#foydali_maslahat
Yangi yilning birinchi oyi ham o‘z yakuniga yetib bormoqda. Siz esa rejalashtirgan ishlaringizga ulgurmayotganingizdan xafamisiz? Balki energiyangiz kamlik qilayotgandir? Keling, energiyani to‘diradigan manbalar haqida gaplashamiz.
1. Sukunat
Diqqatimiz reallikni shaklantiradi. Shovqinga e’tiborimizni qaratsak, u butun diqqatimizni, shu jumladan, energiyamizni so‘rib oladi. Sukunatni his qiling va ongingiz qanchalik tiniqlashganiga guvoh bo‘lasiz.
2. “Yo‘q” so‘zi
Har doim “ha” deb javob bersangiz, bu nafaqat ortiqcha ish orqali, balki xafalik orqali ham (sizdan foydalanishayotgani haqidagi hissiyot) energiyangizni oladi.
3. G‘oyalar o‘ylab topish
Ta’lim olish, yangi g‘oyalar va kashfiyotlar energetik resursga aylanadi. Aybdorlik hissi va ta’nalar esa, aksincha, holdan toydiradi va shundog‘am energiyaning cheklangan zaxiralarini xatolarni tuzatishga sarflaydi va yomon kayfiyat uyg‘otadi.
4. Kofein
Kofe yoki tarkibida kofein mavjud bo‘lgan ichimliklardan maksimal darajada foyda olish uchun ikkita qoidaga rioya qiling: miqdorini cheklang va uyg‘onganingizdan so‘ng darhol ichmang. Tushdan keyin, bir chashka ichsangiz, tetiklashtiradi.
5. Kunduzgi uyqu
15-20 daqiqalik uyqu bir kunni ikkita qiladi! Muhimi – juda uzoq uxlab yubormaslik, yo‘qsa, teskari natija yuz beradi.
6. O‘z vaqtida ovqatlanish
Och qolish hamda intensiv jismoniy yoki aqliy zo‘riqishlar – butunlay nomutanosibdir. Yetarlicha oziqlanmasagniz, miyangiz o‘zini “yeya boshlaydi”. Bu jarayon autofagiya deb nomlanadi. Uning yordamida organizm ozuqa yetishmovchiligini bor kuchi bilan to‘ldirishga intiladi. Shunday ekan, miya hujayralaringiz siz uchun qadrli bo‘lsa, to‘g‘ri ovqatlanish juda muhim.
7. Kam uglevodli diyeta
Shakar miqdorining ko‘pligi energiyaning keskin oshib-kamayishlariga olib keladi va ba’zida zaiflik hamda apatiyaga sabab bo‘ladi. Asosiy ovqat tanovullaridan tashqari u-bu narsa yeb olishni juda istasangiz – mevalar, yong‘oqlar iste’mol qiling.
8. Jismoniy mashqlar
Jismoniy mashqlar yurak va o‘pkalarni tezroq ishlashga majbur qiladi – organizmning har bir qismidagi hujayralarga ozuqa moddalarini yetkazish uchun.
9. Yer
Har kuni ikki daqiqa yerda oyoqyalang yuring. Bundan uyqungiz yaxshilanadi va stressdan so‘ng organizmni tiklaysiz. Plyajda yoki o‘tloqda yurganingizda energiya ko‘payganini sezishingiz shundan.
10. Sovuq
Hujayralarda energiya ishlab chiqaruvchi mitoxondriyalar yashaydi. O‘zingizni tetik yoki so‘lg‘in his qilishingiz mitoxondriyalarga bog‘liq. Mitoxondriyalarni uyg‘otishning eng yaxshi usuli sovuqni his qilishdir. Muzday suvga yuvining yoki sovuq havodan nafas olish uchun ko‘chaga chiqing.
11. Quyosh nuri
Yorug‘lik gipotalamusga va bez bilan bog‘liq barcha organlarga uyg‘onish va ogoh bo‘lish haqida signal beradi. Bundan tashqari, yorug‘lik biologik soatlarimizni ham sozlaydi: kunduzi quyoshda yursangiz kechasi tezroq uyquga ketasiz, bu esa yaxshi uxlaysiz va ertalab tetik uyg‘onasiz degani.
12. Tezda uy tozalash
Charchoq kuchaysa va aqlingiz yaxshi ishlamasa, birinchi navbatda, stol va ofisdagi tartibsizlikni tuzatishga harakat qiling. O‘ndan to‘qqiz holatlarda tez tozalash ishlari quvvatlanishga yordam beradi.
13. Harakatlarning aniq ejasi
Bir kunda nimalar qilishingiz kerakligini bilsangiz, asosiy narsalarga e’tibor qaratsiz, to‘siqlarni yengish yo‘llarini qidirasiz. Demak, oddiygina reja kun davomida anchagina kuchingizni asrab qoladi.
14. Shukronalik
Hatto og‘ir damlarda ham hayotga rahmat aytishga sabablaringiz borligini eslash sizga kuch bag‘ishlaydi.
#davomi_bor...
Manba: xabardor.uz
Yaqinlaringizga ham ulashing:@kitob_qadri
