с Perfluence ! 🌐 Ijtimoiy tarmoqlarda: https://taplink.cc/usmonosphere 🥂 Iqtiboslar: @sanduvoch_uz 💰 Donat qiling: 8600570494891954 🐼 Oʻppa-oʻzim: @shu1108

157 0 1

Шеъристон

17 Feb 2023, 23:35

Men sendan xat emas, xavotir oldim
Bu cheksiz oqshomning bir chekkasida.
Men seni juda oz quvontiroldim,
Men senga juda ko‘p bitdim qasida.

Kim qo‘yib berar bu tuygʻu ismini,
Kim o‘ylab topadi yangi ibora —
Bora-bora tordir dunyo mazmuni,
Faqat shu ko‘zlaring kengdir tobora...

Muhammad Solih

@sheriston

554 0 10 7

Шеъристон

8 Nov 2022, 20:27

Репост из: Jubron Xalil Jubron

Baʼzilar seni oʻzlari uchun sevadilar; men esa seni sen uchun sevaman.

— Jubron Xalil Jubron

@jubronxalil

467 0 2

Шеъристон

29 Oct 2022, 22:09

#instagram #stories

Sen kelasan…
Sel kelganda
Toshgan daryo bo’laman.
Beda ortgan aravaday
Xushbo’ydirman sen bilan.

Sen ketasan…
Men ortingdan
Boqarman cho’l yo’lida
Aravadan tushib qolgan
Xushbo’y beda guliday…

Xurshid Davron

@sheriston

503 0 4