Gilos
Tashqi mehnat migratsiyasi agentligi vakili: «
Bizga fuqarolarimiz Koreya hududida qolgani ma'qul»
21:33 | 02.03.2020
Tashqi mehnat migratsiyasi agentligining Janubiy Koreyadagi vakolatxonasi rahbari Alisher Sulaymonov ushbu mamlakatdagi oʻzbekistonliklarning vizalari uzaytirilishi, fuqarolar Oʻzbekistonga majburan qaytarilmasligi, ular oʻz xohishiga ko'ra Koreyada qolishi barcha uchun foydali boʻlishi haqida gapirdi.
Bugun, 2 mart kuni Janubiy Koreya vaqti bilan soat 20:00dan Oʻzbekiston Respublikasi Bandlik va mehnat munosabatlari vazirligi huzuridagi Tashqi mehnat migratsiyasi agentligining Janubiy Koreyadagi vakolatxonasi rahbari Alisher Sulaymonov feysbuk ijtimoy tarmogʻi orqali jonli efirda Oʻzbekiston fuqarolarining savollariga javob qaytardi. Janubiy Koreyadagi fuqarolar koronavirus munosabati bilan cheklangan aviaqatnovlar, vizani uzaytirish va Koreyada aviachiptalarni sotib olish boʻyicha savollar yoʻllashdi.
Sulaymonov O‘zbekiston kelgusida Koreya Respublikasi hududidagi fuqarolarini evakuatsiya qilishi mumkinligini istisno qilmadi. «Avvalo, yaxshi niyat qilaylik. Biz ushbu vaziyat tezroq yaxshilanishiga umidvormiz. Biroq vaziyat jiddiy tus olsa, Oʻzbekiston oʻz fuqarolarini qaytarish uchun albatta, barcha kerakli choratadbirlarni amalga oshiradi. Hech kimni majburan Oʻzbekistonga qaytarish uchun choralar koʻrilmaydi. Biz uchun ayni damda fuqarolarimiz Koreya hududida boʻlgani maqsadga muvofiq», dedi u.
U shuningdek, Janubiy Koreyadagi oʻzbekistonliklarning vizalari muddati uzaytirilishini ma'lum qildi. «Albatta, hikorea.go.kr sayti orqali vizangizni hozirgi holatini tekshirasiz. Odatda, Koreya hukumati tomonidan 30 aprelga qadar choʻzdirilgan boʻlishi kerak. Ye9 va Ye10 viza turlari bundan, mustasno. Agar choʻzdirilmagan boʻlsa, u holda hikorea.go.kr saytida roʻyxatdan oʻtib, immigratsiya xizmati idorasiga borib, vizani uzaytirish uchun ariza toʻldirasiz. Arizada uzaytirish uchun asosiy sabablar koʻrsatilishi kerak. Biz vizani uzaytirish tartibi haqida yana batafsil ma'lumot va koʻrsatmalar beramiz», degan u. Mutasaddi aprel oyida aviaqatnovlar cheklanmasligini, keyingi oydan avvalgidek 13ta reys muntazam ravishda amalga oshirilishini ma'lum qilgan. U shuningdek, mart oyidagi reyslarga chipta olganlar chiptasini qaytarishi evaziga chipta uchun sarflangan pullar toʻlanishi shartligini qo'shimcha qilgan. Kun.uz muxbiri xabar qilishicha, vakolatxona 3 mart kuni ham shunday jonli muloqotni tashkil etishni rejalashtirgan.
🍒Yangiliklar👇
https://t.me/joinchat/AAAAAEdDZjQMpSjMRUTwYw