- قبل ما نترك فيني أطلب منك شي ؟!
_ شو ؟

" تم إرسال مقطع صوتي "

-اسمع هالتسجيل للأخير
هاد بمثل حياتي معك .... باي
_ اوك رح اسمعو ..باي
وقتها تركنا بعض هيك .. بكل برود
بكل استسلام وملل وبساطة ...
سمعِت المقطع الصوتي .. واتفاجأِت أنو عبارة عن تسجيل فاضي...
مافيه كلام ولا نفَس .. ولا عتب ولا خناق ولا حتى وداع 💔
سكرِت المقطع قبل ما تخلص الدقيقة
وطبعاً هو عرف شو قصدي ..
عرف أنو حياتي معو كانت متل هالفراغ
ما رد.. وما رجع حكى

مرقت لهلأ سنة 💔
اليوم حابة قول شي , ويمكن سميه اعتراف
بالمقطع الصوتي .. سكتت لـ دقيقة كاملة
بس بآخر السكوت هاد .. قلت جملة صغيرة :
" أنا بحبّك" 💙
اذا سمعت هالكلمة , بس قلي سمعتها و رح ضل معك ونعطي،بعض،فرصة "
بس بعد سنة اكتشفت أنو معي حق....
عشت معو حياة كاملة عم بتحمل كل ظروفو وغيابو بكل وفا...
وهو ما قدر يتحمل يعيش دقيقة وحدة ..
ما قدر يصبر دقيقة... لـنضل مع بعض...
مو مهم ..
بس بعمرك لا تتعب لـ تخلي يلي معك يحبك كتير..
تركو ع راحتو
بيكفي أنك تضل أحسن منو .. لـ تعرف دايماً قيمة الخسارة يلي خسرها

ولـ تعرف أنك دايماً ربحان حالك 💚🍃

#اخضر 💚