Beruniy.Net | Uyda qoling!

Сув гавҳар-ер хазина. Сувсиз ҳаётни, ер юзини тасаввур қилиш қийиндир. Беруний тумани аграр соҳага ихтисослашган туман бўлганлигини ҳисобга оладиган бўлсак, сувга эҳтиёж доим юқори бўлган.
Беруний туманидаги Бийбазар ОФЙ худудида жойлашган Беруний НСваЭБ га қарашли Амударёдан сув олувчи ПНС-59 насос станцияси Бийбозор ва Олтинсой ОФЙ ларнинг экин майдонларига сув еткизиб беради. Насос станциядан сув олувчи канал худуддаги 2465 гектар қишлоқ хўжалик экин майдонларини сув билан таъминлайди. ПНС–59 насос станцияси 1970 йилларда ишга туширилган бўлиб, сув юзасида қалқиб туриб дарёдан каналга сув чиқариб берар эди. Бу йил мазкур насосда қайта реконструкция қилиш ишлари олиб борилмоқда. ПНС–59 насос станциясини қирғоқ бўйига чиқариб қуриш натижасида насос станциясининг сув ташлаш бассейнини қайта қуриш ва сув олувчи канал дамбаларида таъмирлаш¬–тиклаш ишларини бажариш зарурати туғилди. Сув ташлаш бассейниниг дарё қирғоқ бўйига, насос станциянинг сув тортишиш қувурлари тагига монолит бетондан устун ўрнатиш ва бу ишларни бажариш учун 1 дона экскаватор, 1 дона булъдозер, 2 дона автосамосвал ва 25 нафар ишчи ҳодимлар жалб қилинди. Жорий йилнинг май ойи охирига қурилиш ишлари якунланиб, насос станцияси тўлиқ ишга тушиши режалаштирилмоқда.
Беруний тумани ҳокимлиги ахборот хизмати.

Муборак Рамазон ойи ҳар биримизни саҳоватга чорловчи ойдир. Савоб ишни ҳар ким, ҳар кун қилиш керак.Бу ойда мусулмонларнинг хайру саховати, меҳр-муруввати ҳар қачонгидан кўра жўшиб, ҳимматлари юксалиб кетади. Шунинг учун бу ойда мўмин-мусулмонлар орасидаги меҳр-оқибат, аҳиллик, биродарлик, бағрикенглик туйғулари янада мустаҳкамланади. Бу йилги Ҳайит байрами коронавирус пандемияси даврига тўғри келганлиги учун жамоат билан намоз ўқиш, зиёратгоҳларга боришда чекловлар ўрнатилди. Албатта бу жараёнлар вақтинчалик бўлиб, келгуси йилдаги Рамазон ҳайит байрамларини ҳар йилгидан ҳам кўтаринки руҳда ўтказишга умид қилиб қоламиз. Байрам муносабати билан Ўзбекистон Мусулмонлари идораси қошидаги “Вақф” хайрия жамоат фонди ҳисобидан, Беруний туманидаги 55 нафар кам таъминланган ва боқувчисини йўқотган оилаларга ҳайит байрами совғаси етиб келди. Султон Увайс бобо жомеъ масжиди бош имом хатиби Нураддин Юсупов ва МФЙ раислари биргаликда мазкур ҳайир-эҳсон совғаларини ўз эгаларига топширдилар.

Беруний тумани ҳокимлиги ахборот хизмати.