فاكره؟
احنه كُنا متفقين اننا نفضفض لبعض
نهون ع بعض
نونس بعض
نشارك بعض شويه مَزيكا
بس متفقناش تبقي قريبه مني بالشكل ده
متفقناش ع احساس البرد وقت الوجع
والوحده وقت زعلك
متفقنه انِ احس انِ الوحدي وقت متبقي مش موجوده
متفقناش تكوني مهمه في يومي قوي كده
متفقناش توحَشيني
متفقناش افتكرك فعز انشغالي
متفقناش لما بمشي في الشارع ببقه بدور عليكِ بوسط وشوش الناس
متفقناش اتعلق بيكِ كده
متفقناش تسكني كل تفاصيلي بالشكل ده
عارفه؟
انا كل مره كنت بحاول ابعد عنك عشان متعلقش بيكِ ولا تتعلقي بيه
كنت بلاقيني بجري ناحيتك من غير محس
وبتعلق بيكِ اكتر
واضح ان كل حاجه متفقناش عليها حصلت
انا اتعلقت بيكِ وحبيتك .