خدر الفواطم لنشر القصائد الحسينيه

يا صاحب الزمان اغثنا مولاي ....
.

ليلك شو ما بي شمعة
ليلك سالوفت دمعة
أه يليلك..أه يليلك
__________________________
ليلية الدمع يحرك جفونك
واحنه المشكله نخيب ظنونك
ما نشفت تره الهسه عيونك
ما واسينه كلبك بس نخونك

ليلك يكضي وبس تنعة
ليلك سالوفت دمعة
اه يليلك... اه يليلك ________________________
دمعاتك حزن جرحك مصيبه
ليلية تون. بس للغريبه
تبجي لعتمك آ يالسليبه
كلبك ما هده وباقي بنحيبه

كلبك ضاك أو شيوسعه
ليلك سالوفت دمعه
اه يليلك....اه يليلك
________________________
بالطف سيدي مصايب إليمة
عاري حسينك وهاي الهضمية
ما ضلت خيم عكبه سليمه
واعدائك تره شافوها شيمه

عباسك يا هو يرجعه
ليلك سالوفت دمعه
اه يليلك.... اه يليلك
_________________________
تنحب للفجر ما تغفه لحضه
من تذكر جسم عاري وترضه
رمشك يا ابو صالح هم تغمضه
من تذّكر الراس. التشضه

دمعك ياهو الي يسمعه
ليلك سالوفت دمعه
اه يليلك... اه يليلك
_________________________
الله يعينك الهاي المصايب
كلي بيا صبر تطفي النوايب
لا ضلت أهل لا من كرايب
باكتهم غفل ذيج الحرايب

والفاكد..... كلبه يوجعه
ليلك سالوفت دمعه
اه يليلك... اه يليلك
________________________

السيد احمد النوري

لـوْلَا وُجُـودِچْ عَـالْأرِضْ مَا صَارَتِ الدِّنْيَه
لَا الله يِـخْـلُـقْـلَـه نَـبِـيْ اِوْ لَا يِنْبِعِثْ وَحْيَه
انْمُوتِ ابْخِدِمْتِچْ فَاطِمَه وِ ابْخِدْمِتِچْ نِحْيَه
ـــــــــــــــــــــــــــــــــــــــــــــــــــــــــــــــــ
قَـبِــلْ مَـا يِنْخِلِقْ آدَمْ اِوْ قَـبِـلْ مَـا تِنْخِلِقْ حَـوَّه
سَــوَّاچ الله زَهْــرَاءَه سُـبْـحَــانَ الَّــذِيْ سَـــوَّه
لــوْلَاچ الله يِـطْـفِـيهَا الشَّمِسْ وِالگُمَرْ مَا ضَوَّه
مَـا يِخْلُقْ مُحَمَّدْ قَـطْ لــومَــا يـــوْلِـــدِچْ هُــــوَّه

خَلْقِچْ لُغُزْ سِـرْ طِلِّـسِـمْ مُـبْـهَـمْ مَـيـتْـفَـسَّـرْ
لـوْلَاچ أحْـمَـدْ مَـنْـخِـلَـقْ اِوْ لَا مِنْخِلِقْ حِيْدَرْ
ابْيَمْنَاچ امُرْ رَبِّ السِّمَه وِ ابْـيَـسْـرِتِـچْ نَهْيَه
ـــــــــــــــــــــــــــــــــــــــــــــــــــــــــــــــــ
لــولَاچ الله مَــا يِــرْفَـعْ سَمَاءَه اِوْ لَا دِحَه أرْضَه
إسْمِچْ كُـونْ يَـافَـاطِـمْ قَـبِـلْ مَـنْـگُـولَـه نِـتْـوَضَّـه
اليخِدْمِچْ رَبِّـچِ امْـوَفْقَه وِ ابْـعِـلْـوِ الـنَّـجِـمْ حَـظَّه
مَاأدْرِيْ اشْكُبُرْ حَظْهَا اِوْ خَـادِمْتِچْ غِـدَتْ فِضَّه

لَا مَــرْيَـــمِ اِوْ لَا آسِــيَــا وِصْلَنْ تُـرُبْ جِدْمِچْ
حَتَّى الـمَـلَائِـكْ تِـنْـدِعِيْ اِوْ تِسْتَغْفِرِ ابْإسْمِچْ
وِاشْچَمْ نَبِي البَابِچْ سِعَه وِ اتْقَرَّبِ ابْـسَـعْـيَـه
ـــــــــــــــــــــــــــــــــــــــــــــــــــــــــــــــــ
إذَا مَـا نِـشْـكُـرِچْ يَعْنِيْ نِـجْـحَـدْ هَـذَا مَـعْـرُوفِچْ
نِعُوف الله اِوْ شَرِعْ دِينَه إذَا يَافَـاطِـمَـه انْـعُـوفِچْ
اشْـمَـا گِلْنَه يَـفَاطِمْ بِيچْ أعْـظَـمْ وَ اكْبَرِ انْـشُوفِچْ
شِيوَصُّفْ عُـظُـمْ قَـدْرِچْ اِوْ مُحَمَّدْ بَايسِ اچْفُوفِچْ

چَانِ النَّبِيْ مِنْ يِگصِدِچْ اِوْ هُوَّه نَبِيْ اِوْ مُرْسَلْ
مَـا يِـدْخُـلِ الـدَّارِچْ گُـبَلْ يِــــطْـــلُـــبْ إذِنْ أوَّلْ
حَتَّى مُــحَـمَّـدْ يِـسْـألِــچْ وِ ايْــشُــورِچْ ابْـرَأيَــه
ـــــــــــــــــــــــــــــــــــــــــــــــــــــــــــــــــ
مَا چِنَّه ابْـزَمَـانِـچْ بَلْ خِلَقْنَه الله ابْزَمَان ابْعَدْ
ابْحَرْگِ البَابْ لو چِـنَّـه رِگـابِ ابْـعَتْبِتِچْ تِنْمَدْ
ألِفْ عَامِ اِوْ كَسِرْ مَرَّتْ اِوْ حِزْنِچْ بِينَه يِتْجَدَّدْ
اللَّـيَـالِـيْ الفَاطِمِيَّه مِنْ تُمُرْنَه نِلْبَسِ الأسْـوَدْ

وِالمَا بِچَه الكَسْرِ الضِّلِعْ مُوْ مِنْ ظَهَرْ طَاهِرْ
وِالمَا لِـعَـنْ رَبْـعِ الـعِـجِـلْ اوْيَا يِنْحِشُرْ بَاچِرْ
يَافَاطِمَه اِوْ عينِ الِّـيْ مَـا تِـنْـحَبْ إلِـچْ عَمْيَه
ـــــــــــــــــــــــــــــــــــــــــــــــــــــــــــــــــ
يَريتِ اضْلُوعْنَه اتْكَسْرَتْ وَلَاكِنْ ضِلْعِچِ اليسْلَمْ
يَريتِ اخْدُودْنَه انْسِطْرَتْ وَلَا خَـدِّچْ يِسِيلِ الـدَّمْ
يَريت اطْـفَالْنَه اتْـيَـتْـمَـتْ وَلَا الـحْـسـينْ يِـتْـيَـتَّمْ
عَسَاهَا اگْبُورْنَـه اِنْجِهْلَتْ وَلَا گبْرِچْ يَزَهْرَه اظْلَمْ

لـو نِـسْـتِـمِـرِّ ابْـهَـالْـحِزِنْ لـو ثَارِچِ انْرِدَّه
كِـلْ جـيـلْ يِــرْحَـلْ رَايـتَـه ايْسَلِّمْهَا لِلْبَعْدَه
فَضْلِچْ عَظِيمِ اِوْ هَالحِزِنْ بِيْ نِدْفَعِ الجِزْيَه
ـــــــــــــــــــــــــــــــــــــــــــــــــــــــــــــــــ
ابْـحِـزِنَّـه اعْليچْ يَـافَـاطِـمْ فـوزِ الآخِرَه انْضِمْنَه
قَـلِـيـلِ اوْيَـاچِ اذَا نِـجْـزَعْ وَلَـو حَتَّى العُمُرْ يِفْنَه
التِّبْچِيْ ابْمَجْلِسِچْ عـيـنَـه يِبْنِيْ ابْقَصْرَه بِالجَنَّه
ابْقَصِرْ وِ ابْجَنَّه شِيْسَوِّيْ الإنْـتِـيْ رَاضِيَه عَـنَّـه

يِكْفِيْ رِضَاچِ اِوْ هَالرِّضَا عَنْ جَنَّه يِغْنِينَه
مَـا عِـدْنَـه غـيرِچْ فَـاطِـمْـه وَحْـدِچْ تِغِيثِينَه
چَمْ يومْ وِ ايْگضِّي العُمُرْ وِالـدِّنْيَه مِنْتَهْيَه



كرَّار حيدر الخفاجي

ويلي على الزهراء ويلي على الزهراء

هالليله حيدر عالنعش حَلّ العمامه
بعينه يشوف أطفاله ودموعه يتامه
هالليله ماتت من علي ثاني حمامه
ايده اعله خاصرته وينادي غطي اسماء


مامرت الدنيا قبل هيجي مصايب
كلشي صبح يفتر عكس حتى الكواكب
يعگوب وي عينه صبح بيض الحواجب
بان الحزن بان العذاب بكل الإرجاء

ويلي اعله ذيچ العصرة ضلع الزهره مكسور
ليش اعله باب الزهره نار وبعده عاشور
خد العقيله المنسطر لو خدها مسطور
يمكن تره نفس الزجيه هيه حوراء

مخنوگه بالمسمار والحايط والونين
المن تدير العين ويلي سطروا العين
باچر تره المسمار قائد ضد الحسين
من الزجيه الكربله موجوده أنباء

نفس الهجوم اعله السبط نفس الضهيره
نفس الوقت نفس الذبح من كل عشيره
نفس الولي زينب يطلعوها أسيره
ماكوا فرق يم الحسن هم نفس الأجواء

يا فاطمة السالب فدك سالب رقيه
والي يدفعج بالرمح عنده قضيه
باچر تره أبنائچ اعله السمهريه
بعد الحسين بكربله هم عندچ أبناء

اشكبره العرش فوگ السمه اللهُ عالم
چفه علي شال الشمس ما شال فاطم
ليش اعله گبر الزهره ما خله عوالم
كاتب على وچه الگبر سورة الإسراء

محمد الضالمي

ليش عينج باجيه زينب وماحاجيه
امي وين خويه فدوه احجيلي
امي وين وحشه صاير ليلي
**************************
تلاكيني يوميه من اطب تشبكني واشتمها ومن جفها الزمها
بكل رقه رقه اكلمها
تسميني محبوب الكلب ياروحي اسميها متعود عليها
امي واحن ليها
ومستغرب انه بهل الوظع اعيونج اشبيها ياهو المبجيها
ريحيني وحجيها
خويه شنهي السالفه ليش احسج خايفه
امي وين ونهدم كل حيلي
امي وين وحشه صاير ليلي
****************************
ياخويه لاجمني الكلب هدوم امي جيبيها خليني اشم بيها
ناري شيطفيها
الدار احس ظلمه اصبحت شوامي ماهيه ماسالت عليه
وليش انتي محنيه
عالباب عينج شابحه ياهو الشعل ناره وخله امنه محتاره
وبالظلع بسماره
وانتي خمسه سنينج مربيه دمعه بعينج
امي وين نظره خل تهديلي
امي وين وحشه صاير ليلي
*******************************
يحسين شحجيلك بعد لاتصفك باايدك هناكه امي اتريدك
وصتني بوريدك
كالتلي بالطف نلتقي ونضمد جروحه من ينازع بروحه
وعيونه مفتوحها
يباوع عليج لخيمتج ينظره محتركه وظلوعه منطبكه
وتكتلج الحركه
والخيم ماطافيه يمه اشوفج حافيه
امي وين بالصبر تدعيلي
امي وين وحشه صاير ليلي
********************************
جابتلي طاري المشرعه ومنها الدمع سايل تسولفلي عالكافل
البيده العلم شايل
لمن يطيح عله النهر احظرله ماعوفه اركظله ملهوفه
واستقبل اجفوفه
وكالتلي حظريلج متن مسبيه يردونج وتزرك تره متونج
ولازم يبجونج
من عكب عباسج يشيب زينب راسج
امي وين بشدتي لحكيلي
امي وين وحشه صاير ليلي
*******************************
اذكرها من نكعد سوه تسولفلي واسمعها وامسح مدامعها
وتعصر بصابعها
تلزم اشوف بخنصري وتكلب المحبس بالكوه تتنفس
بجفوفي تتلمس
الف وتسعميه جرح باجر يجرحونك من الكفه يذبحونك
يبني يعذبونك
ميه ماينطونك بخيل ويسحكونك
امي وين ماتجي اتجيلي
امي وين وحشه صاير ليلي
***************************
بالاخر امي تبسمت كالتلي بحجايه شيعتنه وفايه
تسويلك اقرايه
وبمصحف امي فاطمه احجيها كدامك امسجله خدامك
خل يرتفع هامك
باجر مواكب تنصب بسمك يسجلوها والرايه علوها
يحسين كتبوها
وللمجالس رايحه الك تقره الفاتحه
امي وين ويالخدم يبجيلي
امي وين وحشه صاير ليلي
**********************************
تمت
علاء الزيدي

اليمته اظلن بالحياة امخوصرة
شوكت اروحن عالجتف للمكبرة
@@@@@@@@@@@
يــا عــلــي آنــه الــزجــيــّة
شوكت اشوفك تمشي بيّة
بــقــن يــومــيــن بــحياتي
والــــتــراب ايــرد عــلــيــّة
مــن الــوجع مو بيد وحدة
اتــخــوصــرت بــثنين اديّة
جــنت اظن ايطيب ضلعي
الآه ظــلــت هــيّــة هــيّــة

حته روحي اويه الظلوع امكسرة
شــوكت اروحن عالجتف للمكبرة
@@@@@@@@@@@
فــدوة اروح لــشيبة منك
امــســح ادمــوعك يغالي
هــاي عــد الــلــه جــبيرة
حــيــدر بــكــبــرة بجالي
خاف اموت بداعت امك
ادفــن ويــايه خــيــالــي
گــبــري لــحّد يبجي يمه
عــلــي بس انت وعيالي

مــااريــد وآنــه مــيــتــة امرمرة
شوكت اروحن عالجتف للمكبرة
@@@@@@@@@@@@
اليمته اظلّن محني ظهري
هــاي اعــظــم محنة هاية
آنــه عــكــس الــنــاس آنه
عــمــري يــبدي من النهاية
امــشي بــالــبيت واشوفن
جــف عــمــر يركض وراية
يــنلــجــم ضــلــعي يحيدر
لــمّــن اتــطــخــني العباية

يــامــرة الــتــحمل عذابي يامرة
شوكت اروحن عالجتف للمكبرة
@@@@@@@@@@@
عــلــي عــصروني واگلهم
طــاح مــحسن جوّه بابي
قــفّــلــوا بــيــبــان اذنهم
ويــرجــع بوجهي جوابي
الــدنيه هاي اشفت منهة
مــااتــهــنــيــت بــشبابي
آنــه لــومــا احــمي بيدي
والــلــه جا حرگو حجابي

حــالــي يكسر خاطر الله منظرة
شوكت اروحن عالجتف للمكبرة
@@@@@@@@@@@
الــــدنــــيــه مارحمت زهرتك
عــلــي عــنــدي شــيبقة بيهة
انــطــيــني شيبة من لحيتك
بــلــكــت اتــوجــة عــلــيــهة
الآه اجــت للــگــلــب عــمية
وجــلــبــت بــثــنــيــن اديهة
الدنيه اجت من باب جرحي
گــلّــي بــلــّة مــنــين اجيهة

مــالــي حــيل وداعتك ياحيدرة
شوكت اروحن عالجتف للمكبرة
@@@@@@@@@@@@
محمد جبر الدراجي

مسطورة مو من السبي
محتركة مو من الخيم
بيها الضلوع امكسرة
لا خيل داست لا سهم

تلكاه نفسه المصاب
بين السبي وبين الباب
ــــــــــــــــــــــــــــــــــــــ
اول مصاب اعلة الخدر من باب بيت العالمة
البسمار احسنة زجر مسبية احْسن فاطمة
اول ضحاية الفاجعة محسن وكع من السمة
والسطرة توجع عالوجه والدمعة جانت مُبهمة

مهضومة من جد الشمر
محتركة من باب الجذَع
نابت البسمار بضلع
مو دم طلع محسن وكع

والدمع عالخد خنياب
بين السبي وبين الباب
ــــــــــــــــــــــــــــــــــــــ
انطبك باب الفاجعة مثل الكتاب اعلة القلم
من عصرت الباب انكسر ضلع الطفل هم ما سلم
حارت من الباب احترك جن زينب ابحرك الخيم
تحمل طفلها من الارض لو تحمي بحجاب الشيم

محسن وكع ما شالتة
عدها الاهم جان الستر
الموقف انعاد بخيم
احتركت وهمها الخدر

احتركت وهمها احجاب
بين السبي وبين الباب
ــــــــــــــــــــــــــــــــــــــ
اجفوف مطبوعة بوجه ام الحسن من السطر
بلون المتن صار الوجه بس ذاك من طك الزجر
(وجناتهة) من الصفع صارت شبيهة ويه الفجر
والدمع ما جنة دمع ينزل بقى بلون الحبر

حمرة العيون وشابهت
دم نحر عبدالله الترف
وجان الجرح جوة المتن
والعتبة فاضت بالنزف

اخضر جرحهة وما طاب
بين السبي وبين الباب
ــــــــــــــــــــــــــــــــــــــ
طاحت الكوثر عالارض وصاحت يفضه بكل حزن
وسديني خل انهض لجن باجر منو يوسد الأبن
بسمار بس واحد انة وابني (شبچ) من الطعن
راحاً اموت واندفن بس ابني يبقى بلا دفن

اندفن ويلمني الجفن
بس جسمة متلملة الارض
بسمار رض ضلعي لچن
حافر فرس صدرة يرض

وجسمة يغطيه اتراب
بين السبي وبين الباب
ــــــــــــــــــــــــــــــــــــــ
فاطمة على كاع وتصب دم ودمع حتى الطفل
فاطمة عالكاع انسبت ونسبت زينب عالهزل
بس عدل كافل فاطمة وكفال زينب مو عدل
عباس ادينة مكطعة وحيدر مجتفينة بحبل


مجتوف بوصية علي
وعباس مجتوف بنهر
يكسر الخاطر حيدرة
وعباس الي يكسر ظهر

مكسور ظهر الاحباب
بين السبي وبين الباب

حسين حيدر الموسوي

اللهم صل على محمد وآل محمد وعجل فرجهم

معصومه وزينب ياقصة عذاب
ــــــــــــــــــــــــــــــــــــــ
بنت الكاظم السجنوه إبطاموره
وبنت الهامته بالسيف مطـبـوره

ماتت وحده عالسلطـان مثل الورده بالاغصان
ومن مات الستر بالناس زينب لبست الصيوان

عالنــاگــه إترتل آيات الحجـاب
معصومه وزينب ياقصة عذاب
ــــــــــــــــــــــــــــــــــــــ
معصومه إبحلگ عبدالله گطـرة ماي
حزنهه اشويه واحزان العقيله إهواي

مــدينة قــم اذا تنـــقــاس ربع مـن گبة العباس
علي بن موسه هوه إيگول روحو الكربله ياناس

احسين ماي وكل العالم سراب
معصومه وزينب ياقصة عذاب
ــــــــــــــــــــــــــــــــــــــ
إذا من السفر تعبانه معصومه
زينب عالوجه ياناس ملطومه

المفروض الرضا نرثيه أبيوم امصابه ونواسيه
لاكن ما سمعنه إبيـوم عشر اخيول تسحگ بيه

ياثار الله ويامســلـــوب الثياب
معصومه وزينب ياقصة عذاب
ــــــــــــــــــــــــــــــــــــــ
معصومه بچت ما وصلت اخريسان
وما گــالــت تقبــل ربــي هالقُـــربان

أخـوهه بالغــرب نازح مو من الفـرس طايح
صباحاً ومساءاً شوف إلمن يبچي ابو صالح

عالمات إبسم لو عالفوگ التراب
معصومه وزينب ياقصة عذاب
ـــــــــــــــــــــــــــــــــــــ
الرضا لابنَ شبيب إيگله أن كُنتَ
باكي فابكي عالـمـا غسلـو جثته

ودعبل الشعر أنـشــد گـــدام الرضــا وردد
إحسينچ لو تشوفينه أفاطم لَلطمّتي الخد

تبچيلك عيني أُمو لاجــل الثواب
معـصــومه وزينب ياقصة عذاب
ــــــــــــــــــــــــــــــــــــــ
أخذنه الشوگ يم بابك يبو محمد
ولبسنالك الليل ابكُبره ثوب اسود

لــــذه إزيـارتـــك بيهه معاني الطف معانيهه
كون إبصحنك الطاهر مجــالـسـنــه نسويهه

ماننساكم حتى ابيوم الحسـاب
معصومه وزينب ياقصة عذاب



#العبدالحسيني_محمدالجماسي

غسلت بدموعهه المحسن ابنهه
لفته بحجابهه اونام ابحظنهه
تكله اعذرني ييمه مارظعتك
صدري بي بسماراخافنه يلجمك
عذرني يبني عذرني يبني عذرني يبني
ــــــــــــــــــــــــــــــــــــــ
يمه اليرضع حليبي ايموت لوسم لوذبح
والي امه الزهره يبني طشت اكماطه اورمح

مارضعتك ... بدخلت البسمار وج ابصدري ناره
مارضعتك ... خاف ارضعك خافن اتلوحك شراره
مارضعتك ... الحليب العندي جف منالحراره

كلشي وشل مني حته المني وشل
ولون وجهي منالضرب يبني تبدل
والله شوفه بيهه يوليدي انه شفتك
صدري بي بسمار اخافنه يلجمك
عذرني يبني عذرني يبني عذرني يبني
ــــــــــــــــــــــــــــــــــــــ
وشلت ادموعي اوحليبي وروحي مني وشلت
ضلوعي لبصدري احسه بجسمي جن اطشرت

رتك اتظل ... رتك ابطني تضل اتلم الضلوع
رتك اتظل ... ايدك العيني تمدهه اتسد الدموع
رتك اتظل ... روحي كبعهه قبل لاتنوي الطلوع

نصي صوتك لايسمعوك اويجوني
واني ماصدكت يبني منتركوني
كافي لاتبجي الدفعني لايسمعك
صدري بي بسمار اخافنه يلجمك
عذرني يبتي عذرني يبني عذرني يبني
ــــــــــــــــــــــــــــــــــــــ
ليش من دون النسه تولدني موجده انه باب
ولي تولد علي تصرخ وانه اصرخ ياعذاب

شنهو ذنبي ... الباب صارت جده اليه اوولدتني
شنهو ذنبي ... ماكووحده الي اجتني وصبرتني
شنهو ذنبي ... دمعتي ابعيني وناغي محسن ابني

شلون اكمطك وآنه ممحضرتلك اكماط
عندي بس احجابي بس بي ريحت اشياط
والله حيره شلون يوليدي اكمطك
صدري بي بسماراخافنه يلجمك
عذرني يبني عذرني يبني عذرني يبني
ــــــــــــــــــــــــــــــــــــــ
حاولت امشي وكومن حته اختل ابنيتي
المشي مني تعذر الزحف اصبح مشيتي

اوصلتهه ... ريت ميته اوماشفت ابنيتي زينب
اوصلتهه ... راسهه ابين الركب اوسكته تنحب
اوصلتهه ... مشيبه زينب وضهرهه صاير احدب

شلون مشيب ولزغر منهه شيب
الجانت التاني يجيه اويمهه يلعب
كبل لاترحل يمحسن خل تودعك
صدري بي بسمار اخافنه يلجمك
عذرني يبني عذرني يبني عذرني يبني
ــــــــــــــــــــــــــــــــــــــ
الكاع صاحت كومي مني كمت انه ابدمج اغص
وزحفج الي تزحفينه بضهري احسنه يكص

كلهه ضدي ... بيوم بي شحت علي حامي الحميه
كلهه ضدي ... بيوم بي بس الهوه اوكطعوعليه
كلهه ضدي ... بيوم بي بس زينب اتشاكف خطيه

يبني يامحسن دخيلك كوم افزع
لومتكدر كلي يبني ليش تطلع
مو اليه عاد كوم افزع لخيتك
صدري بي بسمار اخافنه يلجمك
عذرني يبني عذرني يبني عذرني يبني
ــــــــــــــــــــــــــــــــــــــ
قبل لتودعني يبني خل نضم ام الخدر
لولكوهه اكبال عينك مثل امك تنصطر

خل نظمهه ... زغيره بنتي اعله الضرب وعله الشتايم
خل نضمهه ... مااريد ابخدهه مثلي اتضل علايم
خل نضمهه ... منهو يوم الطف يلم بيده العمايم

كله منتضرتهه صوط اونار وخيام
وهزله وحبال اوارمل ثكله ويتام
عذرني موقصدي اسولفلك وهضمك
صدري بي بسمار اخافنه يلجمك
عذرني يبني عذرني يبني عذرني يبني


الى خادم الامام الحسين ع
عمارابوشبع الكربلائي

الليله صرخة زينب ترج السمه
وياحزنها تصـيح ماتت فاطمه
يافاطمه يافاطمه
*
فرفحت زينب وشاطت بالحزن
تبچي مــاتدري تدگ مدري تون
فازعه و مـن الـبچي مـاتستجن
امــي ماتت و الضلوع مــهشمه
* * *
أمـي مـاتت عـلي الحگ ياعلي
بويه خل تگعد ألي وشظل ألي
بويه متنه وفاطمه چانت هلي
يعني غير امي الحياة مــهدمه
*
بويه سـولفلي ترى گمت اختنگ
بويه كض چفوفها البيها الحرگ
گلها ماتت فاطمه و هذا الصدگ
بويه مـاتـت و المـتـون امـورمه
*
بويه امچ ماتت الچنها الضوى
بويه مثلچ مختنگ راح الهوى
بويه وي الطـاهره ادفنه سوى
و آنه دوم وياها تـدري معلمه
*
بـويه خـليني بلــحدها ارد اطب
بويه مايحمل على الفرگه الگلب
وحتى خدها شلون يتحمل ترب
و الـترب يـلچـمها لا تنــزف دمه
** *
بهيده يابويه اعله كيفك بالغسل
هــاي امــي و يـومــها ما ينحمل
الماي يابويه اعله كيــفك لو تهل
البــاب عــاصـرها تــراهي مـألمه
* *
مـــاتــت ومـــا واصـله لـثـمـنـطـعتش
بهيده لـــو تــمشون لو شـــلتو النعش
بويه جرحي اعله الدرب بويه انفرش
و گـــلبــي يــلـطم مـــابطل من ماتمه





عبد زينب
محمد الابراهيمي

بلسان المنتظر ..... لعن الله عمر

.......................

راح العن كل حياتي حته ترضة فاطمه
شلون تقبلي اساوم علبجت ليها السمه
هيه جم زهراء عدنه اتريد كاتلها اكتمه
شلون يرضه الله عليه
اترضه ع الطگ الزجيه
وهوه ربي ابمحكماته .....لاعنه ومثوى سقر

..........................................

بالروايات الصحيحه وعن محمد واله گال
اللعن جائز عليهم وهذا واقع لا محال
باجر بيوم القيامه لو علي يصيحك تعال
ليش تكتم جنت لعنك
وشنهو هذا الي يمنعك
عود دبر عذر باجر ....گله انه ارجو العذر

..........................................

الصار بالزهره مصيبه الله واملاكه بجت
موش هينه حرمه تنطگ واخ ياظلعي اشتكت
دفعت الباب وكلامه والمصايب لنحجت
وان صاح وكسروا بابه
تحسبه من عد الصحابه
ماتصح فد يوم عدنه .... انبدل الضلمه بگمر
..........................................

السقيفه وكل اهلها اتروح فدوه لم حسن
حته ام ناگة الحمره وكل عشيره وكل وطن
بيوم من يظهر المهدي راح يبنيه الصحن
ومن ذهب گبه ومناير
وبالبقيع يكون حاضر
هناك ويحاسبها كلها.... يعيد ماضمه الدهر

...........................................

شي اكيد المالعنهم من يعد حيدر اخير
وهمه مايسون نعله ولا ضفر صبعه الصغير
كل عگلهم والخواچي جوه رجلين الامير
الزهره تاج اعليهه كلها
والله علوادم جعلها
وكلمن ماذي الزجيه .... راح العننه جهر

..........................................

خادمكم الاقل شرفاً

كرار اللامي

ضلع السمه
ينزف دمه
لو هذا ضلع الزهراء
...
باب اليجي عنده الوحي من الله خادم منذور
ينزل ملك يصعد ملك بعتابه يسجد ويزور
خلفه انكسر ضلع الشمس ما نزف دم ينزف نور
ساق هالعرش هذا انكسر لو ضلع فاطم مكسور

شصاب الرجس
ضلع الشمس
لو هذا ضلع الزهراء
..
فاطمه قرآن انعصر وعالارض طاح التنزيل
الكوثر يصب ماي شعجب من عنده شو دم يسيل
داود من گبره طلع يودع زبوره بهالليل
موسى اعله توراته بچه وعيسى نحب عالانجيل

والمصطفه
نوره انطفه
لو هذا ضلع الزهراء
...
موكب نجم من السمه نازل ابيت الزهره
نجمه تداوي بالضلع تندعي يلتم كسره
ونجمه تقبّل فاطمه بلكت تطيب السطره
ونجمه غفت فوگ الصدر من دمها صارت حمره
هالمنكسرُ
وجه البدر
لو هذا ضلع الزهراء
...
جبريل اجه يم فاطمه للحزن شايل رايه
من شاف ضلع المنكسر سوه لضلعها قرايه
أيتها النفس إرجعي لله وقره هالآيه
ربچ فرش ظِل العرش لفروضج امصلايه
شنهو انسحن
ركن السنن
لو هذا ضلع الزهراء
...
ويلا يباب ام الحسن منها شخذت وشخليت
چم ضلع بعدك كسرت چم نار بعدك شبيت
وبگلب الحسين وحسن هالليله تدري شسويت
بعيون زينب مگبره ياباب خليت البيت

هذا الضوه
بنار انچوه
لو هذا ضلع الزهراء
...
چف القلع باب الحصن بحاله الزمان شسوّه
معقوله حيدر منحني شفته وصحت مو هوّه
ملثم يشيع ارويحته وشايل نعشها گوّه
للگبر ماخذ فاطمه يمشي ويگصر الخطوه
من هو انكسر
فارس مضر
لو هذا ضلع الزهراء
...
خادم الحسين ( عليه السلام)
كرار حسين الكربلائي
( ابو كميل)

الدللول.. حظني كشخلك بيهه
الدللول .. ما لحكت احـــــجيهه
حظني خجل// كَماطك سال // وين محسن فاطمه
****************************
ترفه روحك يمه محسن كَماط حظرت ومهد
امنيتي جانت بس اكلك يادلي اللول الولد
فاركتني وحيرتني وياك حظي ماكعد
لا يغرد فوك داري بغيبتك طير السعد
نتظرتك.. ومساهره الليالي
نتظرتك.. حظن اليحبك خالي
جاك الاجل// كَماطك سال// وين محسن فاطمه
****************************
جوه ظهرك ردت امدهه ايدي بس مالحكت
بلا مشاعر حظن التراب أللمك لمن طحت
شهور يمه عشت بيه بهوه ريتي تمرجحت
يبس ريجي من ونيني كبلي ليش استشهدت
وره الباب.. ظلعي اللتقه بمنيتك
وره الباب.. يبني بدمع حاجيتك
ماظل امل//كَماطك سال// وين محسن فاطمه
****************************

ليش صوتك ماسمعته يمه بذني ماهمس
بعتبت البيت نار شبو وبيتي دخان انترس
جذوع بابي وبي عصرني كمت مااجر النفس
بالي يمك وانه اللوجن بصدري بسمار انغرس
صحت آه.. يفظه اتلاحكيني
صحت آه.. فلان العصر جنيني
من المحتمل// كَماطك سال// وين محسن فاطمه
****************************
بيه حسرت ام حنينه بكل مشاعرهه دفو
حظرتلك خظرمايه من حسد عين العدو
بكل صراحه يمه محسن ردتك الزينب اخو
بطاري اسمك جانت اتكول ثلث تنعام وكفو
بديهه.. فصلت زينب رايه
بديهه.. سمتهه بسمك هايه
دمعي نزل//كَماطك سال//وين محسن فاطمه
****************************





جنت اكولن من تناغي يحله وياك السهر
مانسيتك يالغيابك تارك ابروحي اثر
من اذكرك يفز جرحي وانسه ظلعي الي انكسر
حمره عيني وخدي ازرك بجف نذل يمه انسطر
اعرفه.. يمه السلب راحتنه
اعرفه.. الطشر شمل لمتنه
هذا الحصل//كَماطك سال//وين محسن فاطمه
*****************************
بعده وكتك عالمنايه وينك اوين الكبر
ابالي عايش انته واسمك ربي ينطيني الصبر
ياوردتي بلايه عطرك كام مايسوه العمر
من كثر ما عليك انوحن الليل هداعله العصر
اجه الليل.. وانطيته دمعت عيني
اجه الليل.. وياريــــــــــته مايجيني
كلبي جفل// كَماطك سال//وين محسن فاطمه
تمت___ علاء الزيدي