ودوها المستشفي والدكتور قال عندها قصور في القلب كلنا اتصدمنا اتكلمنا مع محمد عسي ولعل يلين قلبو بس قلب محمد كان قاسي رغم انو نحن كلنا عارفين انو بحبها بس م عارفه ليه هو اتغير كده يمكن عشان كلام الناس سهي رقم الادويه بس حالتها بقت اصعب محمد خطب وعرسو قرب سهي حياتها وقفت من لحظتها. مرت الأيام والليله الخميس حنه محمد سهي لبست توبها ومشت ليهم حاولت امنعها بس بدون فايده مشيت معاها لقد محمد ومسكتو من ايدو معقوله كده خلاص قصتنا انتهت وين أحلامنا البنيناها اولادنا مازن ومصطفي و نهى ومها زح ايدها وقال ليها اسف بس البينا انتهى وانا ح ابدا حياه جديده وانتي كمان ي ريت تبدي حياه جديده ضحكت سهي وقالت ليه كيف ابدا حياه جديده وروحي م فيها بس الله يهنيك ويسعدك وطول م انت مبسوط انا مبسوطه ولو مع وحده تانيه وانا مسامحاك من جوه قلبي ي قلبي .
سهي رجعت البيت دخلتها غرفتها ورقدت في السرير وودعتها ومشيت بيتنا واريتني م مشيت وخليتها الصباح امها دخلت عليها لقتها راقده ومتغطيه بالتوب نادتها سهي سهي بس م كان في رد قربت منها مسكت ايدها بس كانت ذي التلج امها صرخت ونادت ابوها شالوها وجرو بيها المستشفي بس الدكتور قال ليهم الخبر المفجع سهي ماتت ليها خمس ساعات كانت صدمه م بعدها صدمه جابوها البيت يكفنوها محمد م استحمل الصدمه دخل في حاله م يعلم بيها الا الله كانت صادقه في كلامها كيف تعيش في حياه م فيها روحها .صلاه الجمعه بدل يكون فرحت عقد محمد بقي صلاه جنازه سهي كان الحزن عامي أرجاء المكان بس اكتر حاجه كانت بتقطع القلب الدفتر اللغيناه تحت مخدتها الصفحه الاوله مكتوبه فيها انا ذنبي شنو اني جابوني من المايغوما ذنبي شنو انو م عارفه اهلي منو ذنبي شنو المجتمع ينفر مني هم غلطو طيب هل من المنصف انو انا اتعاقب بغلطتهم؟
سؤال كسرني هز بدني خلاني اغير مجري حياتي اتعمقت في مجال الاجتماع دخلت كورسات بقيت امشي المايغوما اقعد مع الأطفال احاول احس باحاسيسهم بقيت اعمل ندوات ودايما بسئل الناس ذنبي شنو المجتمع ينفر مني هم غلطو طيب هل من المنصف انو انا اتعاقب بغلطتهم ؟