حرفو كل المواقف والعلم
وليش بالتايخ هلگد منظلم
ــــــــــــــــــــــــــــــــــــــ
يلحسن يبن اشرف واطهر نسب
الينطي و واليكرم گبل لا ينطلب
وابصفاتك چان محتاره العرب
ابدلتك انته انعرف شنهو الكرم
ــــــــــــــــــــــــــــــــــــــ
انته من حيدر علي وارث لثام
اتلبسه وع الفقره تفتر ما تنام
وحتى ما تنعرف تطلع بالظلام
ونفس حيدر تنكسر بسم اليتم
ــــــــــــــــــــــــــــــــــــــ
ونسو متغذي العلم من فاطمه
وابن المرجع الشمس حامي الحمه
محبس الكون ابئديك ويه السمه
والكون وافلاكه ابديتك يلظم
ــــــــــــــــــــــــــــــــــــــ
سكت تاريخ الحرب عن لا يحير
آل هاشم لآل هاشم بس نظير
ابن قتال العرب يعني اشيصير
ونته المعلم الشهم يصبح شهم
ــــــــــــــــــــــــــــــــــــــ
بس كرم تاريخك وجود انقره
وانته حاظر كل حرب يم حيدره
وانته المركظ الزلم للگنطرة
وشردو وگامو زلم تردم زلم
ــــــــــــــــــــــــــــــــــــــ
احچي عن امجادك ابحجه وبيان
ابن ابوك وچنت طلع كل مچان
والگناطر روسهم بالنهروان
وعده حظ حسبو المنك ينهزم

علي الحميداوي الكربلائي