مقهورة وحزينة وكلبي محروك من داخلي ومقهور ؏ الي ديصير بية او الي دأمر بي
كـل الي اتمناه انو اعبر هل مرحله من حياتي واتخلص منها وبعدين افكر شلون اكدر اتخطئ التعب الي تعبته بيها وشلون اكدر انسه هذاك التعب والبجي والقلق والتفكير والارق والعصبية والقهر والاكتئاب
احاول الكة لكل هذني حل لحته اكدر اكمل بقية ايام حياتي

مرات احس نفسي داخله بحرب وهل حرب قوية وقادرة انو تقضي علية جسدياً وعقلياً ونفسياً وفعلا أدمرت وكلشي اتغير
دائماً اتذكر وين جنت ووين صرت!!
معقولة هذيج اني وهاي اني؟
شكد نجرحت
شكد تأذيت
شكد عانيت
شكد نقهرت
شكد بجيت
شكد تألمت
شكد نخذلت
شكد فقدت اشخاص احبهم وجانوا قريبين الي
وشكد وشكد وشكد.....
حالياً اني بـ اتعس حالاتي واحزنها
احس نفسي مكسورة ع مذلولة
احس انو مو كادرة اكمل بعد
للحظة استسلمت وتخليت عن كلشي وردت بس عقلي يرتاح من التفكير تمنيت لو عقلي يتوقف دقيقه عن كل هذا التفكير والقلل

اتمنئ تخلص هاي الحرب واطلع منها منتصرة
بس حته اذا انتصرت وطلعت منها
فـ الشي القديم الحلو مراح يرجع
حطلع واني مهزوزة ومتعوبة ومكسورة
حطلع واني ماحاسه بطعم الانتصار ولا فرحانة بي من كثر التعب الي بذلته

وصلت لمرحلة صرت اتمنئ اني بـ حلم والي داعيشه حلم و ؏ اي لحظة اكعد لواقع يختلف عن كل الي جنت اعيشه بس للاسف طلع الحلم والواقع نفس الشي نفس الضيم والتعب ونفس كلشي

ماعرف شوكت اتخلص من كلشي يأذيني بس الي اعرفه انـو انـي اريد روحي تطلع من هـل دنيا وهيه مرتاحه✨