Fasabbih

Жумъа кунидаги баъзи суннат ва одоблар.

•Имом Абу Довуд Авс ибн Авс розияллоҳу анҳудан ривоят қилган ҳадисда Расулуллоҳ соллаллоҳу алайҳи ва саллам: «Кунларнинг энг яхшиси жумъа кунидир. Бу кунда менга кўп солавот айтинглар, чунки сизларнинг солавотинглар менга кўндаланг қилинади», дедилар. Саҳобалар: «Ё Расулаллоҳ, сиз чириб кетган бўлсангиз, сизга қандай қилиб солавотимиз кўндаланг қилинади?», дедилар. Расулуллоҳ соллаллоҳу алайҳи ва саллам: «Аллоҳ таоло ерга Пайғамбарлар жасадини ейишни ҳаром қилди», дедилар.


•Имом Муслим ривоят қилган ҳадисда Расулуллоҳ соллаллоҳу алайҳи ва саллам дедилар:
”Ким менга бир марта салавот айтса Аллоҳ унга ўн марта салавот айтади”.


•Имом Муслим ривоят қилган ҳадисда Каъб ибн Ужра розияллоҳу анҳу шундай дейди: Бир куни Расулуллоҳ соллаллоҳу алайҳи ва саллам бизнинг олдимизга чиқдилар. Биз: «Ё Расулуллоҳ, сизга қандай салом беришни биламиз, лекин сизга қандай саловат айтамиз?», дедик. Шунда у зот: «Аллоҳумма солли ъалаа Муҳаммадив ва ъалаа аали Муҳаммад кама соллайта ъалаа аали Иброҳим, иннака ҳамийдум мажийд. Аллоҳумма бaрик ъалаа Муҳаммадив ва ъалаа аали Муҳаммад кама баарокта ъалаа аали Иброҳим, иннака ҳамийдум мажийд”, денглар», дедилар. (Маъноси: Эй Аллоҳ! Иброҳимга ва унинг оила аҳлига сано-раҳмат ёғдирганинг каби Муҳаммадга ва унинг оила аҳлига ҳам сано-раҳмат ёғдиргин. Албатта Сен мақтовли ва улуғ Зотсан. Эй Аллоҳ! Иброҳимга ва унинг оила аҳлига баракот-хайр ато этганингдек Муҳаммадга ва унинг оила аҳлига ҳам баракот-хайр ато этгин. Албатта Сен мақтовли ва улуғ Зотсан.)


•Муттафақун алайҳ бўлган ҳадисда Абу Ҳурайра розияллоҳу анҳу шундай дейди: Расулуллоҳ соллаллоҳу алайҳи ва саллам жумъа кунини зикр қилиб: «У кунда бир *соат борки, унга мусулмон киши намоз ўқиган, Аллоҳдан бирон нарсани сўраган ҳолда тўғри келса, Аллоҳ унинг тилагини албатта беради», дедилар ва қўллари билан у вақтнинг жуда оз эканига ишора қилдилар.


•Имом Байҳақий ва имом Ҳоким Абу Саид ал-Худрий розияллоҳу анҳудан ривоят қилган ҳадисда Расулуллоҳ соллаллоҳу алайҳи ва саллам: «Ким жумъа куни “Каҳф” сурасини ўқиса, у учун икки жумъа оралиғини нур билан мунаввар қилиб туради», дедилар. (Албоний саҳиҳ деган).


•┈┈┈•✿~❁~✿•┈┈┈•


Жумъа куни улуғ айёмлардан бўлиб, Аллоҳ таоло бу кундан яҳуд ва насороларни маҳрум қилиб, ўзининг фазли карами билан уни бу умматга хос қилди. Жумъа намозини ўқиш гуноҳ сағиралар ( кичик гуноҳлар) учун каффорат бўлади. Унда бир соат борки, қайси бир мусулмон киши бу соатга Аллоҳ таолодан бирон нарсани сўраган ҳолда мувофиқ келса, Аллоҳ таоло уни албатта беради. Имом хутба қилаётган пайтда беҳуда иш ёки сўз билан машғул бўлиш жума савобини кетказади ва шу одамни гуноҳкор қилади. Абу Ҳанифа хутбага қулоқ солиш вожиб ундан машғул бўлиш ҳаром деганлар. Бу ҳолат имом хутбани бошлаганидан то минбардан тушгунича бўлади.

*Жумъа кунидаги дуо ижобат бўладиган вақт ҳақида уламолар кўп сўзларни айтганлар улардан кучлироғи имом хутба учун минбарга чиққандан бошлаб то жумъа намози ўқиб бўлингунича сўнгра аср намозидан кейин то қуёш ботгунча, бу сўзларни қувватловчи саҳиҳ ҳадислар мавжуд. Мазкур икки вақтда мусулмон киши дуода астойдил бўлиши керак.


•┈┈┈┈•✾•┈┈┈┈•
👥Яқинларингизга ҳам етказинг.
Улашинг⬇️📲
https://t.me/Fasabbih

(Instagram ) каналимиз:
Instagram.com/Fasabbih1

Абу Исо Ат-Термизий юқоридаги ҳадис шарҳида айтади: “Шунга кўра, Росулуллоҳ соллаллоҳу алайҳи ва салламнинг саҳобалари ва улардан ташқари тобеинлардан бир гуруҳ олимлар “Жамоат намози ўқиб бўлинган масжидда қайтадан жамоат бўлиб намоз ўқишнинг зарари йўқ (жоиз)”, деган. Имом Аҳмад ва Исҳоқ ибн Роҳавайҳ шундай фатво берган.

Бошқа бир гуруҳ олимлар эса “Жамоатдан кеч қолган киши якка ўзи намоз ўқийди”, деган. Суфён Саврий, Абдуллоҳ ибн Муборак, Имом Молик, Имом Шофеий шу мазҳабда бўлишган”.

عَنْ أَبِي سَعِيدٍ الْخُدْرِيِّ رَضِيَ اللهُ عَنْهُ، قَالَ: أَنَّ رَسُولَ اللهِ صَلَّي اللهٌ عَلَيْهِ وَ سَلَّمَ أَبْصَرَ رَجُلًا يُصَلِّي وَحْدَهُ، فَقَالَ: أَلَا رَجُلٌ يَتَصَدَّقُ عَلَى هَذَا فَيُصَلِّيَ مَعَهُ؟

Абу Саид Ал-Худрий розияллоҳу анҳу айтади: “Росулуллоҳ соллаллоҳу алайҳи ва саллам масжидда бир ўзи намоз ўқиётган кишини кўриб, “Бу одамга эҳсон қиладиган – у билан бирга (жамоат бўлиб) намоз ўқийдиган киши йўқми?” – дедилар”. Абу Довуд (574). Шайх Муҳаммад Носируддин Албоний “Саҳиҳ ҳадис” деган.

Бу ҳадисда Абу Саид Ал-Худрий розияллоҳу анҳу Росулуллоҳ соллаллоҳу алайҳи ва саллам масжидда ёлғиз ўзи намоз ўқиётган кишини кўриб қолганларини айтяпти. Бу нафл эмас, фарз намози бўлган. Шунинг учун Росулуллоҳ соллаллоҳу алайҳи ва саллам саҳобаларига “Бу одамга эҳсон қиладиган – яъни, унга яхшилик қиладиган, савобини кўпайтирадиган – у билан бирга намоз ўқийдиган киши йўқми?” – деб сўрадилар. Чунки кимдир у билан бирга намоз ўқиса, жамоат намозининг савоби ҳосил бўлади. Шунда унга қўшилиб намоз ўқиган киши худди у одамга эҳсон қилгандек бўлади.
Ушбу ҳадисга кўра икки киши бирга намоз ўқиса, бу жамоат намози бўлади.

Айни мавзуда қуйидаги ҳадис ҳам бор:

عَنْ جَابِرِ بْنِ عَبْدِ اللهِ رَضِيَ اللهُ عَنْهُمَا، قَالَ: أَنَّ مُعَاذَ بْنَ جَبَلٍ كَانَ يُصَلِّي مَعَ رَسُولِ اللهِ صَلَّى اللهُ عَلَيْهِ وَسَلَّمَ الْمَغْرِبَ ثُمَّ يَرْجِعُ إِلَى قَوْمِهِ فَيَؤُمُّهُمْ.

Жобир ибн Абдуллоҳ розияллоҳу анҳумонинг ҳадиси: “Муоз ибн Жабал розияллоҳу анҳу Росулуллоҳ соллаллоҳу алайҳи ва саллам билан бирга шом намозини ўқир, кейин қавмига (маҳалласига) қайтиб, уларга имом бўлиб намоз ўқиб берар эди”. Термизий (583). Шайх Муҳаммад Носируддин Албоний “Саҳиҳ ҳадис” деган.

Абу Исо Ат-Термизий ушбу ҳадис шарҳида айтади: “Имом Шофеий, Имом Аҳмад ва Исҳоқ ибн Роҳавайҳ: “Агар бир киши жамоатга имомлик қилиб ўқиб бераётган намозини бунгача ўқиб олган бўлса, унга иқтидо қилганларнинг намози дуруст бўлади”, деган ва юқоридаги Жобир розияллоҳу анҳунинг ҳадисни далил қилиб келтирган. Бу ҳадис эса саҳиҳдир”.

Муоз ибн Жабал розияллоҳу анҳу ҳақидаги ҳадис шом намозини ҳам аввал жамоат билан ўқиб олган киши уни қайтадан, бошқа кишилар билан ўқиши машруъ – шариатда бор амал эканлигига, бу ҳолатда иккинчи марта ўқийдиган намози нафлга айланишига далолат қилади. Чунки у Росулуллоҳ соллаллоҳу алайҳи ва саллам билан бирга фарзга ният қилиб ўқир – у киши билан ўқилган жамоат намозининг фазилатини топар –, кейин эса ўз қавмига имом бўлганида нафлга ният қилар эди.

•┈┈┈┈•✾•┈┈┈┈•
👥Яқинларингизга ҳам етказинг.
Улашинг⬇️📲
https://t.me/Fasabbih

(Instagram ) каналимиз:
Instagram.com/Fasabbih1

Фарз намозни жамоат билан ёки ёлғиз ўзи ўқиб олган киши бошқа бир одам ҳам жамоат савобини олиши учун ўша намозни унга қўшилиб қайтадан ўқишининг ҳукми

Эркак киши фарз намозларини масжидда, жамоат билан адо қилиши, буни узрсиз тарк этмаслиги вожиб. Чунки масжидга юриб боришга қодир бўлган эркак кишига жамоат намози вожиб бўлади.

Агар бир киши муайян сабабга кўра – сафарда ёки уйида фарз намозни ўқиб олган бўлса ва кейин масжидга бориб у ерда жамоат намози ўқилаётганини кўрса, жамоатга қўшилади ва бу намоз унинг учун нафл бўлади. Бунинг далили:

عَنْ يَزِيدَ بْنِ الْأَسْوَدِ الْعَامِرِيُّ رَضِيَ اللهُ عَنْهُ، قَالَ: شَهِدْتُ مَعَ رَسُولِ اللهِ صَلَّى اللهُ عَلَيْهِ وَسَلَّمَ صَلَاةَ الْفَجْرِ فِي مَسْجِدِ الْخَيْفِ، فَلَمَّا قَضَى صَلَاتَهُ إِذَا هُوَ بِرَجُلَيْنِ فِي آخِرِ الْقَوْمِ لَمْ يُصَلِّيَا مَعَهُ قَالَ: عَليَّ بِهِمَا، فَأُتِيَ بِهِمَا تَرْعَدُ فَرَائِصُهُمَا، فَقَالَ: مَا مَنَعَكُمَا أَنْ تُصَلِّيَا مَعَنَا؟ قَالَا: يَا رَسُولَ اللهِ، إِنَّا قَدْ صَلَّيْنَا فِي رِحَالِنَا، قَالَ: فَلَا تَفْعَلَا، إِذَا صَلَيْتُمَا فِي رِحَالِكُمَا، ثُمَّ أَتَيْتُمَا مَسْجِدَ جَمَاعَةٍ، فَصَلِّيَا مَعَهُمْ، فَإِنَّهَا لَكُمَا نَافِلَةٌ.

Язид ибн Асвад Ал-Омирий розияллҳу анҳунинг ҳадиси: “Росулуллоҳ соллаллоҳу алайҳи ва саллам билан бирга (Ҳажжатул-Вадоъда, Минодаги) Хайф масжидида бомдодни ўқидим. У киши намозни ўқиб бўлганларида жамоатнинг охирги қаторида турган икки киши ўзлари билан намоз ўқимаганини кўриб, “Уларни олдимга чақиринглар”, дедилар. Улар хавотирдан титраб, терга тушиб келишди. Росулуллоҳ соллаллоҳу алайҳи ва саллам: “Сизларни биз билан намоз ўқишдан нима тўсди?” – деб сўрадилар. Улар: “Эй Росулуллоҳ, биз ўзимиз ўрнашган ерда (жойлашган чодиримизда) намозни ўқиб олгандик”, дейишди. Росулуллоҳ: “Ундай қилманглар. Агар манзилингизда намоз ўқиб олган бўлсангиз-у, кейин жамоат намоз ўқиётган масжидга келсангиз, улар билан бирга намозни ўқинг. Бу сиз учун нафл бўлади”, дедилар”. Термизий (219), Насоий (858). Шайх Муҳаммад Носируддин Албоний “Саҳиҳ ҳадис” деган.

Имом Термизий роҳимаҳуллоҳ ушбу ҳадиснинг шарҳида айтади: “Бу бир қатор аҳли илмларнинг гапи. Суфён Саврий, Имом Шофеий, Имом Аҳмад, Исҳоқ ибн Роҳавайҳ: “Агар бир киши якка ўзи намоз ўқиган бўлса-ю, кейин бир жамоат шу намозни ўқиётганини кўрса, уларга қўшилади ва намозини жамоат билан ўқийди. Агар бир киши шом намозини якка ўзи ўқиб олганидан кейин бир жамоат шу намозни ўқиётганини кўрса, уларга ўқшиб ўқийди, фақат охирги бир ракъатни алоҳида, нафл қилиб ўқиб олади. Бунда якка ўзи ўқиган намози фарзга, жамоатга қўшилиб ўқигани эса нафлга ўтади”.

Бу ўринда жамоатга қўшилиб фарз намозни яна бир марта ўқиган кишининг намози нафлга айланади. Чунки у ўша намозни якка ўзи ўқиб олган ва шу билан зиммасидан фарз соқит бўлган. Иккинчи марта ўқиётгани эса фарзнинг устига қўшимча, фазилатли амал бўлади.

Шундай экан, фарз намозни якка ўзи ўқиб олган киши масжидга борганда жамоатни топса, имомга иқтидо қилиб ўша намозни қайтадан ўқиши мумкин бўлади. Бунда жамоат ўқиётган намоз икки ракъатли (бомдод), уч ракъатли (шом), ёки тўрт ракъатли (пешин, аср ва хуфтон) эканлигининг фарқи йўқ. Чунки Росулуллоҳ соллаллоҳу алайҳи ва салламнинг жамоатга қўшилиб намоз ўқиб олиш ҳақидаги буйруқлари умумий бўлиб, бунда биронта намоз ажратиб кўрсатилмади.

Қуйидаги ҳадис бу фикримизга далил бўлади:

عَنْ أَبِي سَعِيدٍ الْخُدْرِيِّ رَضِيَ اللهُ عَنْهُ، قَالَ: جَاءَ رَجُلٌ وَقَدْ صَلَّى رَسُولُ اللهِ صَلَّى اللهُ عَلَيْهِ وَسَلَّمَ، فَقَالَ: أَيُّكُمْ يَتَّجِرُ عَلَى هَذَا؟ فَقَامَ رَجُلٌ فَصَلَّى مَعَهُ.

Абу Саид Ал-Худрий розияллоҳу анҳу айтади: “Бир киши (масжидга) кириб келди. Росулуллоҳ соллаллоҳу алайҳи ва саллам (жамоат билан) намозни ўқиб бўлган эдилар. Шунинг учун “Қайси бирингиз бу киши билан тижорат қилади (унга қўшилиб намоз ўқиб, фойда келтиради)?” – деб сўрадилар. Шунда бир киши ўрнидан турди-да, у билан бирга намоз ўқиди”. Термизий (220). Шайх Муҳаммад Носируддин Албоний “Саҳиҳ ҳадис” деган.

Давоми👇
https://t.me/fasabbih/464

Бугун 25 март иншоАллоҳ Шаъбон ойининг биринчи куни. Кеча ой кўриш марказидан шу хабар тарқалди.
Оллоҳ таоло Шаъбон ойига барака ёғдириб, муборак Рамазон ойига етказсин, таровеҳларни биринчи кунданоқ масжидларда ўқиш насиб қилсин. Амийн.

•┈┈┈┈•✾•┈┈┈┈•
👥Яқинларингизга ҳам етказинг.
Улашинг⬇️📲
https://t.me/Fasabbih

(Instagram ) каналимиз:
Instagram.com/Fasabbih1