غم دي دروند دی په ایمان راباندي راشي
پر سر بوج وړمه خفګان راباندي راشي

اوس دي میني یم دې حد ته رسولی
چي دي نوم واورم پېریان را باندي راشي

دغه څو ورځنی غم دی دا به تېر کړم
بیا به بیرته زوړ دوران راباندي راشي

جانان خوږ دی که هر څومره یې پټ ساتم
رقیبان لکه مچان راباندي راشي

ستا له نوم نه به وانه وړمه تر مرګه
که دا ځمکه او اسمان راباندي راشي

چي دي یو ځلي د زلفو خریدار شم
بیا دي زر ځله تاوان راباندي راشي

له تا داسي صدقه طالب جرار شم
چي مي غوښو ته مرغان راباندي راشي

طالب جرار
#النبوی بصري څانګه