BuxDTI press klubi


Гео и язык канала: не указан, не указан
Категория: не указана


BuxDTI da yana qanday o'zgarishlar bo'lishini istaysiz?!🌠Qanday muammo va takliflar mavjud? Adminga murojat qiling. Biz sizning fikringizga befarq emasmiz.
Admin: @Aziz8477
@muhammad6068
@Sardor_medik

Связанные каналы

Гео и язык канала
не указан, не указан
Категория
не указана
Статистика
Фильтр публикаций


Music time🎼
Бугунги байрамга мос қўшиқ😊☺️❤️❤️❤️




🌙 Ramazon tafti shunday sinovli kunlarda biz uchun katta tasalli bo’ldi. Sabr va mehnat qilgan har bir kunimizga o’zi biladigan adadicha ajr bersin. Xalqimiz, yurtboshimiz va oila a’zolarimiz hamisha salomat bo’lishsin. Yoshlarimiz bilimli, salohiyatli va sog’lom bo’lishsin. Yaqinlaringiz va oila a’zolaringizni bizning jamoamiz nomidan ham tabriklab qo’ying. Tabrik va tilaklar jo’natgan do’st va yaqinlarimizga ham ayyom muborak bo’lsin!
😊




Унда бир ўзгача руҳият яшар:
Рамазон - биламиз яхшилигини.
Мабрук ой яхши бир инсонга ўхшар -
Кетгач, ҳис қиламиз яхшилигини.






​​Арафа ҳақида

Арафа кунини болаликдан яхши кўрардим. Чунки бу куни ҳамма уйда ош қилинади, бир бирига улашилади. Буни ўзгача гашти бор.

Мен энг ҳайрону лол қоладиган жиҳатларидан бири шундаки, уйдаги аёллар нимагадир точно билишади қайси коса қайси қўшниники эканлигини, улар ҳеч қачон адашмайди. Масалан ҳамма косалардаги ошлар ейилган ёки бошқа идишга бўшатилган, 8 та бўш косани гулига қараб ажратиб беришлари мумкин аёллар қайси бири Лола опаларникидан чиққан, қайси бири Зуҳра опаларники. Мен масалан Наполеон Бонапартнинг ака укаларини ҳаммасини исмини ёддан айтиб беришим мумкин ёки Манчестер Юнайтед таркибини йилларига қараб айта оларман аммо косаларни кимникилигини ўлай агар ажрата олмайман. Мен учун ҳаммаси просто коса.

Яна арафа куни қўшнимизни қизи бизникига доим ош олиб чиқарди, биз эса опам билан қўшниларга ош олиб чиқишни талашардик ва ўша қўшни қизникига ош олиб чиқиш навбати менга тушиши учун бутун бошли концепция ва йўл харитаси ишлаб чиқардим.😁 Талашиб тортишиб ошни олиб чиқсам, акаси чиқарди ха братишка қалесан деб.😏

Арафа муборак!🌹

@nurbekalimov




Репост из: Файзбоғ (ТемурМалик)
​​Машҳур олим: «COVID-19 га қарши тайёрланаётган вакциналар ишончли эмас»


Чоршанба куни AҚШ ҳукуматининг пандемияни олдини олиш мақсадида қўйилган чекловларни енгиллаштириш тўғрисидаги қарори қабул қилингач, машҳур олим ҳозирда COVID-19 га қарши ҳар қандай вакцинага ишониб бўлмаслигини таъкидлади. Саратон, ОIV/ОITS касалликларининг инсон геномига оид лойиҳаларни тадқиқ қилишнинг асосчиси Уилям Хаселтайн ҳозирда инфекцияни диққат билан кузатиш ва касаллик бошланганда беморни қаттиқ изоляция қилиш орқали касалликнинг тарқалишини бошқариш — энг самарали усул эканлигига ишонмоқда.

Хаселтайн COVID-19 вакцинасини ишлаб чиқариш мумкин бўлса-да, ундан фойдаланиш нотўғри эканлигини билдирди. Олимнинг фикрича, илгари коронавируснинг бошқа турлари учун вакцина ишлаб чиқилган бўлиб, бурундаги шиллиқ пардалар организмга вирусни киришидан ҳимоя қила олмаган. “Вакцина ёрдамисиз ҳам инфекция юқтирган одамларни аниқлаб, ташқи ҳаётдан изоляция қилиш йўли орқали самарали даволатишга эришиш мумкин”, — дейди олим.

Хаселтайн одамларни ниқоб тақишга, қўлларини, юзларини тоза ювиб, бир-биридан масофа сақлашга чорлади. Олим Хитой ва бошқа бир қатор Осиё давлатлари ушбу стратегияни муваффаққиятли қўллаганини айтар экан, AҚШ бошқа давлатларни вирус юқтирганларга нисбатан “мажбурий ўзини изоляция қилиш” тизимини жорий этишда етарли чоралар кўрмаганликда айблади.

“Хитой, Жанубий Карея ва Тайван инфекция билан курашишда энг яхши чораларни кўрди, AҚШ, Россия ва Бразилия эса ўзбошимчалик билан нотўғри йўл тутди”, — дейди у ўз нутқида.

“COVID-19 вакцинасининг ҳайвонларда ўтказилган эксперимент синови натижасига кўра, ўпкадаги вирус ўз кучини камайтирган, бироқ инфекция барибир сақланиб қолган. Ҳозирги кунда вирусга чалинган беморлар COVID-19 дан даволаниб чиққанлардан антивирусларга бой плазмани олишмоқда. Дорихона сотувчилари ушбу зардобнинг тозаланган ва концентрланган вариантларини ишлаб чиқариш устида ишламоқда. Гипериммун глобулин деб номланувчи бу махсулот биринчи ва ҳақиқий даволаниш дориси бўлиши мумкин. Шунингдек, моноклонал антиклонларни тадқиқ қилиш ва вируснинг инсон ҳужайраларига кириш қобилиятини нейтраллаштириш бўйича тадқиқотлар олиб бориш керак”, — деб Уилям Хаселтайн сўзларидан иқтибос келтирмоқда Reuters агентлиги.


Саида Мирзаабдуллаева тайёрлади

#ЁшИстеъдод


«Файзбоғ» телеграм каналига аъзо бўлинг:
https://t.me/joinchat/AAAAAEL3NfcSopuzcfwL-w


Репост из: Turkiya kundaligi
TURK TILI ONLAYN KURSI UCHUN RO‘YHATDAN O‘TGANLAR, BUNI ALBATTA O‘QING!

Avvalo shuni aytish kerak-ki, bu kurs Azarbayjon, Qirg’iziston, Qozog’iston, Turkmaniston va O‘zbekiston fuqarolari uchun tashkillashtirilgan.

Har bir guruhda tahminan 10-16 kishi ta’lim oladi. Bu har bir davlatdan olinuvchi o‘quvchi sonini anglatmaydi. Har bir davlatdan nechta va qanday me’zonlarga ko‘ra o‘quvchi tanlab olinishi haqida ma’lumot yo‘q.

Qabul qilingan o‘quvchilar STS sinovidan o‘tadi va olgan baholariga ko‘ra turk tili darajasi aniqlanadi va shunga ko‘ra A1, A2, B1, B2, C1, C2(C1+) saviyadagi guruhlarga joylashtirib chiqiladi.
Bu nima degani? Siz kursga qabul qilinganingizdan keyin onlayn tarzda test yoki yozma sinovdan o‘tasiz. Aytaylik siz shu sinovda 20 foizlik natija ko‘rsatdingiz. Siz, aytaylik A2 saviyasidagi guruhda dars olib boshlaysiz. Yoki 80 foizlik natija ko‘rsatdingiz C1 saviyasidagi guruhga joylashasiz. Bular bir misol xolos. Foizlar ko‘rsatkichi ochiqlanmagan. Mantiq tahminan shunday.

Kurs 1 yil davom etadi deyilgan. Lekin siz boshida imtihon natijalarini yuqori tutsangiz saviyasi yuqoriroq guruhga joylashasiz va tabiy-ki kursni belgilangan vaqtdan ertaroq tugatasiz. Boshlang’ich sinovda A1 darajasidagi natija ko‘rsatsangiz albatta bir yil o‘qiysiz.

Har bir bosqich so‘ngida sinovlardan o‘tasiz. Imtihon natijalaringizga ko‘ra siz yil so‘ngiga qadar ball yig‘ib borasiz, sertifikat olish vaqtida sertifikatingiz sizni yil davomida yig’ib kelgan ballaringiz o‘rtalamasi yozib beriladi va bu raqam sizni kursdan keyin tilni o‘zlashtirganlik darajangiz ko‘rsatkichi hisoblanadi. Shuning uchun g’ayrat qikib qund bilan o‘rganing.

Kurs so‘ngida sizga Yunus Emre institut tomonidan tayyorlangan maxsus kurs qatnashuvchisi degan hujjat olasiz. bu hujjatni olish uchun kurs so‘ngida o‘zlashtirish ko‘rsatkichlaringiz eng kamida 70 foiz bo‘lishi kerak.

Bu hujjatning biror yerda foydasi tegadimi?

Ha! Ishonavering tegadi. Tegmagan taqdirda boshingizdagi olgan bilimingizni foydasi tegishi aniq.

Dars davomida institut tomonidan maxsus elektron kitoblar bilan taminlanasiz. Darslar Zoom yoki Microsoft Team dasturi orqali o‘tiladi.

Asosiy savollardan biri: men universitet talabasi emasman, bu kursda qatnasha olamanmi?

Aynan shu savolga javob olish uchun Yunus Emre institute bilan bog’landim va ularning ta‘kidlashicha, kurs asosan universitet talabalari uchun tashkillashtirilgan. Lekin talaba bo‘lmaganlar qabul qilinmaydi degan biror kesin qaror yo‘qligini aytib o‘tdi va talaba bo‘lmaganlar ham ro‘yhatdan o‘tishini tavsiya qildi. Shunday ekan talaba bo‘lmasangiz ham ikkilanmasdan ro‘yhatdan o‘ting. Yo‘qotadigan narsangiz yo‘q.

Eslatib o‘taman, kurs uchun qabul 29-mayda yakuniga yetadi. Darslar 8-iyundan boshlanadi.
Quyidagi link orqali ro‘yhatdan o‘tishingiz mumkin: https://docs.google.com/forms/d/e/1FAIpQLSd-N9fY7u94BQEumvuncoSFwxiTcbRLxwJyELfiskBI0xnuhQ/viewform

Kanalga ulanish:@sherzoddavlatov


Репост из: Kun.uz | Расмий канал
Бухоро коронавирусдан холи ҳудудга айланди

👉 https://kun.uz/49930214

Kun.uz Telegram каналлари👇

Ўзбекча | O‘zbekcha | Русская


Репост из: Masofatalim™
​​⚡️⚡️“Masofaviy kimyo — 2020”

Kimyo fanidan yangi iqtidorlarni kashf etish, ularning intellektual salohiyatini oshirish, bilimli yoshlarni qo‘llab-quvvatlash maqsadida O‘zbekiston Yoshlar ittifoqi hamda Oliy va o‘rta maxsus ta’lim vazirligi hamkorlikda Masofaviy kimyo — 2020” olimpiadasini taqdim etadi.

🗓25-may, soat 11:00 daMasofaviy ta’lim" Telegram kanalida maktab o‘quvchilari (abituriyentlar) va Oliy ta’lim muassasalari talabalari uchun “Masofaviy kimyo — 2020” olimpiadasi bo‘lib o‘tadi.

🏆Musobaqa natijasiga ko'ra, har ikkala toifadan ham eng yuqori ko‘rsatgichga ega bo’lgan 3 nafar g'olib O‘zbekiston Yoshlar ittifoqi tomonidan ajratilgan pul mukofotlari va maxsus sertifikatlar bilan taqdirlanadi. Mukofotlar (umumiy qiymati 9.000.000 so‘m):
🥇1-o'rin 2.000.000 so'm
🥈2-o'rin — 1.500.000 so'm
🥉3-o'rin — 1.000.000 so'm

📝 Olimpiadadan qatnashish uchun ro‘yxatdan o‘tishning oxirgi muddati 24-may soat 20:00 ga qadar davom etadi.
❗️Ro'yxatdan o'tish uchun:
@arizamasofatalim_Bot

Olimpiadaning javoblari kimyo fanidan jalb etilgan maxsus ekspertlar tomonidan tekshiriladi.

‼️Olimpiada bo'lib o'tadigan manzil:
https://t.me/masofatalim


Репост из: Alisher Sadullaev
Bugun prezidentimizga “Raqamli shahar” IT parkida yoshlar uchun ko’plab loyihalarni taqdimot qildik. Eng asosiy vazifa yoshlar bandligini ta’minlash va ularning og’irini yengil qilish. Xorijda mehnat qilayotgan yoshlarimizga qulayliklar yaratish, ularni kasbga o’rgatish va kelajak avlod uchun raqobatbardosh kasb tanlashlarida yordam berish. Prezidentimiz har bir soha egalari, korxona va tashkilotlar rahbarlaridan tortib vazirlik idoralar rahbarlarigacha yoshlar uchun imkoniyatlarni ko’paytirish bo’yicha topshiriq berdilar. Andijon viloyatida har bir mahallagacha tushib, yoshlar bilan ishlash va ularni ish bilan ta’minlashni davom ettirishni topshiriq qilib berdilar. Xudo xohlasa, tadbirkorlik, innovatsiya, IT sohalarida ham yaxshi loyihalar amalga oshiramiz.

@alisher_sadullaev


Репост из: Даврон Файзиев
Хавф тарк этгани йўқ!

ССВ матбуоти хабар беришича, бугун касаллиги тасдиқланган 28 кишининг 20 нафари аҳоли орасидан аниқланибти.

Тошкент, Навоий ва Самарқандда бир неча киши оила аъзолари ва ҳамкасбларига юқтирган.

Карантин юмшатиляпти. Негаки деярли барча фуқаролар санитария ва ҳавфсизлик чоралари ҳақида тушунчага эга бўлди. Юқишининг олдини олиш энди индивидуал эҳтиёткорликка боғлиқ. Касаллик тарқалиши бутунлай тўхтамади. Маска, совун, антисептикларни канда қилманг.

https://t.me/Davron_Fayziev


Репост из: Volontyor.uz
✅Yoshlar parlamenti a'zosi bo'lmoqchimisiz?

🔴Unda sizni 22.05.2020-yil kuni soat 16:00 da bo'lib o'tadigan online konferinsiyamizga taklif etamiz!

https://t.me/volontyor_1


Репост из: Umid
Юқорида "Ориат доно" радиосида сардобаликларнинг талофатдан азият чекканлар эмас, тошқиндан чеккароқ ҳудудидан одамлар Президентга рўбарў келтирилгани ҳақида суҳбатдан парча қўйгандик. Шу бўйича бир мурожаатчи сўзлари:

"Ориат доно" радиосида бўлган гаплар айни ҳақиқат. Мен ўзим Сирдарё вилоят, Мирзаобод туманида яшайман. Бу йиғилишдагилар (харитадан кўришингиз мумкин) Гулистон тумани, Сайҳунобод тумани ва Гулистон шаҳрида истиқомат қилувчи ҳозирги ва собиқ амалдорлар. Каримов даврида ҳам йиғилишларга фақат шулар келарди. Бизни юртимизда кўзбўямачилик жуда авжига чиққан".

🔎👉 @bahodirahmedoff 👈🔍


Репост из: Zafarbek Solijonov
Видео недоступно для предпросмотра
Смотреть в Telegram
BBC UZBEK Сардоба фожиаси бўйича хулоса берган Нидерландия экспертларидан интервью олибди. Ўзбекистон ҳукуматига тегишли DUNYO хабар агентлиги улар берган таҳлил натижаларини нотўғри талқин қилган экан. Улар ўз норозиликларини ифодалаган.

Эсингизда бўлса, DUNYO хабар агентлиги рус тилида фожиага экспертлар кўп ёққан ёмғир, шамол тўлқини ёки қувурларнинг ички емирилиши туфайли содир бўлган бўлиши мумкин деди деб ёзди. Кейин ҳамма тарқатди. BBC'га маладес. Юқоридаги видеода ҳаммасини кўришингиз мумкин.

Ўзбекистон ҳукуматига тегишли DUNYO хабар агентлиги - эслаб қолинг😊

Kаналга уланинг:👇👇👇
https://t.me/zafarbeksolijonov


Репост из: Zafarbek Solijonov
Ўзим ижтимоий тармоқлар, интернет сайтларидан ўткир танқидларни ўқигач, баъзан “Ўзбекистон 24” телеканалини ҳам кўриб тураман. Шу онда стрессларим учиб кетади, негадир. Кеча “бир гуруҳ” журналистлар канални ҳазил аралаш танқидга олишди. Менда ҳам канал ҳақида ҳазил-ҳақиқатлар келиб қолди. Хафа бўлиш йўқ😌😉

Агар сен бизнинг қудратимизга шубҳа қилсанг, “Ўзбекистон 24” телеканалига боқ;

Ойнинг ўн беши қоронғу, ўн беши “Ўзбекистон 24”;

Агар жаннат ерда бўлса, “Ўзбекистон 24”дадир Ўзбекистон;

Ўзбекистонда иккита Ўзбекистон бор: бири интернетдаги, иккинчиси “Ўзбекистон 24”даги;

Танқиднинг югургани “Ўзбекистон 24” каналигача;

Дунёни сув босса, “Ўзбекистон 24”га нима ғам;

Антеннанг қийшиқ бўлса ҳам “Ўзбекистон 24”ни кўрсатсин;

Холамнинг ошини ширин қилган “Ўзбекистон 24”нинг сулув репортажлари;

“Ўзбекистон 24”: Бетимнинг қалини — жонимнинг ҳузури;

“Ўзбекистон 24”да ошнанг бўлса, қулоғингга пахта тиқ;

“Ўзбекистон 24”: тепага тупурма бетга тушар;

Гул бир ён тикан бир ён, “Ўзбекистон 24” бир ён;

“Ўзбекистон 24”: тилингда бўлса боринг, кулиб турар иқболинг.

😂😎😂

Давом эттиринг...

Kаналга уланинг:👇
@zafarbeksolijonov


❗Юраги бўшлар ўқимасин: ДТМ ҳақида ўтаям негатив фикрлар.

Айтилган 10 кун тугаганига 10 кун бўлмоқда. Ҳечким ДТМдан режасини айтишини кутмаяпти. Кутишнинг азоби ҳақида узундан узун гаплар ёзиш ниятимиз йўқ. Ўзбек абитуриентининг умри фақат кутиш билан ўтади.

Келинг, ўтган йиллар ва ҳозирги кун янгиликларини эсамизга келганича хотирламиз:

1. Тавсия этилган дарсликлар тасдиқланишини кутади, кечикиб янги ўқув йили бошланганидан 2 ой ўтиб эълон қилишади...

2. Нечта фандан имтиҳон бўлишини кутишади, кечикиб янги ўқув йили бошланганидан 4 ой ўтиб эълон қилишади...

3. CEFR ҳақидаги қарорни кутишади, судраб-судраб эълон қилишади ёки мажбурий фанлар тақдири нима бўлганини кутишади, 10 кунда айтамиз деб, алдаб кечикиб эълон қилишади...

4. Квоталар тасдиқланишини кутишади, кечикиб эълон қилишади...

5. Қабул бошланишини кутишади, қарорда айтилган санадан бошланмаслик ҳоллари ҳам бўлади. Қабул ҳам кечикиб бошланади...

6. Имтиҳон топшириб натижалар чиқишини ҳам кутишади. (Ҳозир кўп кутишмаяпти)

Ҳозир фақат ёмон тарафларини ёзяпмиз. Яхши ўзгаришлардан албатта хурсанд бўламиз, лекин яхши томонини айтиб мақташ ниятимиз йўқ. ДТМ ўз тизимни яхшилашга мажбур! Фаолияти учун халқ томонидан йиғилган солиқлар ҳисобига шаклланган бюджетдан ажратилаётган миллиардлаб пулларни оқлаши керак.

Ҳозир абитуриентлар аросатда тургандек. Мажбурий фанларни тинчгина ўқиб келаётган эди. Карантин сабаб соддалаштирамиз дейишди. Режа қиляпмиз дейишди, лекин аниқ гап айтишмади. Уларга фарқи йўқ. Қабул бошланишидан 1 кун аввал ҳам эълон қилса зарари йўқ уларга. Қийналадиган ДТМ эмас, бечора абитуриентлар!

Энг ёмони нима, биласизми?

ДТМнинг қабулга озгина вақт қолганда "Таклифимиз ваколатли органлар томонидан рад этилди. Узр энди абитуриентлар. Мажбурий фанларни олиб ташламайдиган бўлдик. Бошқача тарзда соддалаштирамиз тестни" дейиши. (Умид қиламизки, бундай бўлмайди. Катта эҳтимол билан мажбурий фанлар блоки жорий йилда олиб ташланади.)

Шунақа қилганда ҳам нима қилоласиз, ҳурматли абитуриентлар?! Қўлингиздан ҳечнарса келмайди. Режа қиляпмиз дегандингизку, нега айтилгандек бўлмади дейсизми? Сизни норози фикрингиз билан ҳечнарса ўзгармайди. Абитуриентларнинг фикр беришга, норози бўлишга ҳаққи йўқ. Улар фақат айтилганни қилишга мажбур. Йўқса катта кўча. Эсингизда бўлса, йил бошида мажбурий фанлар блоки қўшилиши ҳақидаги қарор лойиҳаси муҳокамаси ҳам кескин норозиликка сабаб бўлган эди. ДТМ эса барибир ўз принсипида қолиб билганини қилган эди. "Нега унда муҳокамага кириттинглар ўзи?" дейдиган одам бўлмади. ДТМ ўз бигини қилади. Эсингизда бўлса, эски абитуриентлардан ўқишга топшириш учун 1 минималка тўлов ундиришни ДТМ таклиф қилган. Бунга ҳам норозилик бўлди. Адлия вазирлиги эса, "бу қонунга зид, сенларга 0,5 минималка ҳам бемалол етади", деган фикр билан қарорни ўзгартиришган эди. Ёки бўлмаса, чет тилидан максимал балл олиш учун CEFR B2 талабни жорий қилишда ҳамма норози бўлган эди. "Аввал мактабларда B2 даражада ўқита оладиган ўқитувчиларни кўпайтириб қўй, таълим сифатига яраша талаб қўй" деб қаршилик қилишди. Ҳўш, нима бўлди? Барибир ДТМ айтгани бўлди. B2 талаби жорий этилди. Абитуриент ўқишга киришга етадиган билимни репетитордан пул эвазига эмас, аввало мактабдан бепул ўрганиши керак!

Балки буларнинг ҳаммаси вазият сабаб, айнан ДТМга боғлиқ эмасдир, лекин ҳамма буни билмайди. Ҳалқнинг қарғиши урадиган ташкилот бу ДТМ!

Ҳуллас, ўзимизда абитуриент бўлиш жуда қийин. Имтиёзга эга тоифаларни ҳисобга олмаса албатта. Фикрларнинг барчаси ИМХО.

Показано 20 последних публикаций.

871

подписчиков
Статистика канала