كوكب احلامي بسجن صفنتي ناكت حزن
بعين معصومه الاماني حروف قراءن

ابتدت مـــــــن الزغر رحلت عذابي
وثوب الاسود كمت اشوف اجمل ثيابي
كل مسيت اغروب اعكدلك حجابي
بلكي جفك بويه هسه يدكلي بابي
عمري بفراكك كصر وذكرياتك بس صور
بير يوسف جرحي صار وكتي سجان

بيدي احسب للفرج ليله اعله ليله
بويه صارت فركتك كلش طويله
سولفتلي تذكرت عــــــن العليله
غاب والدهه وبقت بس تندعيله
وانه ظليت انتظر ربي يلهمني الصبر
وين حظنك ارد انامن جفني سهران

كل يتيمه تختنك لو مرهه الغروب
الشمعه سكته تموت راقب لمن اتذوب
وانته يوميه بسجن يابويه جم دوب
بكثر دمعاتي وعلي ماباجي يعكوب
حيل تعبني الوكت شو احس تيتمت
البيت خالي وكمت احسه بيت الاحزان

انه معصومه وبكيت اصفك بديه
ليش بويه كلي ماتسال عليه
صحت الله يعين كلبج يارقيه
البنيه ابلا ابـــــــــو تشوف المنيه
من اجه وكت اليتم الموت ماخله حلم
ماتت الظحكه اعله اشفتي جروحي طوفان

عله جفني خلاف عينك يحرم النوم
جرحي صار معزب وخطاري الهموم
اه واويلاه بــــــــــويه متت مسموم
اليوم معصومه تودع اغله معصوم
شفت نعشك عالجسر مصابك ايحير الفكر
هذا ابويه لاتدفنه هنــــــــــا يدفان

عالجسر صارت مناحه من اليشيعون
بويه بفراكك بعد ماظلت اعيون
صحت ليش الي نحبهم مايضلون
جـــــــــوه التراب النودعهم ينامون
بعد ما ضلي امل ** ياهله بجيت الاجل
اليتيمه مثل طيره ابلايه جنحان

#تمت--- علاء الزيدي


https://t.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء