Saw Ba Maung

မင်္ဂလာနံနက်ခင်းပါ 🙏🙏🙏

ဒီဇင်ဘာလ ၁၈ ရက်နေ့တွင် ထိုင်းအာဏာပိုင်များနှင့် ထိုင်းနိုင်ငံဆိုင်ရာ မြန်မာသံရုံးတာဝန်ရှိသူများက တရားမဝင် ဝင်ရောက်ရန် ကြိုးပမ်းသည့် မြန်မာနိုင်ငံသား ၂၁၉ ဦးကို ကော့သောင်းမြို့သို့ ပြန်ပို့ခဲ့

မွန်ပြည်နယ်ဝန်ကြီးချုပ် ဦးအောင်ကြည်သိန်း မွန်ပြည်နယ်အတွင်း သန့်ရှင်း၍ စိမ်းလန်းစိုပြည်သော ကျောင်းများဖော်ဆောင်ရေး ဦးစီးကော်မတီ၏ ဒုတိယအကြိမ် လုပ်ငန်းညှိနှိုင်းအစည်းအဝေး တက်ရောက်
+++++
၂၀၂၄- ၂၀၂၅ ပညာသင်နှစ်၊ မွန်ပြည်နယ်အတွင်း သန့်ရှင်း၍ စိမ်းလန်းစိုပြည်သော ကျောင်းများဖော်ဆောင်ရေးဦးစီးကော်မတီ၏ ဒုတိယအကြိမ်လုပ်ငန်းညှိနှိုင်းအစည်းအဝေးကို ယနေ့မွန်းလွဲပိုင်းက ပြည်နယ်အစိုးရအဖွဲ့ရုံး၊အောင်ဆန်းခန်းမ၌ ကျင်းပရာ ပြည်နယ်ဝန်ကြီးချုပ်က အဖွင့်အမှာစကား ပြောကြားခဲ့သည်။

လျှောက်ထားလာသော ကျောင်းများအနေဖြင့် အခြေခံစံနှုန်း(၄)ခုနဲ့ အညွှန်းကိန်း(၁၇)ချက်နှင့်အညီ အခြေခံပညာကျောင်းများမှာလှုပ်ရှားဆောင်ရွက်ထားရှိမှု အခြေအနေများအား ကျောင်းတစ်ကျောင်းလျှင် (၃)ကြိမ်စီ ကွင်းဆင်းစစ်ဆေးခဲ့ပြီးဖြစ်‌ကြောင်း၊သန့်ရှင်း၍ စိမ်းလန်းစိုပြည်သောကျောင်းဆု အထက်တန်းအဆင့်နှင့် မူလတန်းအဆင့် ရွေးချယ်ခံရတဲ့ ကျောင်းများအနေဖြင့်လည်း အမျိုးသားအဆင့်မှာ ဆက်လက်ယှဉ်ပြိုင်၍ ပြည်နယ်ဂုဏ်ဆောင်နိုင်ဖို့ အားထုတ်ရန်လိုအပ်ပြီး ကော်မတီဝင်ဌာနဆိုင်ရာများ ပူးပေမှ အားသာချက်၊ အားနည်းချက်များကို ဝိုင်းဝန်းဖြည့်စွက်အကြုံပြုပေးစေလိုကြောင်း ပြောကြားခဲ့ကြောင်း သိရသည်။
Saw Ba Maung

မွန်ပြည်နယ်ဝန်ကြီးချုပ် ဦးအောင်ကြည်သိန်း “ရော်ဘာကဏ္ဍဖွံ့ဖြိုးတိုးတက်ဖို့ ဝိုင်းဝန်းကူညီကြိုးစားစို့” ခေါင်းစဉ်ဖြင့်ပြုလုပ်သည့် မွန်ပြည်နယ် ရော်ဘာအလုပ်ရုံဆွေးနွေးပွဲအခမ်းအနား တက်ရောက်
+++++
“ရော်ဘာကဏ္ဍဖွံ့ဖြိုးတိုးတက်ဖို့ ဝိုင်းဝန်းကူညီကြိုးစားစို့” ခေါင်းစဉ်ဖြင့်ပြုလုပ်သည့် မွန်ပြည်နယ် ရော်ဘာအလုပ်ရုံဆွေးနွေးပွဲ အခမ်းအနားကို ယမန်နေ့နံနက်ပိုင်းက မော်လမြိုင်မြို့ ရာမညဟိုတယ်ခန်းမ၌ ကျင်းပပြုလုပ်ရာ မွန်ပြည်နယ်ဝန်ကြီးချုပ် ဦးအောင်ကြည်သိန်းနှင့် ဌာနဆိုင်ရာများ၊ မွန်ပြည်နယ်ရော်ဘာလုပ်ငန်းရှင်များနှင့် ရော်ဘာစိုက်ပျိုးထုတ်လုပ်သူများ တက်ရောက်ခဲ့ပြီး ပြည်နယ်ဝန်ကြီးချုပ်က အဖွင့်အမှာစကားပြောကြားခဲ့သည်။
ထို့နောက် ပြည်နယ်ဝန်ကြီးချုပ်နှင့်အဖွဲ့သည် ဟိုတယ်ဝန်းအတွင်း ခင်းကျင်းပြသထားသည့် သဘာဝမြေသြဇာများ၊ ဓာတ်မြေသြဇာများ၊ တန်ဖိုးမြှင့်ထုတ်ကုန်များဖြစ်သည့် ရော်ဘာသစ်၊ ပရိဘောဂ၊ သစ်ပါးလွှာ၊ အထပ်သားများ၊ ရော်ဘာစိုက်ပျိုးထုတ်လုပ်ရာတွင် အသုံးပြုသည့် လုပ်ငန်းသုံးပစ္စည်းများအား လှည့်လည်ကြည့်ရှုအားပေးခဲ့ ကြောင်း သိရသည်။

Saw Ba Maung

မြေစာပင်ဖြစ်လာတော့မယ့် နှစ်ကရင်
******
မွန်ပြည်နယ်ရဲ့ နှစ်ကရင်ကျေးရွာဆိုတာ ဟိုးအရင်ကတည်းက အေးချမ်းသာယာတဲ့ ပင်လယ်ကမ်းစပ်ရွာလေးတစ်ရွာလေးပါ..စီးပွားရေး ကုန်သွယ်မှုဆိုတာလည်း ပြောစရာမရှိတဲ့ရွာလေး ဖြစ်ပါတယ်..အစစအရာရာ ပြည့်စုံမှုရှိတဲ့ ရွာလေးပါ..
ဒါပေမယ့် နောက်ပိုင်းမှာ KNU လက်အောက်ခံ ရေးဘီလူးအဖွဲ့မှ နှစ်ကရင်ရွာကို ဆက်ကြေးငွေများ မတရားကောက်ခံမှုတွေရှိလာသလို တရားဥပဒေစိုးမိုးရေး လုပ်ငန်းတွေကအစ ဖျက်ဆီးမှုများရှိလာတယ်လို့ ဒေသခံပြည်သူများထံမှ သိရပါတယ်..
ဒီနေ့လည်ပိုင်းမှာပဲ နှစ်ကရင်ရဲစခန်းကို KNU နဲ့ ရေးဘီလူးအဖွဲ့တို့ သာလွန်အင်အားနဲ့ လာရောက်တိုက်ခိုက်ခဲ့တယ်လို့ သိရပြီး လုံခြုံရေးအဖွဲ့ဝင်များရဲ့ ခုခံမှု၊ ဝေဟင် MI35 အစွမ်းနဲ့ သောင်းကျန်းသူတွေ အထိနာပြီး ဆုတ်ခွာသွားရတယ်လို့ သိရပါတယ်..
ဒီအတိုင်းဆိုရင်တော့ အထိနာသွားတဲ့ သောင်းကျန်းသူများအနေနဲ့ နှစ်ကရင်ရွာကို ပြန်လည်ခြေချဖို့ ကြိုးစားလာဦးမှာဖြစ်သလို တရားဥပဒေစိုးမိုးရေးအရ တိုက်ပွဲတွေလည်း အများကြီးဖြစ်လာနိုင်ဖွယ်ရှိပါတယ်..
တိုက်ပွဲတွေဖြစ်လာဦးမယ်ဆိုရင် နှစ်ကရင်ရွာဒေသခံတွေကတော့ စစ်ဘေးရှောင်ဘဝနဲ့ မြေစာပင်ဖြစ်လာဦးမယ်ဆိုတာ မလွဲဧကန်ပါပဲ..

Saw Ba Maung

ရေးမြို့နယ်ရှိ မီးပေးဝေးရေး ကုမ္မဏီတာဝန်ခံနှင့် စာရင်းစစ်တို့နှစ်ဦးအား ထောက်ပံကြေးမပေးဟုဆိုကာ လက်နက်ကိုင်များမှ ဖမ်းဆီးခေါ်ဆောင်သွား

ရေး၊ ဇွန် ၂၅

မွန်ပြည်နယ်၊ ရေးမြို့နယ်၊ နှစ်ကရင်ကျေးရွာအုပ်စု၊ သပြေရွာသစ်အနီး ကမ်းခြေရှိ Southern Myanmar Developmentt မီးပေးဝေရေး ကုမ္မဏီ တာဝန်ခံနှင့် စာရင်းစစ်တို့နှစ်ဦးအား ထောက်ပံကြေးမပေးဟုဆိုကာ ဇွန်လ ၂၄ ရက်နေ့ ညနေ ၅ နာရီခန့်တွင် အမည်မသိ လက်နက်ကိုင်အဖွဲ့များမှ ဖမ်းဆီးခေါ်ဆောင်သွားကြောင်း သိရသည်။

ဖမ်းဆီးခေါ်ဆောင်သွားခံရသူများသည် အထက်ပါ ကုမ္မဏီတွင် ရှိနေစဥ် မော်တော်ယာဥ် နှစ်စီးဖြင့် ပျောက်ကျားယူနီဖောင်း ဝတ်စဥ်ထားသူများ ရောက်ရှိခဲ့ပြီး ၎င်းတို့အား ထောက်ပံကြေးပေးရန် လာရောက်ပြောဆိုခဲ့ကြောင်း အနီးပတ်ဝန်းကျင်မှ သိရသည်။

ထိုသို့ ထောက်ပံကြေးပေးရန် ပြောဆိုရာ ကုမ္မဏီဘက်မှ ပေးအပ်ခြင်း မရှိသောကြောင့် ဖမ်းဆီးခေါ်ဆောင်ကာ အောင်သာယာကျေးရွာ ဘက်သို့ ထွက်ခွာသွားကြောင်း သိရသည်။

အဆိုပါ အခင်းဖြစ်ပွားရာ နေရာသို့ လုံခြုံရေးတပ်ဖွဲ့ဝင်များ ရောက်ရှိ၍ ကုမ္မဏီ တာဝန်ခံနှင့် စာရင်းစစ်တို့အား ဖမ်းဆီးသွားသည့် အမည်မသိလက်နက်ကိုင်အဖွဲ့အား ဖမ်းဆီးရမိရေး ဆောင်ရွက်လျက်ရှိကြောင်း သိရသည်။



Yarmanya Times