#جديد

واحسيناه... واحسيناه... واحسيناه

********************

ما ظل بالخيم يحسين اثر من الحرك سالم
ركضن رعبه من الخيل بناتك ياذخر هاشم
ما تدري الحرم بجفاك عليهن تضحك الوادم
يعين الله كلب فاطم على الصار بنت فاطم

شحجي والحجي هوايه
جرح وتلجمه الحجايه

********************

يبو رقيه الزلم صاحت وخَيِّر ماكو افزعنه
من عبدالله بس كاروك ظل وذكرى اريدنه
انه ادريبنه صار ارماد بلكت ظل اثر منه
بلكت من اناغيله يعرفني وبيدي المنه

ويظل تذكار الي يحسين
واسولفله بدموع العين

********************

صحت يوليدي يالمذبوح وسكينه حجت غفله
يم عبدالله لا تبجين صعب لو كعد عبدالله
خافنه يفز ملجوم وتعثر يمه الاسم الله
النحر ندريبه قبلة شوك لذلك بي سهم صله

اعز من الكلب هوه
بس لا ينلجم فدوه

********************

كعدنه بنص خرابة خيل وعيني من التعب نامت
واسمع من رقيه الصوت جا وين البخت راحت
زينب زهرة العباس واظن يم جثتك فاحت
ردت للظعن وسفه نظل بلا زلم صاحت


بجينه وطاحت الدمعه
والمثلك شنو يرجعه

******************

ركبنه اعله الهزل يحسين ومالت بالحرم وسفه
وصاحت زينب العــباس وينــك يا ابـو الكلفه
معــقولة تــظل نايــم وعــيون الــزلم صـلفه
والسجاد رايح راد بــسلاسل كَـــيدو جفه

حنين وشالته الغيره
غربه احنه اعله هالديره

*****************

سيد احمد الميالي