سحگت اللیل
همت وحدي
وعليش تهيم وحدك ؟
سحكَت الليل كله ما لكَيت أحـد
واجيت برآي وتعبت لـ جفن واحد والأحلام هواي
حلم أبيض حلم أحمر حلم أسود
وحسبت هموم سفرة لأمس جان ابعد
شيردني لأمس ؟؟
يابرد .. ياحراس
القطار اينوح بضلوعي
وجرح يغفه
وجرح يوعي
وعرفني الياس
وشبكَـ روحي بحنين من الجرح للرآس
لكَيت الناس ؟؟
شفت اهواي ناس ومالكيت الناس
ترد وياي ؟
تعبت الجفن واحد والاحلام اهواي
ترد ابعد شيردني الـ أمس ياليل ياجرغد
سحكت الليل كلة ومالكَيت أحد
ومن ذبني القطار وهمت چان غروب
شفت شامات چفك على خدود البوب
وشفت گطرات ليلي يطيحن بصفي
وشلت گطرة ظلام ونامت بچفي
ودفت گطره وعفت گطره
ويصب الليل فوگ بيوتكم مطره
وانه المتعوب ادگ يا باب
كل البوب تنسه ويرجع المحبوب
أدك يا باب ؟
يصحى السيسبان وترف بيه ذنوب
أدك يا باب ... صار تراب
أدك يا باب ما ينسد ؟
وكـ شيرد الجهل يا باب يا معضد !!
عرفت البوب كلها وما عرفني احد
وبعد شامة وبعد ليل ورفيف التوت
رسمت عيونكم بأول محطة تفوت
شفت ضحكاتكم ثالث محطة تفوت
علكَت الصور تاسع محطة تفوت
وبآخر محطة شفت ماكو بيوت
صحت چا وين أهلنا وصرت كَطرة بـ ليل
چا وينه الحلم والمن رضينه نموت
اليا حد يانزف ياصوت يامرود
اصيح الليل كله وما سمعني احد
وصرخ بيه الضلام تشوف ؟؟
لا ماشوف
امشي وبالدرب عثرة وبراعم خوف
وينكَط متاعي سنين
ذكرت اول عبايه تعثرت بيها وشبكَني الطين
بعد ماشوف
من عيني لـ سواد الليل كلي جفوف
واديه عيون جاهل غصت بنجمة
أحن لأول عبايه تعثرت بيها وصحت يمه
أنا الضايـــــــع !!
ضفرت الطين كله زلوف
ألم دموعكم من عتبة الجامع
ألم صفصاف ليلي توسد الشارع
ويكَلي تشوف
وك يمعود
يمعود شفت صفصاف أهلنـا يخضر بموكَـد
وحركَت الخوف كلـه وما جويت أحـد


الشاعر عامر عاصی