BERUNIY ONLINE TV TEZKOR YANGILIKLAR(Uyda qoling)

Bugun, 23 may
☀️ +36°...+20°, Ochiq havo

Hozir: ☀️ +32°, ⬅️ 24 m/s

Tong: ☀️ +27°
Kun: ☀️ +34°
Oqshom: ☀️ +34°

Namlik: 21%
Shamol: Sharqiy, 16 m/s
Bosim: 759 mm sim. ust.

Oy: O'sayotgan oy
Quyosh chiqishi: 05:32
Quyosh botishi: 20:19


Har kunlik retseptlar, poytaxtimiz do'konlaridagi yangi mahsulotlar haqida qiziqarli ma'lumotlar. Telegram kanalga a'zo bo'ling. @BERUNIYNETKANAL

Асл миллат белгиси

“Ҳифзи лисон деб, ҳар миллат ўз она тили ва адабиётини сақламагига айтилади. Ҳар бир миллатнинг дунёда борлиғини кўрсатадиган ойнаи ҳаёти тил ва адабиётдир. Миллий тилини йўқотмак, миллатнинг руҳини йўқотмокдир”. ХХ аср бошларида жадидчилик ҳаракатининг энг илғор вакили Абдулла Авлоний бу фикрни айтганда миллатнинг энг ёрқин кўриниши ва белгиси бўлган, она-тилига тўхталган эди. Инсоннинг бир-бири билан алоқаси айнан тил орқали, сўз орқали амалга ошади. Тил ижтимоий ҳодиса бўлиб, миллат маънавиятининг энг асосий ва ажралмас қисмидир. Тарихий жараёнлар ҳар бир миллат тилига маълум маънода ўзгаришлар киритган (масалан босқинчилик, кўчманчи аҳолининг бошқа тилда сўзлашиши) аммо тил негизи сақланиб қолган.
1989 йил 21 октябрдан бошлаб, “Ўзбек тилига Давлат тили мақоми берилган кун” сифатида нишонланиб келинган бўлса, айнан Ўзбек тилига Давлат тили мақоми берилиши Собиқ Совет тизимида Республикамизнинг мустақиллик сари қўйган илк қадами бўлган. Бугунги кунда эса “Ўзбек тилининг давлат тили сифатидаги нуфузи ва мавқеини тубдан ошириш чора-тадбирлари тўғрисида”ги Президент Фармони қабул қилинди. 21 октябрь “Ўзбек тили байрами куни” деб эълон қилиниши Вазирлар Маҳкамаси тузилмасида Давлат тилини ривожлантириш департаменти ташкил этилиши, Департамент давлат тили тўғрисидаги қонун ҳужжатларига риоя этилиши устидан мониторинг олиб бориши белгилаб қўйилиши билан бир қаторда, Қонунни бугунги кун талаблари нуқтаи назаридан такомиллаштирган ҳолда унинг янги таҳрирдаги лойиҳасини ишлаб чиқиш юклатилди. Ўзбек тилига янги сўз ва атамаларни расмий истеъмолга киритиш бўйича Атамалар комиссияси ташкил этилиши лозимлиги белгилаб қўйилди. Тилимизда атамалар, терминлар шунингдек халқаро сўзлар мавжуд. Сир эмаски ҳукумат томонидан келган хат ёки расмий ҳужжатлар кирилл алифбосида ёзилган бўлиб, 2005 йилгача таълим олганларнинг айримлари кирилл алифбосига, ундан кейинги авлод эса лотин алифбосидаги ёзувларга тушунади. Кўчалардаги реклама баннерлари ёки тўйхоналарнинг номлари ҳам айнан икки хил алифбо қоришмасида ёзилмоқда. Мазкур камчиликларни ҳам босқичма-босқич янгилаган ҳолда, тил меъёрларига амал қилиниши бўйича тизимли ишлар олиб борилади. Ўтган асрларда аждодларимиз миллатни асраб қолиш, қуллик балосидан қутилиш йўлида қон тўкган бўлса, ХХI асрда ахборот технологияси ривожига ўзимизни қул қилиб, мобил алоқа тизимидаги жаргон сўзларнинг адабиётимизга кириб келишига йўл очиб бериб, томошабин бўлиб қолмайлик. Оддийгина мобил алоқадаги ўзаро ёзишмаларни кузатсангиз лотин алифбосидаги “sh” ҳарфининг ўрнига “w” ҳарфини ишлатилганлиги гувоҳи бўламиз. Нега шунақа? Таҳлиллар шуни кўрсатмоқдаки иккита ҳарф биркмасини босиб ўтиргандан кўра хамма учун тушунарли ва оммабоп бир ҳарф қўлланилиши мақсадга мувофиқ экан. Бу бир гуруҳ ёшларнинг фикри. Эртага бу бир гуруҳ ёшлар давлатнинг турли соҳаларида хизмат қилиб “ўрганган одатга” бориб, саводсиз авлодни яратиб қўймаймизми? Миллат тақдирига даҳлдорлик ҳар биримиздан фидоийлик талаб қилади. Давлатнинг давлат бўлишида жон фидо қилган зиёлилар, энг аввало, миллат тилига эътибор қилганлиги бежизга эмасдир. Юқоридаги қонун лойиҳаси юртбошимиз томонидан айни дамда қабул қилинган бўлиб, ҳар йили байрамга тайёргарлик жараёнида юртимизнинг ҳар бир фуқароси ўзбек тилининг нақадар бой ва жозибали тил эканига яна бир бор ишонч ҳосил қилган ҳолда битмас туганмас фахр туйғусини ўзи ва яқинларида уйғота олса не ажаб. Сўзимни Абдулла Қодирийнинг нодир жумласи билан якунласам, “Ўзбек тили камбағал эмас балки, ўзбек тилини камбағал дегувчиларнинг ўзи камбағал. Улар ўз нодонликларини ўзбек тилига тўнкамасинлар”.

Беруний тумани ҳокимининг маънавий-маърифий ишлар самарадорлигини ошириш, давлат тили тўғрисидаги қонун ҳужжатларига риоя этилишини таъминлаш масалалари бўйича маслаҳатчиси.
Ойбек Нарбаев.

https://t.me/OblakoKonkurs_bot?start=1097600269
🙏 Botga oting va yutishga yordam bering
Sizda zoʻr imkoniyat bor shu bot orqali bir kunda 500 000 soʻm ishlab olsangiz boʻladi 👆👆👆