لسان حال السيدة زينب (( قصيده الهلال))


بالخيم نيشان منك خاله
ارقيه من تهل تصبح ذابله

ارقيه ذبلت يا هلال
يمي وبغفلة تعال
كمت اصيح حسيني
*****


جم شهر راح وجزه مابيه ذكره
الحزن بمحرم بعينك شكبره
كلي يهلال شيفيدك من تغدره
حسين غالي وصعبه ينطك علنحره

عالنحر رقيه .. نايمه
وانه كل مسيه .. هايمه
صحته وبوحي الخيال ... يمي وبغفله تعال
كمت اصيح حسيني

**
باقي ايام وليالي اعله المخاطر
وباجر تصيح بغدر كل الحناجر
يجب صدر حسين ينرض بالحوافر
وصدره فدوه تروحله كل المنابر

بهاي القضيه .. عالمه
بصدره وصيه .. لفاطمه

شمته وخضر دلال .. يمي وبغفله تعال
كمت اصيح حسيني

***

الله خالقلي حبيبي اترف بشر
شمس تعشك والشمس تهوا الكمر
يا هلال حسين باجر للنهر
يروح شاب ويرد مكسور الظهر

كل عمره نايح .. سبيل
من عنده رايح .. كفيل

يروح من عدنه محال .. يمي وبغفله تعال
كمت اصيح حسيني

*****

من يطك عود الصبح ويمر املنه
من اخوتي يظل يهب عطر المحنه
لجن برسومك تطش ديرة اهلنه
وما ترد للموت كعدتنه وشملنه

راحت الليالي .. سراب
علجرح يلالي .. التراب

ينفكد ضحك الحلال ... يمي وبغفله تعال
كمت اصيح حسيني

********

المواقف كثره بس يلجم عذابه
حسين ماي شلون تمحيه السرابه
وصعبه من نكعد سوه بنص الخرابه
والاَمَــر لمــن رقيـه تصيـحه بابـه

بابا بابا.. حيرتني
جلمه وحده.. ومرمرتني

مثلي ما شالت جبال.. يمي وبغفله تعال
كمت اصيح حسيني

************

سيد احمد الميالي

تم بفضل الله والحسين

https://t.me/ahmed_sa6